ខេត្តត្បូងឃ្មុំ ៖ តាមប្រភពសេចក្តីរាយការណ៍ពី ប្រជាពលរដ្ឋរស់នៅក្នុងស្រុកពញាក្រែក ខេត្តត្បូងឃ្មុំ បានបង្ហើបអោយដឹងថា បុគ្គលដែលហ៊ានបើកល្បែងជល់មាន់ អាប៉ោង យូគី ហ្គេមបាញ់ត្រីនិងល្បែងជាច្រើនប្រភេទតាមប្រពន្ធ័អនឡាញយ៉ាងពេញ បន្ទុកនោះប្រហែល ជាមានខ្នងបង្អែករឹងមាំ នៅពីក្រោយនិងមានឥទ្ធិពលខ្លាំងទើបអាចធ្វើអ្វីៗបានតាមអំពើចិត្តនៅក្នុងកាស៊ីណូយីហោចក្រក្រវាឡជាយដែន នេះបាន។
បើទោះបីរាជរដ្ឋាភិបាលបានប្រកាសនាពេលថ្មីៗ អោយបិទល្បែងសុីសងអនឡាញគ្រប់ប្រភេទ ទូទាំងប្រទេស ត្រូវតែបិទមិនអនុ ញ្ញាតអោយបើកឡើយ។ប៉ុន្តែម្ចាស់កាស៊ីណូ យីហោចក្រក្រវាឡជាយដែន ថ្លេីមធំហ៊ានផ្គើនបទបញ្ជារប្រមុខរាជរដ្ឋាភិបាលកម្ពុជាហ៊ាន បេីកអោយពលរដ្ឋខ្មែរនិងជនអន្តោប្រវេសន៍ ចូលលេងភ្នាល់ដាក់ លុយចាញ់ឈ្នះរាប់លាន រាប់ពាន់ដុល្លារ ដោយសេរី រីឯសមត្ថកិច្ចពាក់ព័ន្ធក្នុងខេត្តត្បូងឃ្មុំ ហាក់ធ្វើ មិនដឹងមិនឮមិនអើពើក្នុងការបង្រ្កាបនោះទេ ទើបមហាជនដាក់សង្ស័យថា ប្រហែលបានទទួលលាភសក្ការ:ពីរម្ចាស់បនល្បែងជាថ្នូរមិនបង្រ្កាប ។
ហេតុនេះទើបមានការអំពាវនាវដល់លោកនាយឧត្តមសេនីយ៍សន្តិបណ្ឌិត នេត សា វឿន អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃនិងជាប្រធានគណ:កម្មការទប់ ស្កាត់និងបង្រ្កាបបទល្មើសល្បែងស៊ីសងទូទាំងប្រទេសគួរដាក់មន្រ្តីក្រោមឱវាទក្នុងខេត្តត្បូងឃ្មុំចុះពិនិត្យទប់ស្កាត់និងបង្រ្កាបម្ចាស់ទីតាំងកាសុីណូយីហោចក្រក្រវាឡជាយដែនដែលបើកអោយពលរដ្ឋខ្មែរចូលលេងល្បែង សុីសងគ្រប់ប្រភេទយ៉ាងគគ្រឹកគគ្រេងដែលផ្ទុយពីច្បាប់អនុញ្ញាត។
ប្រភពពីពលរដ្ឋដដែលបានបង្ហើបអោយដឹងទៀតថា បុគ្គលម្នាក់នេះ ប្រហែលមានខ្នងបង្អែករឹងមាំនៅពីក្រោយ ទេីបហ៊ានបេីកអោយពលរដ្ឋ ខ្មែរចូលលេងល្បែងសុីសងក្នុងកាសុីណូយីហោចក្រក្រវាឡជាយដែន រាងរាល់ថ្ងៃសុក្រ សៅរ៍ អាទិត្យយ៉ាងពពាក់ពពូនប្រភពខ្លះទៀតថា កាស៊ីណូយីហោច្រកក្រវាឡជាយដែនមិនមានច្បាប់អនុញ្ញាតនោះទេ? ចំណែកលោកអធិការដ្ឋាននគរ បាលស្រុកពញាក្រែកនិងលោកអភិបាលស្រុក ពញាក្រែក មិនចាត់វិធានការបង្រ្កាបទេ សម្ងំទទួលផលប្រយោជន៍ជាថ្នូរ បណ្ដោយអោយបុគ្គលម្នាក់នោះគៀងគរពលរដ្ឋខ្មែរចូលលេងល្បែងដោយសេរីមិនខ្វល់កាបង្រ្កាបរបស់សមត្ថកិច្ចអ្វីទាំងអស់។
ប្រជាពលរដ្ឋរស់នៅស្រុកពញាក្រែកមានការព្រួយបារម្ភភ័យ ខ្លាចចំពោះបញ្ហាអសន្តិសុខសង្គម និងអំពើចោរកម្មចោរលួច. ចោរឆក់. ចោរប្លន់. ចោរ គាស់ផ្ទះនិងប្រើអំពើហិង្សាគ្រួសារគ្រឿងញៀនកើតមានគួរអោយ កត់ សម្គាល់ដើមចមចេញពីល្បែងសុីសងនេះ ឯង។
ប្រជាពលរដ្ឋរស់នៅក្នុងមូលដ្ឋានខាងលើសូមអំពាវនាវដល់ថ្នាក់ដឹកនាំក្រសួងមហា ផ្ទៃជាពិសេសលោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេ ខាធិការក្រសួងមហាផ្ទៃនិងជាប្រធានគណៈ កម្មការប្រយុទ្ធប្រឆាំងបង្រ្កាបបទល្មើសល្បែងសុីសងគ្រប់ប្រភេទទូទាំងប្រទេសរួមទាំងលោក ជាម ច័ន្ទសោភ័ណ្ឌ អភិបាលខេត្តត្បូងឃ្មុំ និងលោក ម៉ុន មាគ៌ា ស្នងការដ្ឋាននគរបាលខេត្តត្បូងឃ្មុំ មេត្តាចាត់កម្លាំងមន្ត្រីក្រោមឱវាទ ចុះត្រួតពិនិត្យ ទប់ស្កាត់និងបង្ក្រាបម្ចាស់កាស៊ីណូយីហោចក្រក្រវាឡជាយដែន អោយមានប្រសិទ្ធភាពស្របតាមគោលនយោបាយភូមិឃុំមានសុវត្ថិភាព៧ចំណុចដែលរាជរដ្ឋាភិបាលដាក់ចេញដោយក្រសួងមហាផ្ទៃផង ដែលបុគ្គលម្នាក់នេះហ៊ានបើកអោយពលរដ្ឋខ្មែរចូលលេងល្បែងសុីសងជល់មាន់និងល្បែងច្រើនប្រភេទទៀតហើយហ៊ានផ្គើទៅនិងបទបញ្ជារប្រមុខរាជរដ្ឋាភិបាលកម្ពុជាទៀតផង ៕មានត
