ព្រៃវែង៖ប្រភពពីមន្ត្រីនៅច្រកទ្វារព្រំដែនអន្តរជាតិម៉ឺនជ័យ ស្រុកកំចាយមារ ខេត្តព្រៃវែង បានបង្ហើបអោយដឹងថា ឈ្មួញទាំងធំទាំងតូចសម្រុកនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ពីស្រុកយួនចូលមកស្រុកខ្មែរយ៉ាងគំហុក។ ការដែលឈ្មួញសម្រុកនាំចូលទំនិញយ៉ាងគម្ហុកពីស្រុកយួនគឺដោយមានការបើកដៃពីសំណាក់មេការិយាល័យគយច្រកទ្វារអន្តរជាតិម៉ឺន ជ័យ ក្រោមការគ្រប់គ្រងរបស់លោក មួង ដារ៉ា មេសាខាគយខេត្តព្រៃវែង ដែលល្បី ល្បាញខាងប្រព្រឹត្តពុករលួយ។ ចំណែកលោក មួង ដារ៉ា ប្រធានសាខាគយខេត្តព្រៃវែង បានរក្សាភាពស្ងៀមស្ងាត់ ទុកអោយប្រធានការិយាល័យគយច្រកទ្វារអន្តរជាតិម៉ឺនជ័យធ្វើអ្វីៗតាមអំពើចិត្ត ។
ក្រុមឈ្មួញនិងអាជីវកររកស៊ីនាំចូលទំនិញពីស្រុកយួន តាមច្រកទ្វារអន្តរជាតិម៉ឺនជ័យ បានបន្តឲ្យដឹងថា ទោះបីពួកគេអាចនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់យ៉ាងណាក៏ដោយ ក៏នៅ សល់សម្រៃតិចតួចប៉ុណ្ណោះ។ ដោយហេតុថា លោកប្រធានការិយាល័យគយច្រកទ្វារអន្តរ ជាតិម៉ឺនជ័យ គាបយកលុយលើតុក្រោមតុច្រើនៗ មិនញ ញើតអង្គភាពប្រឆាំងអំពើពុក រលួយនោះទេហើយតែងប្រើឈ្មោះលោក មួង ដារ៉ា ប្រធានសាខាគយខេត្តព្រៃវែង ដើម្បីការពារទង្វើរបស់ខ្លួនទៀតផង ។ ជាងនេះទៅទៀត ពេលពួក គេដឹកជញ្ជូនទំនិញឆ្លងកាត់មុខស្នាក់ការសាខាគយខេត្ត ព្រៃវែង ដែលមានទីតាំងនៅផ្លូវជាតិលេខ១ ភូមិព្រៃខ្លា ឃុំកំពង់សឹង្ហ ស្រុកព្រះស្ដេច ខេត្តព្រៃវែង គឺត្រូវតែឈប់ឡានចូលបង់លុយអោយមន្រ្តី គយ ឬសន្តិសុខយាមនៅខាងមុខដោយគ្មានក្រដាសស្នាមឬវិកយ័បត្រអ្វីទាំងអស់ហើយមិនអាចរំលងបានឡើយ។បើគ្មានការបើក ដៃពីសំណាក់លោក មួង ដារ៉ា ប្រធានសាខាគយខេត្តព្រៃវែងទេ គឺលោក ប្រធានការិយាល័យគយច្រកទ្វារអន្តរជាតិម៉ឺនជ័យ មិនហ៊ានប្រព្រឹត្តអំពើពុករលួយពេញ ទំហឹងដូចសព្វថ្ងៃនោះទេ។
ប្រភពបានបន្ថែមអោយដឹងទៀតថា ចាប់តាំងពីលោក មួង ដារ៉ា បានទទួលតំណែងជាប្រធានសាខាគយខេត្តព្រៃវែង គឺមិនបានទប់ស្កាត់បង្រាបបទ ល្មើសបានម្តងណាឡើយមានតែសប្របសម្រួលអោយឈ្មួញធំៗដឹក ជញ្ជូនដល់គោលដៅយ៉ាងសុខស្រួល។ ដូច្នេះលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុនិងលោក គុណ ញឹមអគ្គនាយកនៃអគ្គនាយកដ្ឋានគយនិងរដ្ឋាករកម្ពុជា គួរពិនិត្យឡើងវិញខ្លះផង ព្រោះភាពមិនប្រក្រតីពុករលួយរបស់លោក មួង ដារ៉ា ប្រធានសាខាគយខេត្តព្រៃវែង និងលោកប្រធានការិយាល័យគយច្រកទ្វារអន្តរ ជាតិម៉ឺនជ័យ ត្រូវបានលាត ត្រដាងជាបន្តបន្ទាប់ ។ ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក មួង ដារ៉ា ប្រធានសាខា គយនិងរដ្ឋាករខេត្តព្រៃវែងនិងលោកប្រធានការិយាល័យគយច្រកទ្វារអន្តរជាតិមុឺនជ័យ រាល់ម៉ោងធ្វើការ ៕មានត
