ប្រភពពីក្រុមឈ្មួញនិងអាជីវករដឹកទំនិញឆ្លងកាត់ច្រកដូនរ័ត្នបានបង្ហើបអោយដឹងថា លោក នូ និច នាយប៉ុស្តិ៍នគរបាលច្រកដូនរ័ត្ន អាចប្រព្រឹត្តអំពើ ពុករលួយយ៉ាងសុខស្រួលដោយសារមានការរួមដៃគ្នាពី សំណាក់ មេស្នាក់ការច្រកដូនរ័ត្ននិងសំណាក់មេការិយា ល័យគយប្រចាំច្រកដូនរ័ត្ននោះផងដែរ។ បើគ្មានការឃុបឃិតជាប្រព័ន្ធនោះទេ គឺលោក នូ និច នាយប៉ុស្តិ៍នគរ បាលច្រក មិនអាចប្រព្រឹត្តអំពើពុករលួយតាមអំពើចិត្តបានឡើយ។ ក្រុមឈ្មួញ និងអាជីវករនាំចូលទំនិញពីស្រុកយួន តាមច្រកដូនរ័ត្ន បានបន្តអោយដឹងទៀតថា បើទោះបីពួកគេនាំចូលទំនិញបង់ពន្ធគយត្រឹមត្រូវយ៉ាងណាក៏ចៀសមិនផុតពីបង់លុយលើតុក្រោមតុ តាមការកំណត់របស់លោក នូ និច មិនអាចតវ៉ាបាន។
តាមប្រភពពីមន្រ្តីច្រកដូនរ័ត្ន ស្រុកមេមត់ ខេត្តត្បូងឃ្មុំអត់លិឌ្ឍបានអោយដឹងថា មក ដល់ពេលនេះលោក នូ និច នាយប៉ុស្តិ៍នគរ បាលច្រកដូនរ័ត្ននៅតែប្រើតួនាទីនិងអំណាចប្រមូលលុយរបៀបពុករលួយដោយគ្មានញញើតអ្វីទាំងអស់។ ក្រុមឈ្មួញដែលនាំចូលទំនិញពីស្រុកយួនតាមច្រកដូនរ័ត្ន ក្រុមឈ្មួញធ្វើអាជីវកម្មនាំចេញជ័រកៅស៊ូស្អុយ អុស ធ្យូង និងកសិផលផ្សេងៗតាមច្រកដូនរ័ត្ន ជាប្រភពចំណូលដ៏សំខាន់របស់លោក នូ និច នាយប៉ុស្តិ៍នគរ បាលច្រកដូនរ័ត្ន ដែលមានខ្នងបង្អែករឹងមាំ។ ចំណែកលោក ម៉ុន មាគា៌ ស្នងការនគរបាលខេត្តត្បូងឃ្មុំ និងលោក ជាម ច័ន្ទសោភ័ណ អភិបាល ខេត្តត្បូងឃ្មុំ បានរក្សាភាពស្ងៀមស្ងាត់ ទុកអោយលោក នូ និច ធ្វើអ្វីៗតាមអំពើ ចិត្ត ។
ប្រភពមន្រ្តីនៅច្រកដូនរ័ត្នដដែលបានបង្ហើប ថា ក្រុមឈ្មួញ និងអាជីវករដែលនាំ ចេញជ័រកៅស៊ូស្អុយ នាំចេញឈើ អុសធ្យូងនិងកសិផលផ្សេងៗទៅស្រុកយួន តាមច្រកដូនរ័ត្ន គឺជាប្រភពចំណូលដ៏ធំរបស់លោក នូ និច ព្រោះថាឈ្មួញណាៗមិនអាចរំលងលោក នូ និច បានទេ។ ទន្ទឹមនឹងនេះក្រុមឈ្មួញដែលនាំចូលទំនិញ គេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ពីស្រុកយួនក៏ ដូច ជាការនាំចូល មាន់ត្រី បន្លែ ផ្លែឈើ ដូង ធូរេន សាវម៉ាវ ជាដើម ក៏ជាប្រភពចំណូលរបស់លោក នូ និច និងមន្រ្តីប្រចាំច្រកដែលកំពុងតែល្បីល្បាញខាងពុករលួយផងដែរ។ ដូច្នេះថ្នាក់ដឹកនាំក្រសួង ស្ថាប័នពាក់ព័ន្ធមិនគួរបណ្ដែត បណ្ដោយ ត ទៅ ទៀតនោះទេ ព្រោះអំពើពុករលួយរបស់លោក នូ និច នាយប៉ុស្តិ៍នគរបាលច្រកដូនរ័ត្ននិងសមត្ថកិច្ចជំនាញពាក់ព័ន្ធប្រចាំនៅច្រកនេះត្រូវបានលាតត្រដាង។ ពាក់ព័ន្ធព័ត៌មានខាងលើគេហទំព័រ(www.enn-tv.com)យើងខ្ញុំរងចាំនូវការពន្យល់បកស្រាយពីលោក នូ និច នាយប៉ុស្តិ៍នគរបាលច្រកដូនរ័ត្ននិងមន្រ្តីពាក់ព័ន្ធប្រចាំច្រក រាល់ម៉ោងធ្វើការ ៕មានត