ខេត្តបន្ទាយមានជ័យ៖តាមប្រភពពីអាជីវករ នាំទំនិញចេញចូលប្រទេសថៃបានបង្ហើបអោយដឹងកាលពីថ្ងៃទី ១៣ ខែមិថុនា ឆ្នាំ២០ ២៣ នេះថា មន្ត្រីគយច្រកម៉ាឡៃ កំពុងត្រូវប៉ាន់ប្រមូលលុយរបៀបអំពើពុករលួយពីអាជីវករខ្មែរថៃនាំទំនិញចេញចូលដោយមិន (ត្រួតពិនិត្យពន្ធ) ក្រដាសស្នាម អោយបានត្រឹម ត្រូវគ្រាន់តែតៃកុងឡាន ញាក់ ចិញ្ចើមឬស្រែកប្រាប់ថាទំនិញថៅកែនេះទំនិញថៅកែនោះ ប្រាប់ទៅមន្ត្រីគយប្រចាំការច្រកនោះរួចជាការស្រេចមិនពិនិត្យ ។
លោក នេត ចន្ថា ប្រធានការិយាល័យគយច្រកម៉ាឡៃត្រូវមហាជននិងអាជីវកររិះគន់យ៉ាងចាស់ដៃទៅលើ មន្ត្រីគយច្រកម៉ាឡៃ ដែលស្ថិតនៅភូមិកណ្ដាល ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ បណ្ដោ យអោយឈ្មួញនាំទំនិញចេញ ចូលមិនមានការ(ត្រួតពិនិត្យពន្ធ) ហើយក៏គ្មាន វិកយ័ បត្រឬក្រដាសស្នាមអ្វីទាំងអស់ គេសង្កេតឃើញតែ ពួកមន្ត្រីគយប្រចាំការចាំច្រកយក លុយដាក់ក្នុងថតតុតែប៉ុណ្ណោះ។
ប្រភពដដែលបន្ថែមថាទំនិញពីប្រទេសថៃ មកខ្មែរដឹកដោយឡានថៃគេហៅថាឡានប្រាក់ របៀបជា Nissan ISUZU រថយន្តរបស់ថៃជា ច្រើនគ្រឿង បើកមកដល់កុងត្រូលខាងខ្មែរ តៃកុងរថយន្តទាំងនោះគ្រាន់តែស្រែកពីចម្ងាយថាទំនិញថៅកែ ឈ្មោះ ក ឬ ខ ប្រាប់ទៅអ្នកយាមប៉ុស្តិ៍ខាងមុខ ហើយពួកគេមិនបានចេញមកមើលឬពិនិត្យអ្វីនោះទេ? ដោយមិនខ្វល់ថាទំនិញនោះជាអ្វីឡើយ។
ប្រភពពីអាជីវករបានបន្តអោយដឹងថា គ្រាន់ តែហុចលុយតាមការកំណត់របស់មន្ត្រីគយនៅច្រកម៉ាឡៃ ឃុបឃិតគ្នាជាប្រព័ន្ធ ប្រព្រឹត្តអំពើពុករលួយប្រមូលលុយក្រុមអាជីវករអ្នក ដឹកទំនិញចេញចូលឬអាជីវករមានឃ្លាំងស្ទុកទំនិញធំៗជាច្រើនកន្លែងជួបនិងមកជួបមន្ត្រី គយបង់លុយលើតុក្រោមតុធ្វើមានបានយ៉ាងសុខស្រួល។ ការបង់លុយទៀតសោតមិនធ្វើក្រដាសស្នាមអ្វីនោះទេ សំខាន់រាប់ក្បាល ឡាន រាប់ជើង ប្រាប់ផ្លាកលេខឡានទៅគេ បានដំណើរ ការដឹកចេញយ៉ាងរលូន ។
អាជីវករនាំទំនិញច្រកម៉ាឡៃសូមសំណូមពរដល់ លោក អូនព័ន្ធមុនីរ័ត្ន រដ្ឋមន្ត្រីក្រសួង សេដ្ឋកិច្ចនិងហិរញ្ញវត្ថុនិងលោក គុណ ញឹម អគ្គនាយកគយនិងរដ្ឋាករកម្ពុជា សូមមេត្តា ជួយចាត់កម្លាំងមន្ត្រីគយក្រោមឱវាទ ចុះត្រួតពិនិត្យទៅ លើមន្ត្រីគយច្រកម៉ាឡៃផង។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក នេត ចន្ថា ប្រធានការិយា ល័យគយច្រកម៉ាឡៃ ស្រុកម៉ាឡៃខេត្តបន្ទាយមានជ័យ រាល់ម៉ោងធ្វើការ៕មានត
