ខេត្ដបន្ទាយមានជ័យ៖ ប្រភពពីក្រុមឈ្មួញបានឲដឹងថា ច្រករបៀងអូរបីជាន់ ក្នុងស្រុក អូរជ្រៅ ខេត្តបន្ទាយមានជ័យ កំពុងដំណើរការ បទល្មើស ចេញចូលទំនិញគ្រប់ប្រភេទយ៉ាងសេរីខណៈពេលដែលលោកវរសេនីយ៍ ទោ អ៊ុន ចាន់ មេប៉ុស្តិ៍ច្រករបៀង អូរបីជាន់ មិនមានចំណាត់ការទុកអោយក្រុមឈ្មួញធ្វើអ្វីៗតាមអំពើចិត្តមិនមានចំណាត់ការ។
ប្រភពបានឲ្យដឹងថា ទំនិញទាំងនោះ ដឹកជញ្ជូនតាមរថយន្តតូចៗ, រ៉ឺម៉កសណ្តោង, រ៉ឺម៉កម៉ូតូកង់បី និងគោយន្តកែច្នៃជាដើម ដោយក្នុងមួយថ្ងៃៗជាច្រើនគ្រឿងឆ្ពោះទៅកាន់ គោល ដៅផ្សេងៗដើម្បីចែកចាយទៅ តាមទីផ្សារលក់បន្ត ទីផ្សាររាជធានីភ្នំពេញ។
ប្រភពបន្តពីរនាក់ដឹកទំនិញបានឲដឹងថា ទំនិញទាំងនេះ ដឹកចេញពីច្រករបៀងអូរបីជាន់ ក្នុងស្រុកអូរជ្រៅ និងច្រកមួយចំនួនទៀត តាមបន្ទាត់ព្រំដែន ហើយរថយន្តដឹកទំនិញទាំងនេះឆ្លងកាត់បារាស់ត្រួតពិនិត្យ របស់ក្រុមយោធាតាមចំណុច ភូមិសាស្ត្រច្រកអូបីជាន់ ចូលទៅតំតំបន់ ស ដើម្បីដឹកទំនិញដែលខាងឈ្មួញថៃ ដឹកជញ្ជូនមកឲ្យផងដែរ។
ដោយមើលឃើញសកម្មភាពដឹកទំនិញ យ៉ាងគគ្រឹកគគ្រេងបែបនេះមហាជនដាក់ការ សង្ស័យថា លោកវរសេនីយ៍ទោ អ៊ុន ចាន់ មេប៉ុស្តិ៍ច្រករបៀងអូរបីជាន់ជាបើកដៃបណ្ដោយ ឲ្យក្រុមឈ្មួញទាំងនោះដឹក ទំនិញគេចពន្ធចេញតាមច្រករបៀងបានយ៉ាងរលូន ហើយមិនដឹងថាទំនិញទាំងអស់នោះហួសសុពលភាពឬខូចគុណភាពដែលពួកគេយកមកទៅលក់ចែកចាយនៅលើទីផ្សារដោយគ្មានការត្រួតពិនិត្យត្រឹមត្រូវនោះទេ បើនៅតែបណ្ដោ យបែបនេះប្រជាពលរដ្ឋនិងប្រឈមមុខកើតជំងឺផ្សេងៗជាពុំខានឡើយ ។
ប្រជាពលរដ្ឋសូមអំពាវនាវដល់មន្ត្រីជំនាញពាក់ព័ន្ធ មេត្តាចុះពិនិត្យមើល និងទប់ស្កាត់ រាល់បទល្មើសឆ្លងដែន តាមច្រករបៀងអូរបីជាន់ព្រំដែនកម្ពុជា -ថៃ ដើម្បីពង្រឹងសន្តិសុខ និងទប់ស្កាត់ទំនិញគេចពន្ធ គ្រឿងញៀនការរត់ពន្ធមនុស្សបទល្មើសផ្សេងៗ តាមខ្សែរបន្ទាត់ព្រំដែន ប្រកបដោយប្រសិទ្ធភាព ខ្ពស់និងរក្សាសុខសុវត្ថិភាពជូនប្រជាពលរដ្ឋ ។ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោកវរសេនីយ៍ទោ អ៊ុន ចាន់ មេប៉ុស្តិ៍ច្រករបៀងអូរបីជាន់ក្នុងស្រកអូរជ្រៅ រាល់ម៉ោងធ្វើការ៕មានត