ខេត្តកណ្តាល៖ បើទោះបីសម្តេចតេជោ នាយករដ្ឋមន្ត្រី ហ៊ុន សែន បានដាក់បទបញ្ជាអោយអភិបាល រាជធានី.ខេត្តទាំង២៥ ខេត្ត.ក្រុងត្រូវតែបង្រ្កាបបនល្បែងសុីសងខុសច្បាប់គ្រប់ប្រភេទទូទាំងប្រទេស អោយមានប្រសិទ្ធភាព!ដោយឡែកម្ចាស់ “កាស៊ី ណូ ហ្រ្តេនដ្រាយហ្តនរីសត “និង ” កាស៊ីណូ កាឡាក់សុី”ស្ថិតនៅភូមិជ្រៃធំ ឃុំសំពៅពូន ស្រុកកោះធំ ខេត្តកណ្តាល នៅតែហ៊ានបើកអោយប្រជាពលរដ្ឋខ្មែរចូល លេងល្បែង សុីសងជល់មាន់ និងអាប៉ោងខុស ច្បាប់ យ៉ាងគឃ្លើនផ្គើនបទបញ្ជារបស់សម្ដេច តេជោ ហ៊ុន សែន ។
បើតាមប្រភពពីប្រជាពលរដ្ឋរស់នៅក្នុងមូលដ្ឋាបានរាយ ការណ៍មកថា ម្ចាស់កាស៊ីណូ “ហ្រេ្គនដ្រាយហ្តនរីសត” និង “កាស៊ីណូ កាឡាក់សុី”កំពុងកៀងគរបើកអោយពលរដ្ឋខ្មែរចូលលេងល្បែងសុីសងខុសច្បាប់ គ្រប់ប្រភេទ នាំគ្នាស្រែកហ៊ោកញ្ជ្រៀវយ៉ាងទ្រហឹង ធ្វើ អោយប្រជាពលរដ្ឋរស់នៅមានការព្រួយបារម្ភនិងភ័យខ្លាចនូវអំពើចោរកម្ម ចោរលូច .ចោរប្លន់ ចោរឆក់.ចោរគាស់ផ្ទះនិងប្រើអំពើហិង្សាគ្រួសារគួរអោយកត់សម្គាល់ដើមចមកើតចេញពីល្បែងសុីសងនេះឯង។
គួរំលឹកថា កាលពីនៅថ្ងៃទី ១៧ ខែកញ្ញា ឆ្នាំ ២០២២ នេះ សម្ដេចតេជោ នាយករដ្ឋមន្រ្តី ហ៊ុន សែន បានចេញបទបញ្ជារ យ៉ាងដាច់ណាត់អោយអភិបាល ទាំង២៥ ខេត្ត.ក្រុងអោយបិទទីតាំងបនល្បែងសុីសងខុសច្បាប់ គ្រប់ប្រភេទ ទូទាំងរាជធានីខេត្តមិនអនុញ្ញាតនោះទេ ។ប៉ុន្តែដោយ ឡែកសមត្ថកិច្ចនិងអាជ្ញាធរ មូលដ្ឋានស្រុកកោះធំ ខេត្តកណ្ដាល បណ្ដោយអោយម្ចាស់កាសុីណូហ្គេនដ្រាយ ហ្គនរីសត ” និង”កាស៊ីណូ កាឡាក់សុី” នៅ តែបន្តបើកអោយពលរដ្ឋខ្មែរចូលលេងល្បែងយ៉ាងរលូន ។
ដូច្នេះហើយទើបប្រជាពលរដ្ឋរស់នៅក្នុងភូមិជ្រៃធំ ឃុំសំពៅពូន ស្រុកកោះធំ អំពាវនាវដល់ លោក គង់ សោភ័ណ្ឌ អភិបាល ខេត្តកណ្ដាលនិង ឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល រួមទាំងលោក សំ តុលា មេបញ្ជាការកងរាជអាវុធហត្ថខេត្តកណ្តាលមេត្តាដាក់មន្ត្រីក្រោមឱវាទអោយចុះពិនិត្យទប់ស្កាត់បង្ក្រាបទីតាំង បនល្បែងស៊ីសងជល់មាន់ និងអាប៉ោងខុសច្បាប់ ជ្រកក្រោមស្លាក” កាស៊ីណូ ហ្រ្គេនដ្រាយហ្កនរីសត” និង “កាស៊ីណូ កាឡាសុី “ទាំងពីរកន្លែងនេះនៅតែបើកអោយប្រជាពលរដ្ឋខ្មែរចូលលេងល្បែងសុីសងយ៉ាងគគ្រឹកគគ្រេងនៅក្នុងមូលដ្ឋានមិនទាន់បង្រ្កាបនៅឡើយទេ៕មានត
