ខេត្តតាកែវ៖ តាមប្រភពពីប្រជាពលរដ្ឋរស់ នៅ ឃុំទំលាប់ ស្រុកគីរីវង្ស ខេត្តតាកែវ បានអោយដឹងថា ល្បែងសុីសង ជល់មាន់ បៀរ អាប៉ោង យូគីនិងល្បែងច្រើនប្រភេទទៀត ដែលបើកបង្កប់នៅក្នុង “កាស៊ីណូយីហោ ថបដាយអុីមុិន “(TOP DIAMOND CASINO)ភ្នំដិនកំពុងបើកអោយប្រជាពលរដ្ឋខ្មែរចូលលេងល្បែងសុីសងយ៉ាងគគ្រឹកគគ្រេងពេញទំហឹងវិញហើយ រីឯលោកអភិបាលស្រុកគីរីវង្ស និង លោក អធិការដ្ឋាននគរបាលស្រុកគីរីវង្ស សម្ងំទទួលប្រយោជន៍ជាថ្នូរមិនបង្រ្កាប។
មហាជនក៍ដូចប្រជាពលរដ្ឋរស់ នៅឃុំទំលាប់ ស្រុកគីរីវង្ស បានរិះគន់ចំៗទៅលើអាជ្ញាធរនិងសមត្ថកិច្ចមន្ត្រីជំនាញពាក់ព័ន្ធស្រុក.ខេត្តតាកែវ ជាអ្នកបើកភ្លើងខៀវ ទើបម្ចាស់ “កាស៊ីណូយីហោថបដាយអុីមុិន” (TOP DIA MOND CASINO ) ភ្នំដិន ហ៊ានបើកអោយប្រជាពលរដ្ឋខ្មែរចូលលេងល្បែងជល់មាន់ខ្នាតយក្សលេងស៊ីសងខុសច្បាប់ស្រេចតែអំពើចិត្ត។ ជាក់ស្តែងក្រុម ញៀនល្បែងពលរដ្ឋខ្មែរ ដែលដើរចូលទៅ លេងនៅក្នុងកាសុីណូនេះមានទាំងម៉ូតូមានទាំងរថយន្តសេរីទំនើបៗរាប់រយគ្រឿងជិះចូលលេងនៅក្នុង”កាសុីណូយីហោថប ដាយអុីមុិន “(TOP DIAMOND CAS INO ) មួយនេះ ប្រហែលមានខ្នង បង្អែករឹងមាំ ទើបម្ចាស់ទីតាំងបនល្បែងសុីសងមួយនេះហ៊ានបើកអោយប្រជាពលរដ្ឋខ្មែរនិងជនអន្តោប្រវេសន៍ចូលលេងល្បែង ភ្នាល់សុីសងខុសច្បាប់ ភាគច្រើនសុទ្ធតែពលរដ្ឋខ្មែរមកពីបណ្តាខេត្តនានា ចូលមកលេងចាក់ភ្នាល់ដាក់លុយចាញ់ឈ្នះរាប់ពាន់មុឺនដុល្លារក្នុងមួយថ្ងៃ ៗបច្ចុប្បន្ននេះក្រុមញៀនល្បែងទាំង នោះកំពុងនាំគ្នាសម្រុកចូលទៅលេងល្បែងនៅក្នុង”កាសុីណូយីហោថបដាយអុីមុិន (TOP DIAMOND CASINO)ភ្នំដិនដែលមានល្បែងគ្រប់ប្រភេទដូចជា៖មាន់ជល់ខ្នាយដែក បៀរ អាប៉ោងយូគី រីឯ អាជ្ញាធរ.សមត្ថកិច្ចនិងមន្ត្រីជំនាញពាក់ពន្ធ័នៅក្នុងមូលដ្ឋានខេត្តតាកែវបណ្តោយអោយម្ចាស់កាសុីណូមួយនេះធ្វើអ្វីៗតាមអំពើចិត្ត បើកអោយប្រជាពលរដ្ឋខ្មែរចូលទៅលេងល្បែងដោយសេរី មិនញញើតច្បាប់មិនខ្លាចសមត្ថកិច្ចនិងអាជ្ញាធរចុះបង្ក្រោបឡើយ។
ប្រភពអ្នកចេញចូល”កាសុីណូយីហោថប ដាយអុីមុិន”(TOP DIAMOND CASI NO) បានបន្ថែមអោយទៀតថា មានមេការស្ទាត់ជំនាញម្នាក់ខាងរត់ការបង់សួយសារ ជូនដល់មន្រ្តីជំនាញពាក់ព័ន្ធថ្នាក់មូលដ្ឋានរហូតដល់ថ្នាក់លើ ទើប រក្សាភាពស្ងៀមស្ងាត់មកដល់បច្ចុប្បន្ន ជាការមិនរំខាន។ល្បែងជល់មាន់ដ៍ធំជ្រកក្រោមស្លាក ”កាស៊ីណូយីហោថបដាយអុីមុិន”( TOP DIAMOND CASINO) នេះដែលកំពុងបើកពង្វក់អោយប្រជាពលរដ្ឋខ្មែរ ចូលលេងល្បែងសុីសងយ៉ាងគគ្រឹកគគ្រេងអនាធិបតេយ្យជារៀងរាល់ថ្ងៃបានធ្វើអោយពលរដ្ឋខ្មែរដែលរស់នៅជាប់ខ្សែរបន្ទាត់ព្រំដែន មានការព្រួយបារម្ភភ័យខ្លាចបញ្ហាអសន្តិសុខសង្គមនិងអំពើចោរកម្ម. ចោរ លួច.ចោរឆក់.ចោរប្លន់.ចោរគាស់ផ្ទះ.គ្រឿង ញៀននិងប្រើអំពើហិង្សាដើមចមកើតចេញ ពីល្បែសុីសងនេះឯង។ ប្រជាពលរដ្ឋជាច្រើនបានដាក់ជាចម្ងល់ ឆ្ងល់ថា តើភូមិ ឃុំ មានសុវត្ថិភាព ៧ ចំណុច នៅត្រង់ណា? បើល្បែងភ្នាល់ស៊ីសងនៅក្នុងមូលដ្ឋានរបស់ខ្លួនបើកលេងគគ្រឹកគគ្រេងបែរជាសមត្ថកិច្ចនគរបាលស្រុកគីរីវង្ស ខេត្តតាកែវ មិនចាត់វិធានការបង្រ្កាបសោះនោះ?។
ប្រជាពលរដ្ឋរស់នៅ ឃុំទំលាប់ ស្រុកគីរីវង្សសូមអំពាវនាវដល់លោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរ បាលជាតិនិងលោកសន្តិបណ្ឌិត សុខ ផល រដ្ឋលេខាធិការក្រសួងមហាផៃ្ទនិងជាប្រធានគណៈកម្មការបង្ការបង្ក្រាបបទល្មើសល្បែង ស៊ីសងទូទាំងប្រទេស មេត្តាដាក់មន្រ្តីក្រោមឱវាទខេត្តចុះពិនិត្យទីតាង”កាស៊ីណូយីហោ ថបដាយអុីមុិន”(TOP DIAMOND CAS INO)ភ្នំដិនមួយនេះដែលអនុវត្តន៍ផ្ទុយអំពីច្បាប់អនុញ្ញាតនេះផង។
បញ្ហានេះដែលលោក អ៊ូច ភា អភិបាល ខេត្តតាកែវ និងលោក ឈាង ផាន់ណារ៉ា ស្នងការដ្ឋាននគរបាលខេត្តតាកែវនឹងលោកមេបញ្ជាការកងរាជអាវុធហត្ថខេត្តតាកែវ បើពិតមិនបានជាប់ពាក់ព័ន្ធនឹងផលប្រយោជន៍នោះទេ?គួរតែចាត់វិធានការបង្រ្កាបទៅលើ ម្ចាស់“កាស៊ីណូយីហោ ថបដាយអុីមុិន” (TOP DIA MOND CASINO) ដែល បើកអោយប្រជាជនខ្មែរចូលលេងល្បែងសុី សងគគ្រឹក គគ្រេងរាល់ថ្ងៃនោះអោយមានប្រសិទ្ធភាពស្របតាមគោលនយោបាយភូមិឃុំមានសុវត្ថិភាព ៧ ចំណុចដែលរាជរដ្ឋាភិបាលបានដាក់ចេញដោយក្រសួងមហាផ្ទៃ ផង។ ប៉ុន្តែមិនដឹងខ្នងអង្អែកម្ចាស់ កាសុីណូរឹងមាំឬធំប៉ុណ្ណានោះទេ?ទើបបានអាជ្ញាធរនិងសមត្ថកិច្ចស្រុក.ខេត្ត.មិនហ៊ានបង្រ្កាប ហើយថែមបើកខៀវអោយម្ចាស់ទីតាំងនេះបើកអោយប្រជាពលរដ្ឋខ្មែរលេងល្បែងសុីសងរាល់ថ្ងៃផ្ទុយអំពីច្បាប់អនុញ្ញាតនោះទៅវិញ ៕មានត