ភ្នំពេញ ៖ ព្រោះតែផលប្រយោជន៍ផ្ទាល់ខ្លួន ក្រុមខ្លួន បក្ខពួកខ្លួន ត្រឹមតែប៉ុន្មានថ្ងៃសោះ លោកផ្កាយ២ ឈ្មោះ ហេង ឡាលីន បានក្តោបយកទាំងអស់ ចំពោះខណ្ឌទាំង១៤ និងប៉ុស្តិ៍រដ្ឋបាល ទាំង១០៥ ក្នុងរាជធានីភ្នំពេញ ក្នុងការប្រកបរបបកត់កន្ទុយលេខនិងឆ្នោត យួន ហើយបានយកឥទ្ធិពលរបស់ខ្លួន ទៅបញ្ជាដល់សមត្ថកិច្ចមូលដ្ឋាន ឱ្យចុះទៅចាប់អ្នកកត់ឆ្នោតវៀតណាមផ្សេងៗទៀត ដែលមិនមែនជាគូកន (កូនកញ្ច្រែង) របស់ខ្លួន ។
យោងតាមប្រភពសេចក្តីរាយការណ៍របស់ប្រជាពលរដ្ឋបានឲ្យដឹងថា ក្នុងរយៈពេល២ ទៅ ៣ថ្ងៃកន្លងទៅនេះ គឺមានក្រុមមនុស្ស៦ ទៅ ៧នាក់ ជាអ្នកកាងឆ្នោតវៀតណាមយីហោ «V168» ជាមនុស្សរបស់លោកផ្កាយ២ ហេង ឡាលីន នៅអង្គភាពកងពលតូចង៧០ ជាអ្នកនៅពីក្រោយខ្នង បាននាំគ្នាប្រើវិធានច្បាប់ព្រៃ លួងលោមផងនិងគម្រាម ផង ។ បើពលរដ្ឋណាមិនព្រមកត់កន្ទុយ លេខ និងឆ្នោតឲ្យខ្លួននោះទេ។ លោក ហេង ឡាលីនក៏យក ឈ្មោះ អង្គភាព កងពលតូច “ង៧០” មកគម្រាមពលរដ្ឋមិនព្រមកត់កន្ទុយលេខនិងឆ្នោតយួនឲ្យខ្លួន នៅទូទាំងរាជធានីភ្នំពេញ។
ជាក់ស្តែង កាលពីពេលថ្មីៗនេះ លោកផ្កាយ ២ ហេង ឡាលីន បានបញ្ជាបក្ខពួករបស់ខ្លួនឲ្យលើកគ្នាមកទាំងហ្វូងទៅសម្លុតនិងបំបាក់ស្មារតីពលរដ្ឋនៅ កន្លែងទីតាំងកត់ឆ្នោតវៀត ណាម មិនមែនជាបក្ខពួកខ្លួន។ដំបូងលោក ហេង ឡាលីន ប្រើវិធានការលួងលោមបញ្ចុះ បញ្ចូលអោយពលរដ្ឋកត់ឆ្នោតយួនឬកន្ទុយ លេខយកមកអោយខាងខ្លួន ដោយខ្លួនធានាការពារ នៅពីក្រោយខ្នង។ តែបើអ្នកណា មិនព្រមកត់ឲ្យខ្លួន គឺក្រុមបងធំ ក្រោមការបង្គាប់បញ្ជាពីលោកផ្កាយ២ ហេង ឡាលីន ទៅគម្រាម ពលរដ្ឋអោយភ័យខ្លាច បាក់ស្មាតី និងអោយសូកលុយសមត្ថកិច្ចឲ្យមកបង្ក្រាបអ្នកមិនព្រមកត់ឆ្នោតយួនឲ្យខ្លួន ភ្លាមៗ តែម្តង។
នៅពេលថ្មីៗនេះ ក្រោយពីក្រុមអ្នកកាងឆ្នោត វៀតណាមយីហោ«V168» របស់ផ្កាយ២ ហេង ឡាលីន ចុះទៅគំរាមពលរដ្ឋឲ្យកត់ឆ្នោតយួនឲ្យពួកខ្លួន ប៉ុន្តែម្ចាស់ទីតាំងនោះបដិសេធមិនព្រមកត់ក៏ត្រូវនគរបាលបង្ក្រាប តែម្តង ជាការគម្រាម អោយឃើញពីឥទ្ធិពល អំណាចរបស់ឈ្មោះ ហេង ឡាលីន គឺមានសមត្ថភាព កត់ឆ្នោតវៀតណាមបាន ធានាចាប់បើមិនមែនជាដៃគូ កូនកញ្ច្រែងរបស់ ផ្កាយ២ ហេង ឡាលីន។
ពលរដ្ឋរងគ្រោះបញ្ជាក់ថា ក្រុមអ្នកកាងឆ្នោត វៀតណាមដែលមានយីហោ «V168» នេះ ក្នុងនោះមានស្រ្តីម្នាក់ឈ្មោះ ហ្វី លីត និង ឈ្មោះ សេក សុភាស់ ហៅ “បារាំង” បាន អួតខ្លួនថាជាជំនួយការលោកផ្កាយ២យោធាឈ្មោះ ហេង ឡាលីន នៅអង្គភាពកង ពលតូចង៧០ ដើម្បីប្រមូលកូនកញ្ជ្រែងឆ្នោតវៀត ណាមទាំង អស់ក្នុងរាជធានីភ្នំពេញឲ្យក្រុមខ្លួន ។ ភ្លាមៗនេះ លោកផ្កាយ២ យោធា ឈ្មោះ ហេង ឡាលីន នៅអង្គភាពកងពលតូច “ង៧០” ដែលជាអ្នកកាងនិងនៅពី ក្រោយខ្នងបទល្មើសកត់ឆ្នោតយួនខុសច្បាប់នេះ។ ពាក់ព័ន្ធព័ត៌មានខាងលើគេហទំព័រ (www.enn-tv.com) យើងខ្ញុំរងចាំនូវការពន្យល់បកស្រាយពីលោក ហេង ឡាលីន រាល់ម៉ោងធ្វើការ៕មានត