តាមប្រភពពីក្រុមឈ្មួញ និងអាជីវករដឹកជញ្ជូនទំនិញឆ្លងកាត់ស្ថានីយជញ្ជីងថ្លឹងរថយន្តផ្លូវជាតិលេខ៣ ស្រុកកណ្ដាលស្ទឹង ខេត្តកណ្ដាលបានឲ្យដឹងថា ទោះបីពួកគាត់ ដឹកជញ្ជូនទំនិញផ្ទុកមិនលើសទម្ងន់ក៏ត្រូវ បង់លុយតាមការ កំណត់របស់លោក ចេង ឃីម ដែលជាប្រធានស្ថានីយ៍ថ្លឹងរថយន្តផ្លូវជាតិលេខ៣នោះដែរ។ រីឯរថយន្តធំៗ សណ្ដោងកន្ទុយវែងៗ សណ្ដោងរ៉ឺម៉កផ្ទុក លើសទម្ងន់អាចបើកបរឆ្លងកាត់ស្ថានីយ៍ ជញ្ជីងថ្លឹងរថយន្តផ្លូវជាតិលេខ៣ ស្ថិតនៅភូមិកំពង់ទួល ស្រុកកណ្ដាលស្ទឹង ខេត្តកណ្ដាល យ៉ាងស្រួលៗឲ្យ តែម្ចាស់រថយន្តទាំងនោះបានបង់លុយតាមការកំណត់របស់លោកប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ៣ ជាការស្រេច។
បញ្ហានេះលោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូនក៏ដូចជាលោក សេង ឈួន មេជញ្ជីងថ្លឹងរថយន្តទូទាំងប្រទេស មិនគួរមើលរំលងតទៅទៀតនោះទេ ព្រោះលោក ចេង ឃីម ប្រធានស្ថានីយ៍ជញ្ជីងថ្លឹងរថយន្តផ្លូវ ជាតិលេខ ៣និងបក្ខពួកធ្វើអ្វីៗតាមអំពើចិត្ត។
បើតាមប្រភពពីមន្រ្តីនៅក្នុងមន្ទីរសាធារណ ការ និងដឹកជញ្ជូនខេត្តកណ្ដាលបានឲ្យដឹង ថា ដោយសារតែមានការបើកដៃពីសំណាក់លោក ម៉ឹង យូឡេង ប្រធានមន្ទីរសាធារណ ការ និងដឹកជញ្ជូនខេត្តកណ្ដាល ទើបលោក ចេង ឃីម ប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ៣ ស្រុកកណ្ដាលស្ទឹង មិនញញើតក្នុងការប្រព្រឹត្តអំពើពុករលួយឡើយ ។
ប្រភពដដែលបានបន្ថែមទៀតថាបើគ្មានការបើកដៃពីសំណាក់លោក ម៉ឹង យូឡេង ទេគឺលោក ចេង ឃីម ប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ ៣ អោយប្រែក្លាយទៅជាជញ្ជីងថ្លឹងលុយតាមអំពើចិត្ត។លើសនេះទៅទៀតការដែលលោក ម៉ឹង យូឡេង បានរក្សាតំណែងជាប្រធានមន្ទីរសាធារណការ និងដឹកជញ្ជូនខេត្តកណ្ដាល បានយូរអង្វែងហើយមិនញញើតក្នុងការប្រព្រឹត្តអំពើពុករលួយគឺដោយសារអាងមានខ្នងបង្អែករឹងមាំ ។
ប្រភពពីក្រុមឈ្មួញនិងអាជីវករដឹកជញ្ជូនទំនិញឆ្លងកាត់ស្ថានីយជញ្ជីងថ្លឹងរថយន្ត ផ្លូវជាតិលេខ៣ បានឲ្យដឹងទៀតថា លោក ចេង ឃីម តែងតែប្រើឈ្មោះប្រធានមន្ទីរសាធារ ណការ និងដឹកជញ្ជូនខេត្តកណ្ដាល ដើម្បីការពារទង្វើមិនប្រក្រតីពុករលួយរបស់ខ្លួនយ៉ាងរលូន។ ទន្ទឹមនឹងនេះលោក ចេង ឃីម និងក្រុមមន្រ្តីប្រចាំស្ថានីយជញ្ជីងថ្លឹងរថយន្តផ្លូវជាតិលេខ៣ ស្រុកកណ្ដាលស្ទឹង ក្លាយទៅជាជញ្ជីងថ្លឹងលុយយ៉ាងពេញបន្ទុកហើយ។
ដូច្នេះលោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ព្រមទាំងលោក សេង ឈួន មេជញ្ជីងថ្លឹងរថយន្តទូទាំងប្រទេសនិងលោកឱម យ៉ិនទៀង ប្រធានអង្គភាពប្រឆាំងអំពើពុករលួយ មិនគួរមើលរំលងភាពមិនប្រក្រតីពុករលួយរបស់លោក ចេង ឃីម នោះទេ។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោកចេង ឃីមប្រធានស្ថានីយ៍ ជញ្ជីងថ្លឹងរថយន្តផ្លូវជាតិលេខ៣ រាល់ម៉ោងធ្វើការ៕មានត