ប្រភពពីមន្ត្រីគយនៅខេត្តព្រះសីហនុ បានបង្ហើបអោយដឹងថា ចាប់តាំងពីលោក សំ សុវណ្ណារិទ្ធ ចូលមកកាន់តំណែងជាប្រធានសាខាគយខេត្តព្រះសីហនុ ជំនួសលោក ទុំ ណូ កាល់ពីថ្ងៃទី11 ខែកក្កដា ឆ្នាំ2022 គឺលោក សំ សុវណ្ណារិទ្ធ មិនបានចាត់វិធានការទប់ស្កាត់អំពើពុករលួយរបស់ លោក ណុប សំអាន ប្រធានការិយាល័យគយច្រកកំពង់ផែទំបន់រលក នោះទេ។ហេតុនេះហើយទើបលោក ណុប សំអាន នៅតែបន្តបើកដៃអោយឈ្មួញទាំងតូចទាំងធំនាំចូលទំនិញ គេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ តាមច្រកកំពង់ផែទំបន់រលក យ៉ាងពេញបន្ទុក។ លោក សំ សុវណ្ណារិទ្ធ ប្រធានសាខាគយខេត្តព្រះសីហនុ បានរក្សាភាពស្ងៀមស្ងាត់!ព្រោះដឹងថាលោក ណុប សំអាន មានខ្នងបង្អែករឹងមាំនៅក្នុងអគ្គនាយកដ្ឋាន និងរដ្ឋាករកម្ពុជា។
ប្រភពបានបន្តអោយដឹងថា ក្រុមឈ្មួញធំៗជាច្រើននាក់រួមទាំងឈ្មួញឈ្មោះ វិចិត្រ ផងដែរ នៅតែនាំចូលទំនិញគេចពន្ធ ប្រេងសាំងគេចពន្ធ ទំនិញបង់ ពន្ធមិនគ្រប់ តាមច្រកកំពង់ផែទំនប់រលក យ៉ាងរលូនដដែល ។ ទំនិញដែលឈ្មួញធំៗនាំ ចូលតាមច្រកទំនប់រលក បង់ពន្ធមិន ដល់50ភាគរយផងទេ? ហើយក្រៅពីនេះគឺឈ្មួញបែកចែកផលប្រយោជន៍យ៉ាងសុខស្រួលជាមួយលោក ណុប សំអាន មេគយច្រកទំនប់រលក ដែលល្បីខ្លាំងខាងពុករលួយ។ នៅពេលដែលលោក ណុប សំអាន កាន់តំណែងជាប្រធានការិយាល័យគយច្រកកំពង់ផែទំនប់រលក កាន់តែយូរគឺភាពល្បីល្បាញខាងប្រព្រឹត្តរបៀបពុករលួយកាន់តែខ្លាំង។
ប្រភពស្និទ្ធនឹងលោក ណុប សំអាន បានអោយដឹងថា ខ្នងបង្អែករបស់លោក ណុប សំអាន ពិតជាមានឥទ្ធិពលខ្លាំង ក្លាណាស់ ព្រោះប្រធានសាខាគយខេត្តព្រះសីហនុ ជាច្រើននាក់ត្រូវបានផ្លាស់ប្ដូរជាបន្តបន្ទាប់ ប៉ុន្តែលោក ណុប សំអាន នៅតែធ្វើ ជាប្រធានការិយាល័យគយច្រកទំនប់រលក ដដែល។ ជាពិសេសក្រោយពេលលោក សំ សុវណ្ណារិទ្ធ មកកាន់តំណែងជាប្រធានសាខាគយ ខេត្តព្រះសីហនុ កាលពីថ្ងៃទី11 ខែកក្កដា ឆ្នាំ20 22 ក៍លោក ណុប សំអាន នៅតែអាចធ្វើអ្វីៗតាមអំពើចិត្តដដែល។ ដូច្នេះលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា មិនគួរបណ្ដោយអោយលោក ណុប សំអាន សាងភាពល្បីល្បាញខាងពុករលួយតទៅទៀតនោះឡើយ។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក ណុប សំអាន ប្រធានការិយាល័យគយច្រកកំពង់ផែទំនប់រលក រាល់ម៉ោងធ្វើការ៕មានត