ប្រភពពីមន្ត្រីគយក្នុងខេត្តកោះកុងមួយចំនួនបានឲ្យដឹងថា បច្ចុប្បន្នទំនិញដែលឈ្មួញធំៗ នាំចូលតាមច្រក ទ្វារអន្តរជាតិ ចាំយាម ច្រកប៉ាក់ខ្លង និងច្រកស្រែអំបិល ជាដើមគឺបង់ពន្ធត្រឹម៣៥ ទៅ ៤០ភាគរយប៉ុណ្ណោះ ក្រៅពីនេះក្រុមឈ្មួ ញបែងចែកផល ប្រយោជន៍ លើតុក្រោមតុជាមួយលោក ទុំ ណូ មេគយខេត្តកោះកុង? ។ ជាងនេះទៅទៀតលោក ទុំ ណូ ប្រធានសាខាគយខេត្តកោះកុង ឃុប ឃិតឲ្យឈ្មួញធំៗខ្លះបង់ពន្ធតាមរបៀបម៉ៅការដើម្បីផលប្រយោជន៍ផ្ទាល់ ខ្លួនព្រោះអាងមានខ្នង បង្អែករឹងមាំនៅក្នុងអគ្គនាយកដ្ឋាន គយនិងរដ្ឋាករកម្ពុជា។
ប្រភពស្និទ្ធនឹងលោក ទុំ ណូ ប្រធានសាខា គយខេត្តកោះកុង បាន ឲ្យដឹងថា ខ្នងបង្អែករឹងមាំរបស់លោក ទុំ ណូគឺលោក គុណ ញឹម ដែលជាអគ្គនាយក នៃអគ្គនាយកដ្ឋាន គយ និងរដ្ឋាករកម្ពុជា ហេតុនេះហើយទើបលោក ទុំ ណូ ធ្វើអ្វីៗតាមអំពើចិត្ត។
គួររំលឹកដែរថា ភាពមិនប្រក្រតីពុករលួយយ៉ាងពេញទំហឹងរបស់លោកទុំ ណូ ប្រធានសាខាគយខេត្តកោះកុង ត្រូវបាន បណ្តាញ ព័ត៌មាននានាចុះផ្សាយជាបន្តបន្ទាប់ ប៉ុន្តែលោក គុណ ញឹម ដែលជាមេគយធំ សម្ងំស្ងៀម ធ្វើមិនដឹងមិន ឮអ្វីទាំងអស់។
សូម្បីតែលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ក៏ដូចជាលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ ក៏ធ្វើមិនដឹងមិនឮផងដែរ ជុំវិញភាពមិនប្រក្រតីពុករលួយរបស់លោក ទុំ ណូ ប្រធានសាខាគយខេត្តកោះកុង និងបក្ខពួកនោះឡើយ។ ហេតុនេះហើយទើបលោក ទុំ ណូ ប្រធានសាខាគយខេត្តកោះកុង កាន់ តែមានអំណាចធំធេងក្នុងការប្រព្រឹតអំពើពុករលួយឃុបឃិតឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់កាន់តែច្រើនឡើងៗ ធ្វើឲ្យរដ្ឋត្រូវ ខាត បង់ចំណូលពន្ធយ៉ាងច្រើនក្នុងមួយខែៗ។
ប្រភពពីសមត្ថកិច្ចពាក់ព័ន្ធក្នុងខេត្តកោះកុងបានឲ្យដឹងថា បច្ចុប្បន្នប៉ុស្តិ៍ជជុះរបស់មន្ត្រី គយនៅចំណុចអណ្តូងទឹក នៅតែដំណើរការយ៉ាងរលូនហើយជាប្រភពចំណូលដ៏សំខាន់របស់លោក ទុំ ណូ ប្រធានសាខាគយខេត្តកោះកុង ដែលកំពុងខំប្រឹងសាងភាពល្បីល្បាញខាងពុករលួយដោយគ្មានញញើតអ្វីទាំងអស់។ បញ្ហានេះគឺជារឿងដែលលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ មិនគួរបណ្តែតបណ្តោយតទៅទៀតនោះទេ ព្រោះអំពើពុករលួយយ៉ាង រាលដាលរបស់លោកទុំ ណូ ប្រធានសាខា គយខេត្តកោះកុង កំពុងធ្វើឲ្យប៉ះពាល់ យ៉ាងខ្លាំងក្លាទៅលើ កំណែ ទម្រង់ស៊ីជ ម្រៅនៅក្នុងស្ថាប័នគយផងដែរ។ លើសនេះទៅទៀតសម្តេចតេជោ នាយករដ្ឋមន្ត្រី ដែលជា ប្រមុខ រាជរដ្ឋាភិបាល និងលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ មិនគួរមើលរំលងទុកឲ្យមន្ត្រីរបៀបពុករលួយដូចជាលោក ទុំ ណូប្រធានសាខាគយខេត្តកោះកុង ធ្វើអ្វីៗតាមអំពើចិត្តតទៅទៀតនោះឡើយ។ពាក់ព័ន្ធព័ត៌មានខាងលើគេហទំព័រ(www . enn-tv.com)យើងខ្ញុំរងចាំនូវការពន្យល់ បកស្រាយពីលោក ទុំ ណូ ប្រធានសាខាគយនិងរដ្ឋាករខេត្តកោះកុងនិងបក្ខពួក រាល់ម៉ោងធ្វើការ៕មានត
