ព្រះសីហនុ៖ តាមប្រភពពីក្រុមឈ្មួញ និងអាជីវករដឹកជញ្ជូនទំនិញឆ្លង កាត់ផ្លូវជាតិ លេខ៤ ខេត្តព្រះសីហនុ ចូលមករាជធានីភ្នំពេញ បានឲ្យដឹងថា បើ ទោះបីពួកគេដឹកជញ្ជូនទំនិញផ្ទុកមិនលើសទម្ងន់ក៏ត្រូវបង់ លុយតាមការកំណត់របស់ប្រធានក្រុមស្ថានីយ៍ជញ្ជីងថ្លឹងរថយន្តអូរចំណារ និងស្ថានីយ៍ជញ្ជីងថ្លឹងស្ទឹងច្រាលដដែលទេ។ ព្រោះប្រធានក្រុមស្ថានីយ៍ជញ្ជីងថ្លឹងរថយន្តទាំង២កន្លែងនេះច្រើនយក ឈ្មោះលោក បូរី វង្សសានិត្យ មកបិទបាំងទង្វើមិនប្រក្រតីពុករលួយរបស់ខ្លួនរហូត។
ចំណែករថយន្តដឹកទំនិញធំៗ និងរថយន្តដឹក ខ្សាច់ដឹកថ្ម ផ្ទុកលើសទម្ងន់អាចបើកបរឆ្លងកាត់មុខស្ថានីយ៍ជញ្ជីងថ្លឹងរថយន្តទាំង២ កន្លែងបានយ៉ាងរលូនអោយតែព្រូឬតៃកុងចូលបង់លុយតាមការកំណត់របស់លោកប្រធានស្ថានីជញ្ជីងថ្លឹងទាំង២កន្លែងដោយមិនបាច់ចូលថ្លឹងក៍បានដែរ។ការដែលប្រធានស្ថានីយ៍ជញ្ជីងថ្លឹងរថយន្តអូរចំណារផ្លូវជាតិ លេខ៤ ស្រុកព្រៃនប់ និងប្រធានស្ថានីយ៍ ជញ្ជីងថ្លឹងរថយន្តស្ទឹងច្រាល ផ្លូវជាតិលេខ៤ ស្រុកកំពង់សិលាហ៊ានប្រែក្លាយទៅជាជញ្ជីងថ្លឹងលុយយ៉ាងត្រជាក់ចិត្តគឺដោយ សារមានការបើកដៃពីលោក បូរី វង្សសានិត្យ ប្រធានមន្ទីរសាធារណការនិងដឹកជញ្ជូនខេត្តព្រះសី ហនុផងដែរ។
ប្រភពពីមន្រ្តីនៅក្នុងមន្ទីរសាធារណការ និង ដឹកជញ្ជូនខេត្តព្រះសីហនុ បានខ្សឹបខ្សៀវថា បើគ្មានការបើកដៃពីសំណាក់លោក បូរី វង្ស សានិត នោះទេគឺប្រធានស្ថានីយ៍ជញ្ជីងថ្លឹងរថយន្តអូរចំណារ និងប្រធានស្ថានីយ៍ជញ្ជីងថ្លឹងរថយន្តស្ទឹងច្រាលមិនហ៊ានធ្វើអ្វីៗតាមអំពើចិត្តបានឡើយ។ ចំណែកឯលោក សេង ឈួន ប្រធានជញ្ជីងថ្លឹងរថយន្តទូទាំងប្រទេស មិនគួរបណ្ដោយឲ្យប្រធានស្ថានីយ៍ ជញ្ជីងថ្លឹងរថយន្តអូរចំណារ និងប្រធានស្ថានីយ៍ជញ្ជីងថ្លឹងរថយន្តស្ទឹងច្រាល ធ្វើអ្វីៗតាមអំពើចិត្តនោះទេ។
ប្រភពដដែលបានអោយដឹងទៀតថា ចាប់តាំងពីទទួលបានតំណែងជាប្រធានមន្ទីរ សាធារណការខេត្តព្រះសីហនុ រហូត មក ដល់បច្ចុប្បន្ននេះគឺលោក បូរី វង្សសានិត្យ តែងតែបណ្ដោយអោយប្រធានស្ថានីយ៍ថ្លឹងរថយន្តអូរចំណារ និងប្រធានស្ថានីយ៍ជញ្ជីងថ្លឹងរថយន្តស្ទឹងច្រាល ធ្វើអ្វីៗតាមអំពើចិត្តប្រព្រឹត្តអំពើពុករលួយគ្មានញញើតអ្វីទាំងអស់ ។ ដូច្នេះលោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន និងលោក សេង ឈួន ប្រធានជញ្ជីងថ្លឹងរថយន្តទូទាំងប្រទេសគួរតែពិនិត្យឡើងវិញខ្លះផង។
បញ្ហានេះលោក ឱម យ៉ិនទៀង ប្រធានអង្គភាពប្រឆាំងអំពើពុករលួយគួរដាក់ការស៊ើប អង្កេតឲ្យបានស៊ីជម្រៅទៅលើអំពើពុករលួយរបស់លោកប្រធានស្ថានីយ៍ជញ្ជីងថ្លឹងរថយន្ត អូរចំណារនិងលោកប្រធានស្ថានីយ៍ជញ្ជីងថ្លឹងរថយន្តស្ទឹងច្រាលផ្លូវជាតិលេខ៤ស្រកកំពង់សិលាហ៊ានប្រែក្លាយទៅជាស្ថានីយ៍ ជញ្ជីងថ្លឹងលុយនេះផងទាន។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីសាមុីពាក់ព័ន្ធ រាល់ម៉ោងធ្វើការ៕មានត