ប្រភពពីមន្ត្រីគយនៅខេត្តស្វាយរៀងបានឲ្យដឹងថា ចាប់ តាំងពីទទួលបានតំណែងជាប្រធានការិយាល័យគយច្រកទ្វារអន្តរជាតិព្រៃវល្លិ៍ ស្រុកកំពង់រោទ៍ ខេត្តស្វាយរៀង កាលពីថ្ងៃទី០៦ខែកក្កដា ឆ្នាំ២០២០ រហូត មកលោក ចាន់ តារា ប្រើតួនាទីនិងអំណាចប្រមូលលុយតាមរបៀបពុករលួយច្រើនបែបច្រើនរូបភាពមិនញញើតនិងអង្គភាពប្រឆាំងអំពើពុករលួយដឹកនាំដោយលោក ឱម យ៉ិន ទៀង នោះទេ! លោក ចាន់ តារា ប្រធានការិយាល័យគយច្រកទ្វារអន្តរជាតិព្រៃវល្លិ៍ ហ៊ានប្រព្រឹត្តអ្វីៗទៅបានយ៉ាងសុខសាន្តបែបនេះដោយមានការបើកដៃពីសំណាក់លោក ហេង សំបូរ ប្រធានសាខាគយនិងរដ្ឋាករខេត្តស្វាយរៀងដែលជាមេកើយលោក ចាន់ តារា ទើបហ៊ានប្រព្រឹត្តអំពើពុក រលួយយ៉ាងពេញបន្ទុកមកដល់សព្វថ្ងៃបាន បើពុំដូច្នោះទេត្រូវប្រឈមនឹងការព្រមានជាមិនខានឡើយ។
ប្រភពពីមន្រ្តីនៅច្រកទ្វារអន្តរ ជាតិព្រៃវល្លិ៍ បានបន្តឲ្យដឹងថា បច្ចុប្បន្នលោក ចាន់ តារា កំពុង បើកដៃឲ្យឈ្មួញទាំងធំទាំងតូចនាំចូលទំនិញគេចពន្ធ និងទំនិញបង់ពន្ធមិនគ្រប់យ៉ាងពេញបន្ទុកដើម្បីផលប្រយោជ ន៍ផ្ទាល់ខ្លួនគ្មានញញើតអ្វីទាំង អស់។ ទំនិញដែលឈ្មួញធំៗនាំចូលយ៉ាងគំហុកតាមច្រកទ្វារអន្តរជាតិព្រៃវល្លិ៍ បង់ពន្ធត្រឹម៣០ទៅ ៤០% ប៉ុណ្ណោះហើយក្រៅពីនោះក្រុមឈ្មួញបែង ចែកផលប្រយោជន៍លើតុក្រោមតុជាមួយលោក ចាន់ តារា ធ្វើមានធ្វើបានយ៉ាងសុខស្រួល។
ប្រភពដដែលបានបន្ថែមឲ្យដឹងទៀតថា ក្រុមឈ្មួញរត់ពន្ធទំនិញចេញចូលទៅស្រុកយួនតាមច្រករបៀងក្បែរៗច្រកទ្វារអន្តរ ជាតិព្រៃវល្លិ៍ ក៏ជាប្រភពចំណូលដ៍ធំរបស់លោក ចាន់ តារា ផងដែរ!ខណៈដែលលោក ហេង សំបូរ មេសាខាគយខេត្តស្វាយរៀង រក្សាភាពស្ងៀមស្ងាត់។ បញ្ហានេះលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ មិនគួរមើលរំលងភាពមិនប្រក្រតីពុករលួយតាមច្រើនរូបភាពរបស់លោក ចាន់ តារ៉ា ប្រធានការិយាល័យគយច្រកទ្វារអន្តរជាតិព្រៃវល្លិ៍ ដែលសាងភាពល្បីល្បាញនោះ ។
លោក ចាន់ តារ៉ា បានចំណាយធនធានច្រើនសន្ធឹកសន្ធាប់ទទួលបានតំណែងប្រធានការិយាល័យគយច្រកទ្វារអន្តរព្រៃវល្លិ៍មក ដល់បច្ចុប្បន្ន។ចំណែកលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា បានរក្សាភាពស្ងៀមស្ងាត់ បើទោះបីអំពើពុករលួយស្រងដើមរបស់លោក ចាន់ តារា មេការិយាល័យគយច្រកទ្វារអន្តរជាតិព្រៃវល្លិ៍ ត្រូវបានលាតត្រដាងជាបន្តបន្ទាប់ក៏ដោយ។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក ចាន់ តារ៉ា ប្រធានការិយា ល័យគយច្រកទ្វារអន្តរជាតិព្រៃវល្លិ៍ រាល់ម៉ោងធ្វើការ៕មានត