ភ្នំពេញ៖ តាមប្រភពសេចក្តីរាយការណ៍ពីមន្ត្រីសាលារាជធានីភ្នំពេញសូមមិនបញ្ចេញឈ្មោះបានអោយដឹងថា ចាប់តាំងពីលោក អ៊ុក សុផល បានចូលមកកាន់ ដំណែងជា នាយកទីចាត់ការហិរញ្ញវត្ថុនៃសាលារាជធានីភ្នំពេញរយះពេលជាច្រើនឆ្នាំមកហើយធ្វើឲ្យមន្ត្រីរាជការក្រោមឱវាទនៅសាលារាជធានីភ្នំពេញ មិនពេញចិត្តទាល់តែសោះ ព្រោះលោក អ៊ុក សុផល នាយកទីចាត់ការហិរញ្ញវត្ថុនៃ សាលារាជធានីភ្នំពេញប្រើតួនាទីអំណាចបក្ខពួកនិយមតែងតែបង្កព្យុះភ្លៀងពេញសាលារាជធានីភ្នំពេញ។
ប្រភពដដែលបានបន្តអោយដឹងថាសាលារាជធានីភ្នំពេញកាលពីជំនាន់អតីតលោក ប៊ុន សេរី ធ្វើជានាយកទីចាត់ការហិរញ្ញវត្ថុសាលារាជធានីភ្នំពេញគឺមិនសូវប្រឹងបូមដូច
បច្ចុប្បន្ននេះទេ?ដូចជាករណីដេញថ្លៃ គំរោង អភិវឌ្ឍហេដ្ឋារចនា សម្ព័ន្ធ ផ្លូវ លូ សួនច្បារ ភ្លើងបំភ្លឺ សាធារណះជាពិសេសគឺការកៀប សង្កត់ ចំពោះអាជីវករ ក្រុមហ៊ុន ស្ថាប័នឯកជនផ្សេងៗ គឺជាជំនាញរបស់លោក អ៊ុក សុផល តែម្ដង ជំនាញនេះមានតាំងពីយូរណាស់មកហើយ ឯការរៀបចំគំរោង ដោះ ដូរបង្គោល ភ្លើង អំពូលភ្លើង រនាំងពុះចែក ទ្រូងផ្លូវគឺពូកែ ផុត ព្រោះគំរោងមួយនេះគឺឆ្ងាញ់ៗតែម្តង ។
ប្រពភពីបានបន្ថែមអោយដឹងទៀតថា រាល់គំរោងទាំងអស់ ដែល មន្ទីរ ទទួល បានការអនុញ្ញាតពីសាលារាជធានីភ្នំពេញដើម្បី យក មកអនុវត្តពេល បើកលុយគឺត្រូវចំណាយ ថ្លៃទឹកតែយ៉ាង តិចបំផុតពី ១០ ទៅ១៥% សម្រាប់ លោក អ៊ុក សុផល បើមិនអញ្ជឹងទេ ពេលចូលទៅ សុំបើកលុយពីលោក អ៊ុក សុផលមិនព្រមបើកទ្វារបន្ទប់អោយចូលជួបនោះឡើយហើយបើចូលជួបហើយនោះ គាត់ ឆ្លើយថា រវល់មេហៅទៅជួបរួច ក៏ចេញទៅបាត់ធ្វើអោយកក ស្ទះ ការងាររាប់ខែក៍មានជាពិសេសកម្មករ ដែលគ្នាមានជីវភាពខ្សត់ខ្សោយនោះ។
បើតាមប្រភពបានខ្សឹបខ្សៀវអោយទៀតដឹងថា ពាក់ព័ន្ធ នឹងគំរោង ចំណាយ មួយចំនួនសម្រាប់ការសាងសង់ ផ្លូវ លូ បង្គោលភ្លើង អំពូល ភ្លើងស្មៅ ផ្កា និយាយអោយចំគឺ គ្រឿង លំអរទីក្រុង ដែលលោក អ៊ុក សុផល រួមជមួយលោក ប្រធានមន្ទីរសាធារណះការ រាជធានីភ្នំពេញ នឹងក្រុមហ៊ុន ដែលទទួល ម៉ៅការ ធ្វើជាអ្នករៀបចំគំរោងក្នុងការ ដាក់តម្លៃសម្រាប់ចំណាយដើម្បីបានការឯកភាព ពីប្រមុខរាជរដ្ឋាភិបាល។
ជុំវិញព័ត៌មានខាងលើសូមលោកបណ្ឌិ អូន ព័ន្ធមុន្នីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុរួមនិងលោក ឱម យុិនទៀង ប្រធានអង្គភាពប្រឆាំងអំពើពុករលួយគួរដាក់មន្រ្តីក្រោមឱវាទចុះសុើបអង្កេតអោយសុីជម្រៅ លោក អ៊ុក សុផល នាយកទីចាត់ការហិរញ្ញវត្ថុសាលារាជធានីភ្នំពេញផង មហាជនរង់ចាំមើលថាតើលោក ឃួង ស្រេង អភិបាល រាជធានីភ្នំពេញមានចំណាត់ការបែបណាជាមួយ លោក អ៊ុក សុផល នាយកទីចាត់ការហិរញ្ញវត្ថុសាលារាជធានីភ្នំពេញ។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក អ៊ុក សុផល នាយកទីចាត់ការហិរញ្ញវត្ថុសាលារាជធានីភ្នំពេញ រាល់ម៉ោងធ្វើការ៕មានត
