ភ្នំពេញ៖ បើកដំណើរការវិញហើយទីតាំងល្បែងសុីសងដ៏ធំមួយកន្លែង ភ្នាល់ចាក់បាល់ បៀរការ៉ាត់ និងល្បែងផ្សេងៗទៀត យីហោ កាសា (CASA) តាមបណ្តោយផ្លូវលេខ៤៧ ជាប់មន្ទីរពេទ្យគន្ធបុប្ផា ស្ថិតក្នុងសង្កាត់វត្តភ្នំ ខណ្ឌដូនពេញ ចាប់ផ្តើមបើកដំណើរការវិញហើយ ក្រោយពីលោក ជា ខេមា អភិបាលខណ្ឌដូនពេញ ចុះបង្រ្កាបបានចម្អិនកំពឹស ។
បើយោងតាមប្រភពពីអ្នកចេញ ចូលលេងល្បែងបានលួចបង្ហើយប្រាប់ថា ក្រោយពី អាជ្ញាធរគណៈបញ្ជាការឯកភាពខណ្ឌដូន ពេញដឹកនាំដោយលោក ជា ខេមា អភិបាលខណ្ឌចុះបង្ក្រាបមិនបានប៉ុន្មានថ្ងៃផងស្រាប តែទីតាំងមួយនេះបើកដំណើរការជាធម្មតាវិញ។
សូមបញ្ជាក់ថា កាលពីថ្ងៃទី៩ ខែឧសភា ឆ្នាំ ២០២៣ លោកជា ខេមា អភិបាលខណ្ឌដូន ពេញ បានដឹកនាំកម្លាំងគណៈបញ្ជាការឯកភាព រដ្ឋបាលខណ្ឌ ដូនពេញ ចុះពិនិត្យជាក់ស្ដែងណែនាំដល់ម្ចាស់គ្រប់គ្រងទីតាំង បនល្បែងខាងលើ ហាមមិនអនុញ្ញាត បង្កប់ល្បែងស៊ីសងគ្រប់ប្រភេទនិងបទល្មើសផ្សេង ៗដែលខុសច្បាប់ ការជួញដូរមនុស្សនិងសារធាតុញៀនជាដើម។ ក្នុងករណីមិនអនុវត្ត តាមកិច្ចសន្យាអាជ្ញាធរ និងអនុវត្តតាមនីតិវិធីច្បាប់។ ប៉ុន្តែតែថ្មីៗនេះ គេមើលឃើញថា ទី តាំងបនល្បែងមួយកន្លែងនេះចាប់ផ្ដើមទទួលអតិថិជន ដែលជាអ្នកញៀនល្បែងឡើងវិញហើយ។ ទង្វើនេះសបញ្ជាក់ឲ្យឃើញថា ទី តាំងបនល្បែងខាងលើ គឺកំពុងតែផ្គើន និងសេចក្តីណែនាំរបស់ រដ្ឋបាលខណ្ឌដូនពេញហើយ ឬមួយ(វាយព្រៃបង្អើលពោះ គួសទឹកបង្អើសត្រីអោយចូលស៊ងទេដឹង?) ។
ប្រភពបានបន្តអោយដឹងថាបនល្បែងមួយនេះ គេសង្កេត ឃើញមានក្រុមអ្នកញៀនល្បែង កំពុងតែប្រមូលផ្ដុំគ្នា មានស្រី មានប្រុស ចូលទៅ លេងមិនខ្វល់មិនខ្លាចសមត្ថ កិច្ចក្នុងមូលដ្ឋានឡើយ។ ព្រោះទីតាំងនេះ មានការយាមកាមតឹងរឹងពីក្រុមសន្តិសុខយក ចិត្តទុកដាក់ ការពារសុវត្ថិភាពយ៉ាងខ្លាំង សូម្បីតែអ្នកទៅ លេងប្លែកមុខ ក៏មានអ្នកតាមឃ្លាំមើល ខ្លាចក្រែងមានការលួចថតរូប ទម្លាយចេញមកក្រៅ ធ្វើឲ្យបែកការពីកន្លែងលេងល្បែងស៊ីសងខាងក្នុងនោះ។ ជុំវិញបនល្បែងសុីសងខាងលើគេហទំព័រ (www. enn-tv.com)មិនអាចសុំការពន្យល់បក ស្រាយពីអាជ្ញាធរនិងសមត្ថកិច្ចជំនាញពាក់ព័ន្ធមូលដ្ឋានណាបាននៅឡើយទេ។
ប្រជាពលរដ្ឋសង្ឃឹមថាលោកអភិបាលខណ្ឌដូនពេញនិងលោកអធិការខណ្ឌដូនពេញនិងយកចិត្តទុកដាក់ក្នុងការទប់ស្កាត់ទីតាំង បនល្បែងស៊ីសងនៅក្នុងមូលដ្ឋានខ្លួនដើម្បីគោរពអនុវត្តទៅតាមការណែនាំអនុសាសន៍ដល់ខ្ពង់ខ្ពស់របស់រាជរដ្ឋាភិបាលកម្ពុជាចូលរួមចំណែកបញ្ជៀសអំពើចោរកម្មផ្សេងៗលួច. ឆក់. ប្លន់.គាស់ផ្ទះ.ប្រើអំពើហិង្សា. គ្រឿង ញៀន.នៅក្នុងមូលដ្ឋាននិងសុខសុវត្ថិភាពជូនពលរដ្ឋអោយស្របតាមគោលនយោ បាយភូមិឃុំសង្កាត់មានសុវត្ថិ ភាព ៧ចំណុច របស់រាជរដ្ឋាភិ បាលដែលដាក់ចេញដោយក្រសួងមហាផ្ទៃ ។
ប្រជាពលរដ្ឋក្បែរទីតាំងល្បែងសុីសងខាង លើសូមអំពាវនាវដល់លោកសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃនិងជាប្រធានគណ:កម្មការទប់ស្កាត់បទល្មើសល្បែងសុីសងទូទាំងប្រទេសនិងលោក ឃួង ស្រេង អភិបាលរាជធានីភ្នំពេញនិងលោក ស ថេត ស្នងការនគរបាលរាជធានីភ្នំពេញ មេត្តាដាក់មន្រ្តីក្រោមឱវាទចុះពិនិត្យទីតាំងបើកបនល្បែងសុីសងយីហោកាសា(CASA) ទប់ស្កាត់និងបង្រ្កាបអោយមានប្រសិទ្ធិភាព៕មានត