ខេត្តស្វាយរៀង ៖យោងតាមប្រភពថ្មីៗដែលស្និទ្ធនឹងលោក ខាត់ សារ័ត្ន បានបង្ហើបអោយដឹងថា ឈ្មួញដែលដឹកជញ្ជូនទំនិញតាមច្រកទ្វារព្រំដែនអន្តរ ជាតិនេះគឺជាប្រភពចំណូលដ៏ធំរបស់លោក ខាត់ សារ័ត្ន ជាពិ សេសឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់។ លោក ខាត់ សារ័ត្ន គ្មានតួនាទីប្រមូលពន្ធដូច ជាមន្ត្រី គយនោះទេ ប៉ុន្តែឈ្មួញនាំចេញនាំចូលតាមច្រកទ្វារព្រំដែនអន្តរជាតិបាវិត ត្រូវតែបង់ លុយលើតុក្រោមតុអោយលោក ខាត់ សារ័ត្ន តាមការកំណត់ដោយមិនអាចរំលងបានឡើយ។ ដូច្នេះក្នុងមួយថ្ងៃៗ លោក ខាត់ សារ័ត្ន ប្រមូលលុយតាមរបៀបអំពើពុករលួយបានយ៉ាងច្រើនពីប្រជាពលរដ្ឋខ្មែរដែលឆ្លង ដែនចេញចូលទៅពិនិត្យព្យា បាលជម្ងឺនៅក្រុងហូជីមុិញ និងពីក្រុមឈ្មួញនិងអាជីវករនាំ ចេញចូលទំនិញ តាមច្រកទ្វារព្រំដែនអន្តរជាតិបាវិត ក្រុងបាវិត ខេត្តស្វាយរៀង។
បើតាមប្រភពមន្ត្រីនៅច្រកទ្វារព្រំដែនអន្តរ ជាតិបាវិត ក្រុងបាវិត ខេត្តស្វាយរៀងអត់ លិតបានអោយដឹងថា ក្រោយពេលចូលមកកាន់តំណែងជានាយប៉ុស្តិ៍នគរ បាលអន្តោប្រវេសន៍ច្រកទ្វារព្រំដែនអន្តរជាតិបាវិត ក្រុងបាវិត រួចមកលោកឧត្តមសេនីយ៍ត្រី ខាត់ សារ័ត្ន ប្រើតួនាទីនិងអំណាចប្រមូលលុយតាមរបៀបពុករលួយយ៉ាងពេញបន្ទុក ។ បញ្ហាលោក ខាត់ សារ័ត្ន និងបក្ខពួកគាបយក លុយក្រៅផ្លូវការពីក្រុមឈ្មួញ-អាជីវករនិងប្រជាពលរដ្ឋខ្មែរឆ្លងដែនតាមច្រកទ្វារព្រំដែនអន្តរជាតិបាវិត ចេញចូលទៅពិនិត្យព្យាបាលជម្ងឺនៅទី ក្រុងហូជីមុិញ ប្រទេសវៀតណាម ត្រូវបានបណ្ដាញព័ត៌ មាននានាចុះផ្សាយជាបន្ត បន្ទាប់រួចទៅហើយ។ ដូច្នេះថ្នាក់ដឹកនាំក្រសួងមហាផ្ទៃ ជាពិសេសលោក នាយឧត្តមសេនីយ៍ គៀត ច័ន្ទថារិទ្ធ អគ្គនាយកនៃអគ្គនាយកដ្ឋាននគរបាលអន្តោប្រវេសន៍មិនគួរបណ្ដែតបណ្ដោយអោយលោក ខាត់ សារ័ត្ន និងបក្ខពួកប្រើ អំណាច តួនាទី ប្រព្រឹត្តអំពើពុករលួយកាន់តែខ្លាំងក្លាជាងពេលមុនៗ ។
ប្រភពពីមន្ត្រីដដែលបានបន្តអោយដឹងទៀត ថា ការដែលលោកឧត្តមសេនីយ៍ត្រី ខាត់ សារ័ត្ន សាងភាពល្បីល្បាញខាងពុករលួយយ៉ាងឆាប់រហ័សដោយសារមានអាងខ្នងបង្អែករឹងមាំ នៅក្នុងអគ្គនាយកដ្ឋាននគរបាលអន្តោប្រវេសន៍ផងដែរ។ ដូច្នេះហើយទើបមានការជំរុញអោយលោក នាយឧត្តមសេនីយ៍ គៀត ច័ន្ទថារិទ្ធ អគ្គនាយកនៃអគ្គនាយកដ្ឋាននគរ បាលអន្តោប្រវេសន៍ ចាត់ វិធានការទប់ស្កាត់អំពើពុករលួយរបស់លោក ខាត់ សារ័ត្ន ខ្លះ ផង ។ ដោយហេតុថា បច្ចុប្បន្ននេះ ភាពមិនប្រក្រតីពុករលួយច្រើនបែបច្រើន យ៉ាងរបស់លោក ខាត់ សារ័ត្ន នាយប៉ុស្តិ៍នគរបាលអន្តោប្រវេ សន៍ច្រកទ្វារព្រំដែនអន្តរជាតិបាវិត ត្រូវបានលាតត្រដាងជាសាធារណៈ។
ពាក់ព័ន្ធព័ត៌មានខាងលើគេហទំព័រ (www. enn- tv. com)យើងខ្ញុំរងចាំនូវការពន្យល់ បកស្រាយពីលោកឧត្តមសេនីយ៍ត្រី ខាត់ សារ័ត្ន នាយប៉ុស្តិ៍នគរបាលអន្តោប្រវេ សន៍ច្រកទ្វារព្រំដែនអន្តរជាតិបាវិត ក្រុងបាវិត រាល់ម៉ោងធ្វើការ៕មានត