បន្ទាយមានជ័យ៖ ក្រុមឈ្មួញសម្រុកដឹកជញ្ជូនធ្យូងចេញទៅស្រុកសៀម តាមច្រករបៀងប្រាសាទត្បែង មានការឃុបឃិ តជាប្រព័ន្ធ នេះបើតាមការបង្ហើបពីមន្រ្តីនៅច្រករបៀងប្រាសាទត្បែង ភូមិប្រាសាទត្បែង ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ បានឲ្យ ដឹងថា ករណីក្រុមឈ្មួញដឹក ជញ្ជូនធ្យូងក្នុងមួយថ្ងៃៗរាប់រយតោន ចូលទឹកដី សៀម គឺមានការឃុបឃិតជាប្រព័ន្ធ។ ប្រសិន បើគ្មានការបើកដៃពីសំណាក់សមត្ថកិច្ចប្រចាំច្រករបៀងប្រាសាទត្បែង មាននគរបាលប្រឆាំងបទ ល្មើសសេដ្ឋកិច្ច និងគយចល័តតំបន់5ទេនោះ គឺឈ្មួញមិនអាចដឹកជញ្ជូនធ្យូងចេញទៅលក់ស្រុកសៀម យ៉ាងពេញ បន្ទុកបានឡើយ។ លើសនេះទៅទៀតគឺប្រធានមន្ទីរកសិកម្មខេត្តបន្ទាយមានជ័យ និងនាយខណ្ឌរដ្ឋបាលព្រៃឈើបន្ទាយ មាន ជ័យ មិនចាត់វិធានការទប់ស្កាត់សកម្មភាពក្រុមឈ្មួញនាំចេញធ្យូងទៅស្រុកសៀម តាមច្រករបៀង ប្រាសាទត្បែង នោះបានឡើយ។
ប្រភពពីប្រជាពលរដ្ឋនៅភូមិប្រាសាទត្បែង ឃុំបន្ទាយឆ្មារ ស្រុកថ្មពួក បានឲ្យដឹងថា មួយរយៈកន្លងទៅនេះមានឈ្មួញខ្មែរច្រើននាក់ដឹកជញ្ជូនធ្យូងចេញទៅស្រុកសៀមក្នុងមួយថ្ងៃរាប់រយតោនហើយមានឈ្មួញ សៀមចាំទទួលទិញផងដែរ។ ប្រជាពលរដ្ឋបានលើកឡើងថា ព្រៃឈើដែលនៅសេសសល់ក្នុងខេត្តបន្ទាយមានជ័យ និងខេត្តឧត្ដរមាន ជ័យ ចៀសមិនផុតពីរលាយរលត់អស់ ព្រោះបរិមាណធ្យូងនាំចេញតាមច្រករបៀងប្រាសាទត្បែងគឺច្រើនសម្បើមណាស់។ ដូច្នេះហើយទើបមានសេចក្ដីអំពាវនាវឲ្យលោក អ៊ុំ រាត្រី អភិបាលខេត្តបន្ទាយ មានជ័យ និងលោក សិទ្ធិ ឡោះ ស្នងការនគរបាលខេត្តបន្ទាយមានជ័យ ពិនិត្យឡើង វិញអំពីបទល្មើសឆ្លងដែននៅច្រករបៀងប្រាសាទត្បែង។
តាមការលើកឡើងរបស់សមត្ថកិច្ច និងមន្រ្តី អាជ្ញាធរមូលដ្ឋានក្នុងឃុំបន្ទាយឆ្មារ ស្រុកថ្មពួក បានឲ្យដឹងថា ដោយសារមានការបើក ដៃពីសមត្ថកិច្ចប្រចាំច្រករបៀងប្រាសាទត្បែង ក៏ដូចជានគរ បាលប្រឆាំងបទល្មើសសេដ្ឋកិច្ចនិងគយចល័តតំបន់5ទើបសកម្ម ភាពនាំចេញធ្យូងទៅស្រុកសៀម អាចប្រព្រឹត្តទៅយ៉ាងរលូន។ ជាងនេះទៅទៀតប្រធានមន្ទីរកសិកម្មខេត្តបន្ទាយមានជ័យ និងមេរដ្ឋបាលព្រៃឈើខេត្តបន្ទាយ មានជ័យ បែរជាធ្វើមិនដឹងមិនឮអ្វីទាំងអស់ ទុកឲ្យឈ្មួញដឹកជញ្ជូនធ្យូងចេញទៅស្រុកសៀមយ៉ាងគំហុក។ ហេតុនេះលោក អ៊ុំ រាត្រី អភិបាលខេត្តបន្ទាយមានជ័យ និងលោក សិទ្ធិ ឡោះ ស្នងការនគរបាលខេត្តបន្ទាយមានជ័យ មិនគួរមើលរំលងនោះទេ៕
