ព្រៃវែង ៖ប្រភពថ្មីៗពីក្រុមឈ្មួញនិងអាជីវកររកស៊ីដឹកជញ្ជូន.ដែក.គ្រួស.ថ្ម.សុីម៉ង់ត៍និងទំនិញផ្សេងៗទៀតឆ្លងកាត់ស្ថានីយ៍ជញ្ជីងថ្លឹងរថយន្ត លើកំណាត់ផ្លូវជាតិលេខ៨ ភូមិព្រែកព្នៅ ឃុំព្រែកព្នៅ ស្រុកពារាំង ខេត្តព្រៃ វែង បានអំពាវនាវដល់លោក ឱម យ៉ិនទៀង ប្រធានអង្គភាពប្រឆាំងអំពើពុករលួយនិងថ្នាក់ដឹកនាំក្រសួងស្ថាប័នពាក់ព័ន្ធដាក់ការ សេុីបអង្កេតស្រាវជ្រាវជុំវិញភាពមិនប្រក្រតី ពុករលួយរបស់ប្រធានក្រុមស្ថានីយ៍ជញ្ជីងថ្លឹងរថយន្ត ផ្លូវជាតិលេខ៨ ភូមិព្រែកព្នៅ ឃុំព្រែកព្នៅ ស្រុកពារាំង ខេត្តព្រៃវែង ប្រែក្លាយទៅជាស្ថានីយ៍ជញ្ជីងថ្លឹងលុយទាំងយប់ទាំងថ្ងៃតាមអំពើចិត្តប្រព្រឹត្តអំពើពុករលួយ។
ប្រភពបានបន្តថា សព្វថ្ងៃនេះប្រធានក្រុមស្ថានីយ៍ជញ្ជីងថ្លឹងរថយន្ត ផ្លូវជាតិលេខ៨ភូមិព្រែកព្នៅ ឃុំព្រែកព្នៅ ស្រុកពារាំង កំពុងត្រូវប៉ាន់ប្រមូលលុយចែកគ្នាធ្វើមានធ្វើបានយ៉ាងសុខស្រួលមិនញញើតអង្គភាពអំពើពុក រលួ យនោះទេ។ហើយរថយន្តធំៗផ្ទុកមិន លើសទម្ងន់ក៍ត្រូវតែបង់លុយតាមការកំណត់របស់ប្រធានស្ថានីយ៍ជញ្ជីងថ្លឹងរថយន្ត ផ្លូវជាតិ លេខ៨ ភូមិព្រែកព្នៅ មិនអាចតវ៉ាបាន រាល់ថ្ងៃនៅតែបន្តធ្វើសកម្មភាពប្រព្រឹត្តទាំងយប់ទាំងថ្ងៃយ៉ាងបានរលូន។ ចំណែកលោក ស៊ុន ចាន់ថុល រដ្ឋមន្ត្រីក្រសួងសាធារណៈការនិងដឹកជញ្ជូននិងលោក សេង ឈួន ប្រធានស្ថានីយ៍ជញ្ជីងថ្លឹងរថយន្តទូទាំងប្រទេស ធ្វើមិនដឹង មិនឮ អ្វីទាំងអស់ ទុកអោយប្រធានក្រុមស្ថានីយ៍ជញ្ជីងថ្លឹងរថយន្តផ្លូវជាតិលេខ ៨ ភូមិព្រែកព្នៅ ឃុំព្រែកព្នៅ ស្រុកពារាំង ខេត្តព្រៃវែង ប្រព្រឹត្តអំពើពុករលួយតាមអំពើចិត្ត។ ឈ្មួញនិងអាជីវករដែលដឹកជញ្ជូនទំនិញចេញពីប្រទេសវៀតណាមតាមច្រកទ្វារព្រំដែនអន្តរជាតិមុឺនជ័យ និងច្រកទ្វារព្រំដែនអន្តរជាតិត្រពាំងផ្លុង ឆ្លងកាត់ផ្លូវជាតិលេខ៨ ក្នុងស្រុកពារាំង បានបញ្ជាក់ថា បើទោះបីពួកគាត់ផ្ទុកលើសទម្ងន់ ឬមិនលើសទម្ងន់ក៏ត្រូវតែបង់លុយតាមការ កំណត់របស់ប្រធានក្រុមស្ថានីយ៍ជញ្ជីងថ្លឹងរថយន្តផ្លូវជាតិលេខ ៨ ក្នុងភូមិព្រែកព្នៅ ឃុំព្រែកព្នៅ ស្រុកពារាំង ខេត្តព្រៃវែងមិនអាចអាក់ខានបាន។
ប្រភពដដែលបន្ថែមទៀតថា ពួកគាត់ដឹកជញ្ជូន.ដែក.គ្រួសថ្ម.សុីម៉ង់ត៍.ទំនិញ ឬកសិផលផ្សេងៗឆ្លងកាត់ស្ថានីយ៍ជញ្ជីងថ្លឹងរថយន្តផ្លូវជាតិលេខ៨ ភូមិព្រែកព្នៅ ស្រុកពារាំង តែងតែដឹកគោរពតាមគោលការណ៍ច្បាប់កំណត់ ក៏នៅតែចៀសមិនផុតពីការបង់ លុយអោយក្រុមមន្ត្រីពុករលួយនិងបក្ខពួកប្រចាំស្ថានីយ៍ជញ្ជីងថ្លឹងរថយន្តផ្លូវជាតិលេខ ៨ ខានមិនបាន ។ ដូច្នេះហើយទើបឈ្មួញអំពាវនាវដល់លោក ជា សុមេធី អភិបាលខេត្តព្រៃវែង លោក ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូន និងលោក សេង ឈួន ប្រធានស្ថានីយ៍ជញ្ជីងថ្លឹងរថយន្តទូទាំងប្រទេស ចាត់វិធានការទប់ស្កាត់អំពើពុករលួយរបស់លោកប្រធានស្ថានីយ៍ជញ្ជីងថ្លឹងរថយន្ត ផ្លូវជាតិលេខ ៨ ភូមិព្រែកព្នៅ ឃុំព្រែកព្នៅ ស្រុកពារាំង ខេត្តព្រៃវែង ធ្វើអ្វីតាមអំពើចិត្តនេះផង! ដូច្នេះលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ ធ្លាប់ប្តេជ្ញាលុបបំបាត់អំពើពុករលួយតាមដងផ្លូវចាត់វិធានការទប់ស្កាត់អំពើ ពុករលួយរបស់ប្រធានក្រុមប្រចាំស្ថានីយ៍ ជញ្ជីងថ្លឹងរថយន្តផ្លូវជាតិលេខ ៨ ភូមិព្រែកព្នៅ ដែលប្រែក្លាយទៅជាស្ថានីយ៍ជញ្ជីងថ្លឹង លុយទាំងយប់ទាំងថ្ងៃ នេះផង។
ប្រភពពីមន្ត្រីនៃមន្ទីរសាធារណការនិងដឹកជញ្ជូនខេត្តព្រៃវែងបានបង្ហើបថា ការដែលប្រធានស្ថានីយ៍ជញ្ជីងថ្លឹងរថយន្តផ្លូវ ជាតិលេខ៨ ភូមិព្រែកព្នៅ ឃុំព្រែកព្នៅ ស្រុកពារាំង ហ៊ានគាបយកលុយពីឈ្មួញនិងអាជីវករតាមអំពើចិត្តបែបនេះគឺដោយសារមានការឃុបឃិតបើកដៃពីមន្ត្រីធំៗខាងលើផងដែរ។ឈ្មួញមួយចំនួនបានប្រើ ប្រាស់រថយន្តវ៉េអងធំៗ រថយន្តសណ្ដោងកន្ទុយសណ្ដោងរ៉ឺម៉កផ្ទុកទំនិញលើសទម្ងន់ បើកបរឆ្លងកាត់មុខស្ថានីយ៍ជញ្ជីងថ្លឹងរថយន្តផ្លូវជាតិលេខ៨ មន្ត្រីប្រចាំការស្ថានីយ៍តម្រូវឲ្យម្ចាស់រថយន្ត ខ្នាតធំដឹកជញ្ជូនទំនិញលើសទម្ងន់ចូលបង់លុយតាមការកំណត់ ជាការស្រេចដោយមិនខ្វល់ពីរឿងរថយន្តទាំងនោះ ធ្វើឲ្យបាក់ស្រុតខូចផ្លូវខូចស្ពានឡេីយ ។
ប្រភពពីប្រជាពលរដ្ឋរស់នៅ ភូមិព្រែកព្នៅ ឃុំព្រែកព្នៅ្រ ស្រុកពារាំង បានឲ្យដឹងថា ពេលរថយន្តធំៗ ដឹកទំនិញលើសទម្ងន់បើកបរឆ្លងកាត់មុខស្ថានីយ៍ជញ្ជីងថ្លឹងរថយន្ត ផ្លូវជាតិ លេខ៨ គេសង្កេតឃើញព្រូឡានតៃកុងឡាន រត់យ៉ាងប្រសេចប្រសាចឆ្លងផ្លូវទៅបង់លុយឲ្យប្រធានក្រុមស្ថានីយ៍ជញ្ជីងថ្លឹងរថយន្តផ្លូវជាតិលេខ ៨ ព្រែកព្នៅ តាមការកំណត់មិនអាចតវ៉ាបាន។ ប្រសិនបើឈ្មួញឬអាជីវករណាម្នាក់ហ៊ានតវ៉ាប្រាកដជាត្រូវក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តផ្លូវជាតិលេខ ៨ ក្នុងភូមិព្រែកព្នៅ ឃុំព្រែកព្នៅ ស្រុកពារាំង ខេត្តព្រៃវែង រករឿងឲ្យរើទំនិញចុះឡើងតាមទំនេីងចិត្ត របស់ពួកគេជាមិនខាន់ ។ រថយន្តធំៗដឹកជញ្ជូនទំនិញលើសទម្ងន់រាប់តោនហូរ ហៀរខុសលក្ខណៈបច្ចេកទេសនៅ តែអាចបើកបរលើផ្លូវជាតិលេខ ៨ យ៉ាងគគ្រឹក គគ្រេងមិនមានការហាមឃាត់ពីសមត្ថកិច្ចពាក់ ព័ន្ធណាឡើយបណ្ដោលឲ្យខូចផ្លូវខូចស្ពានជាបន្តបន្ទាប់ ។
ដែលបញ្ហានេះលោកស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូននិងលោក សេង ឈួន ប្រធានស្ថានីយ៍ជញ្ជីងថ្លឹងរថយន្តទូទាំងប្រទេស មិនគួរមើលរំលងតទៅទៀតនោះទេព្រោះក្រុមស្ថានីយ៍ជញ្ជីងថ្លឹងរថយន្ត ផ្លូវជាតិលេខ៨ ស្រុកពារាំង ប្រែ ក្លាយទៅជាស្ថានីយ៍ជញ្ជីងថ្លឹងលុយទាំងថ្ងៃទាំងយប់ហើយទាន៕មានត