កណ្ដាល៖ ប្រភពពីមន្ត្រីភ្នាក់ងារគយក្នុងខេត្តកណ្ដាលមួយចំនួនបានបង្ហើបឲ្យដឹង ថា លោក អន ស៊ីនួន មេសាខាគយខេត្តកណ្តាលពង្រាយដៃជើងរបស់ខ្លួនដាក់កុងត្រូលជជុះគាបលុយអាជីវករនិងឈ្មួញ រកសុីដឹកបន្លែផ្លែឈើពីស្រុកយួនចូលមកតាមផ្លូវជាតិខ្សែក្រវ៉ាត់ខេត្តកណ្តាលចូលមករាជធានីភ្នំពេញជាលេសត្រួតពិនិត្យពន្ធ! តាមពិតនោះដាក់កុងត្រូលជជុះយកលុយក្រុមអាជីវករនិងឈ្មួញដាក់ហោប៉ាវចែកគ្នាធ្វើមានបានយ៉ាងសុខស្រួលសោះ។ ជាក់ស្តែងក្រុមគយផ្លូវជាតិលេខ១ចំណុចភូមិជ្រោយដង ឃុំសំរោងធំនិងផ្លូវជាតិផ្សេងៗទៀតដែលជាប់ផ្លូវខ្សែរក្រវាត់ខេត្តកណ្តាលដាក់ក្រុងត្រូលយកលុយដាក់ហោប៉ៅសោះគេមិន ដែលឃើញក្រុមគយនៅចំណុចនោះត្រួតពិនិត្យឆែកឆេទំនិញម្តងណាឡើយ តែគេសង្កេតឃើញមានតៃកុងឡាន ព្រូឡាន ឈប់នៅខាងមុខចូលបង់លុយគ្មានក្រដាសស្នាមឬវិក្ក័យបត្រតែប៉ុណ្ណោះ។
ប្រភពដដែលបានបន្តអោយដឹងថា លោក អន ស៊ីនួន មិនចាត់វិធានការបង្ក្រាបក្រុមឈ្មួញដឹកជញ្ជូនទំនិញគេចពន្ធ និងទំនិញបង់ពន្ធមិនគ្រប់និងទំនិញខុសច្បាប់ឆ្លងកាត់ខេត្តកណ្ដាលនោះឡើយបែជាបណ្តោយក្រុមឈ្មួញធ្វើអ្វីៗតាមអំពើចិត្ត ។ លោក អន ស៊ីនួន ចំណាយដើមទុនយ៉ាងច្រើនក្នុងការទទួលបានតំណែងជាប្រធានសាខាគយខេត្តកណ្ដាល ទើបខំប្រឹងស្រង់ដើមពុករលួយដោយគ្មានញញើតនិងអង្គភាពប្រឆាំងអំពើ ពុករលួយនោះទេ។
ប្រភពដែលស្និទ្ធនឹងលោក អន ស៊ីនួន បានឲ្យដឹងថា ក្រោយពេលទទួលបានតំណែងជាប្រធានសាខាគយខេត្តកណ្ដាល គឺលោក អន ស៊ីនួន កំពុងអនុវត្តន៍តាមបទពិសោធន៍របស់លោក វ៉ូ វណ្ណា អតីតប្រធានសាខាគយខេត្តកណ្ដាលដើម្បីប្រមូលលុយយ៉ាងសុខស្រួល។ ប្រភពខ្លះបានឲ្យដឹងទៀតថា ក្រុមឈ្មួញដឹកជញ្ជូនទំនិញឆ្លងកាត់ផ្លូវជាតិលេខ១ ផ្លូវជាតិលេខ២ ផ្លូវជាតិលេខ៣ ផ្លូវជាតិលេខ៤ ផ្លូវជាតិលេខ៥ និងផ្លូវជាតិផ្សេងៗទៀតចូលមករាជធានីភ្នំពេញ គឺជាប្រភពចំណូលរបស់លោក អន ស៊ីនួន តែម្តង។
ជាក់ស្ដែងតាំងពីទទួលបានតំណែងជាប្រធានសាខាគយខេត្តកណ្ដាលមកគឺលោក អន ស៊ីនួន មិនដែលចាត់វិធានការបង្ក្រាបក្រុមឈ្មួញដឹកជញ្ជូនទំនិញគេចពន្ធ ទំនិញបង់ពន្ធមិនគ្រប់ ឬទំនិញខុសច្បាប់ បានម្ដងណាឡើយ មានតែសម្រប សម្រួលឲ្យឈ្មួញទាំង នោះដឹកទំនិញទៅដល់គោល ដៅប្រកបដោយសុវត្ថិភាព។ ទន្ទឹមនឹងនេះនៅច្រកជ្រៃធំ ច្រកបាក់ដៃនិងច្រកផ្សេងៗទៀត ក្រុមឈ្មួញអាចនាំចូលទំនិញគេចពន្ធទំនិញបង់ពន្ធមិនគ្រប់ឬទំនិញខុសច្បាប់យ៉ាងរលូនដូចកាលពីជំនាន់លោក វ៉ូ វណ្ណា នៅធ្វើជាប្រធានសាខាគយខេត្តកណ្ដាល ផងដែរ។
ប្រភពពីមន្ត្រីគយក្នុងខេត្តកណ្ដាលបានបន្ថែមឲ្យដឹងថាក្រុមឈ្មួញធំៗដែលដឹកជញ្ជូនទំនិញគេចពន្ធទំនិញបង់ពន្ធមិនគ្រប់ និងទំនិញខុសច្បាប់ឆ្លងកាត់ផ្លូវជាតិនានាក្នុងខេត្តកណ្តាលចូលទៅរាជធានីភ្នំពេញ សុទ្ធ តែមានទំនាក់ ទំនងស្និទ្ធជាមួយលោក អន ស៊ីនួន ដើម្បីសម្រួលដល់អាជីវកម្មរបស់ពួកគេ។ លើសនេះទៅទៀតលោក អន ស៊ីនួន បានពង្រាយដៃជើងរបស់ខ្លួនដាក់ត្រូលជជុះតាមដងផ្លូវនិងក្រុមមន្ត្រីគយចល័តក្នុងខេត្តកណ្ដាល គាបយកលុយពីក្រុមឈ្មួញនិងក្រុមអាជីករដឹក ជញ្ជូនទំនិញឆ្លងកាត់ផ្លូវជាតិជាច្រើនខ្សែក្នុងខេត្តកណ្ដាលស្រេចតែអំពើចិត្តបើទោះបីឈ្មួញទាំងនោះ ដឹកជញ្ជូនទំនិញបង់ពន្ធត្រឹមត្រូវនៅច្រកព្រំដែនរួចហើយក៏ដោយ។
ប្រភពពីសមត្ថកិច្ចពាក់ព័ន្ធក្នុងខេត្តកណ្ដាល បានឲ្យដឹងថាលោក អន ស៊ីនួន ឡើងកាន់តំណែងជាប្រធានសាខាគយខេត្តកណ្ដាលកាលពីរសៀលថ្ងៃទី២៨ ខែមករាឆ្នាំ២០១៩ហើយរហូតមកដល់បច្ចុប្បន្ននេះលោក អន ស៊ីនួន មិនទាន់ចាត់វិធានការបង្ក្រាបក្រុមឈ្មួញដឹកជញ្ជូនទំនិញគេចពន្ធទំនិញបង់ពន្ធមិនគ្រប់ និងទំនិញខុសច្បាប់បានមួយករណីនៅឡើយទេ។
ដែលបញ្ហានេះសូមលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ក៏ដូចជាលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជាមិនគួរបណ្ដែត បណ្ដោយឲ្យលោកអន ស៊ីនួន ប្រធានសាខា គយនិងរដ្ឋាករ ខេត្តកណ្ដាលដែលពង្រាយដៃជើងប្រព្រឹត្តអំពើពុករលួយតាមអំពើចិត្តនេះផង។
ពាក់ព័ន្ធព័ត៌មានខាងលើ (www.enn-tv.com)យើងខ្ញុំរងចាំនូវការពន្យល់បកស្រាយពីលោក អន ស៊ីនួន ប្រធានសាខា គយនិងរដ្ឋាករខេត្តកណ្តាល រាល់ម៉ោងធ្វើការ៕មានត
