ខេត្តបន្ទាយមានជ័យ៖ ប្រភពថ្មីៗពីអ្នករត់ “Pass app”និងម៉ូតូឌុបដែលរត់ដឹកជញ្ជូនភ្ញៀវចេញចូល នៅម៉ាត់ច្រកទ្វារអន្តរជាតិប៉ោយប៉ែតក្រុងប៉ោយប៉ែតខេត្តបន្ទាយមាន ជ័យបានអំពាវនាវដល់លោក ឱម យ៉ិនទៀង ប្រធានអង្គភាពប្រឆាំងអំពើពុករលួយនិងថ្នាក់ដឹកនាំក្រសួងស្ថាប័នពាក់ព័ន្ធដាក់ការ សេុីបអង្កេតស្រាវជ្រាវជុំវិញភាពមិនប្រក្រតី ពុករលួយរបស់ក្រុមមន្រ្តីនគរបាលអន្តោប្រវេសន៍ច្រកទ្វារអន្តរជាតិប៉ោយប៉ែតក្រុងប៉ោយប៉ែត ដែលកំពុងគាបសង្កត់ធ្វើស្រែ លើខ្នងប្រជាពលរដ្ឋខ្មែរខ្លួនឯងនេះផង។
ប្រភពពីអ្នករត់” Pass app” និងម៉ូតូឌុប នៅម៉ាត់ច្រកទ្វារព្រំដែនអន្តរជាតិប៉ោយប៉ែតក្រុងប៉ោយប៉ែតខេត្តបន្ទាយមានជ័យបានបន្តថា មានមន្ត្រីនគរបាលអន្តោប្រវេសន៍ ប្រចាំនៅច្រកទ្វារព្រំដែនអន្តរជាតិប៉ោយប៉ែតក្រុងប៉ោយប៉ែត ខេត្តបន្ទាយមានជ័យមួយចំនួនបានឃុបឃិតប្រព្រឹត្តអំពើពុករលួយប្រមូលលុយដាក់ខែពីអ្នករត់ “Pass app” .ម៉ូតូឌុប និងប្រថាប់ត្រាលើប័ណ្ណឆ្លងដែន យកលុយពីជនបរទេស ជាហេតុធ្វើអោយពួកគាត់មិនសប្បាយចិត្តទាល់តែសោះ ។
បើតាមប្រភពពីស្ត្រីជនជាតិថៃ ចេញចូលប្រទេសកម្ពុជាបានអោយដឹងថា ការប្រថាប់ត្រាត្រូវបានមន្ត្រីនគរបាលអន្តោប្រវេ សន៍ តម្រូវ ឲ្យបង់លុយក្នុង១ នាក់ ២០០ បាត ស្មើជាង២ ម៉ឺនរៀល ជាហេតុធ្វើឲ្យ ជនបរ ទេសអាចមើលងាយដល់ប្រទេសជាតិដោយ សារតែមន្ត្រីគ្រាប់ល្ពៅមួយចំនួនតូចស៊ី ប្រាក់ ខែរដ្ឋហើយមកគាបយកលុយលើតុ ក្រោមតុ តាមការកំណត់មិនអាចតវាបានឡើយ ។
គួររំលឹកផងដែរថា ដោយសារតែការយក លុយពីជនបរទេសកន្លងទៅមានជនជាតិថៃបានលើកគ្នាទៅ សុំកិច្ចអន្តាគមន៍ពីអគ្គកុង ស៊ុល កម្ពុជា ប្រចាំប្រទេសថៃ ស្នើសុំស្នាក់ នៅបានរយ:ពេល ៦យប់៧ថ្ងៃ និងសុំមិនឲ្យលុយថ្លៃប្រថាប់ ត្រាទៀតផង ពេលនោះអគ្គកុង ស៊ុលកម្ពុជាក៏យល់ព្រមផងដែរ ។
ប្រភពពីអ្នករត់ “Pass app” និងម៉ូតូឌុបបានបន្ថែមទៀតថា ពួកគាត់រត់ម៉ូតូឈ្នួលនៅ ក្នុងបរិវេណមាត់ច្រកទ្វារព្រំដែនអន្តរជាតិប៉ោយប៉ែត បានរលូនដោយសារបានបង់ លុយឲ្យ មន្ត្រីនគរអន្តោប្រវេសន៍ អោយឈ្មោះ(កុយ) ជនស៊ីវិលជាអ្នកប្រមូលលុយរាល់ខែ ពីអ្នករត់ “Pass app” ក្នុងមួយខែ ៣០០០ បាត”ពីពាន់បាតប្រាក់ថៃ” ចំណែក ម៉ុតូឌុប ប្រភេទ VIP ក្នុងមួយខែ ២០០០ បាត”ពីពាន់បាតប្រាក់ថៃ” ធម្មតា ១០០០ បាត “មួយពាន់បាត”ផងដែរ ហើយក្នុងម្នាក់ៗត្រូវមានវិទ្យុទាក់ទង(អាយ កូម) គ្រប់ដៃតែហាមមិនអោយប្រាប់អ្នកណា ឬសារព័ត៌មាន។
ប្រភពដដែលបន្ថែអោយដឹងទៀថា អ្នករត់ “Pass app ” ដែលត្រូវបង់លុយ មានចំនួន ៨០គ្រឿង ចំណែកម៉ូតូក៏មានរាប់រយគ្រឿងផងដែរបើមិនបានបង់លុយអោយពួកគេទេ? គេមិនអនុញ្ញាតឲ្យរត់ដឹកភ្ញៀវចេញ-ចូលមកពីដីថៃព្រមទាំងធ្វើទុកបុកម្និញទៀតផង ។ អ្នករត់ “Pass app”និងម៉ូតូឌុប បានត្អូញត្អែថាពេលខ្លះបានត្រឹមរួចខ្លួនពេលខ្លះបានសល់បន្តិចបន្តូចត្រូវបង់ឲ្យប៉ូលីស ទៀតធ្វើអោយពួកគាត់ពិបាករស់។
មហាជនក៍ដូចប្រជាពលរដ្ឋខ្មែរដែលបានចេញចូលច្រកទ្វារព្រំដែនអន្តរជាតិប៉ោយប៉ែតនាំគ្នារិះគន់ក្រុមមន្រ្តីនគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត ដែលយកលុយដាក់ខែពីអ្នករត់”Pass app “ម៉ូតូឌុបនិងជនបរទេសធ្វើព្យុះភ្លៀងតាមអំពើចិត្ត ។ ក្រុមអ្នករត់” Pass app” និងម៉ូតូឌុបសូមអំពាវនាវដល់ថ្នាក់ដឹកនាំក្រសួងមហាផ្ទៃ លោកនាយឧត្តមសេនីយ៍ គៀត ចន្ទ័ថារិទ្ធ អគ្គនាយកនៃអគ្គនាយកដ្ឋាននគរបាលអន្តោប្រវេសក្រសួងមហាផ្ទៃ ពិនិត្យ មើលមន្រ្តីនគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែតឡើងវិញខ្លះផង! ព្រោះហេតុថា ចាប់តាំងពីចាប់ ផ្តើម បើកឲ្យភ្ញៀវជាតិ អន្តរជាតិចេញ-ចូល ច្រកទ្វារនេះមក ឃើញថាភាពមិនប្រក្រតីពុករលួយច្រើនបែបច្រើនយ៉ាងរបស់មន្រ្តីនគរ បាលច្រកទ្វារព្រំដែនប៉ោយប៉ែតមួយនេះរឿងរ៉ាវមិនចេះចប់ ។ ដូច្នេះ លោក ឱម យ៉ិនទៀង ប្រធានអង្គភាពប្រឆាំងអំពើពុករលួយ ធ្លាប់ប្តេជ្ញាលុបបំបាត់អំពើពុក រលួយដាក់ការសុើបអង្កេតអោយសុីជម្រៅទៅលើក្រុមមន្ត្រីនគរបាលច្រកទ្វារអន្តរជាតិប៉ោយប៉ែតប្រព្រឹត្តនូវភាពមិនប្រក្រតីពុករលួយនេះផង។ពាក់ព័ន្ធព័ត៌មានខាងលើគេហទំព័រ (www. enn- tv.com)យើងខ្ញុំរងចាំនូវការពន្យល់បកស្រាយពីមន្ត្រីនគរបាលអន្តោប្រវេសន៍ ច្រកទ្វារព្រំដែនអន្តរជាតិប៉ោយប៉ែត រាល់ម៉ោងធ្វើការ៕មានត