ព្រៃវែង៖ មន្ត្រីអង្គការក្រៅរដ្ឋាភិបាលដែលឃ្លាំមើលបទល្មើសព្រៃឈើក្នុងខេត្តក្រចេះ បានបញ្ជាក់ឲ្យដឹងថា មួយរយៈចុងក្រោយនេះ ឈ្មួញឈ្មោះ ស្មី ជាអ្នករត់ការឲ្យក្រុមឈ្មួញជាច្រេីននាក់សម្រុកដឹកជញ្ជូនធ្យូង ចេញពីខេត្តក្រចេះ យកមកស្តុបទុក ក្នុងភូមិដំណាក់ចារ ខេត្តត្បូងឃ្មុំ យ៉ាងគំហុកទាំង យប់ថ្ងៃ រួចដឹកបន្តឆ្លងដែនទៅស្រុកយួន ចូលតាមច្រកទ្វារព្រំដែនអន្តរជាតិមុឺនជ័យ ចំណុចឃុំក្របៅ ស្រុកកំចាយមារ រីឯមេររដ្ឋ បាលព្រៃឈើខេត្តព្រៃវែងនិងប្រធានបរិស្ថានខេត្តព្រៃវែងរក្សាភាពស្ងៀមស្ងាត់។
សូម្បីតែលោកជាម ច័ន្ទ សោភ័ណ្ឌ អភិបាលខេត្តត្បូងឃ្មុំ លោក ម៉ុន មាគ៌ា ស្នងការដ្ឋាននគរបាលខេត្តត្បូងឃ្មុំ និងលោក រត្ន័ ចាន់ ណា មេបញ្ជាការកងរាជអាវុធហត្ថខេត្តត្បូង ឃ្មុំ មិនហ៊ានប៉ះពាល់មេឈ្មួញជើងខ្លាំងឈ្មោះ ស្មី ឡើយទុកឲ្យក្រុមឈ្មួញទាំងនោះសម្រុកដឹកជញ្ជូនធ្យូង ចេញពីភូមិដំណាក់ចារ ខេត្តត្បូងឃ្មុំ ឆ្លងកាត់ខេត្តព្រៃវែង ឆ្លង ដែនចូលទៅស្រុកយួន តាមច្រកទ្វារព្រំដែនអន្តរជាតិម៉ឺនជ័យយ៉ាងគគ្រឹក គគ្រេង ក្នុងមួយយប់ៗរថយន្តដឹកធ្យូងរាប់សិបគ្រឿង ។ដោយឡែកលោក ជា សុមេធី អភិបាលខេត្តព្រៃវែង លោក ឈឿន ប៊ុនឆន ស្នងការដ្ឋាននគរបាលខេត្តព្រៃវែង ព្រមទាំង លោក ឈួន គីម សាន មេបញ្ជាការកងរាជអាវុធហត្ថខេត្តព្រៃវែង សម្ងំស្ងាត់ឈឹងផងដែរ។
មហាជនបានរិះគន់ចំៗទៅលើមន្ត្រីជំនាញសមត្ថកិច្ចតាមដងផ្លូវ និងសមត្ថកិច្ចនៅច្រកទ្វារព្រំដែនអន្តរជាតិម៉ឺនជ័យ បានរក្សាភាពស្ងៀមស្ងាត់ ខណៈដែលឈ្មួញ ប្រើប្រាស់រថយន្តសាំយ៉ុងកែច្នៃ និងរថយន្តកែច្នៃច្រើនប្រភេទទៀតដឹកជញ្ជូនធ្យូងឆ្លងដែនចេញទៅស្រុកយួន ក្នុងមួយយប់ៗរាប់សិបតោន ។ ចាប់ពី១០គ្រឿងទៅ ២០គ្រឿងយ៉ាងគំហុក គ្មានការទប់ ស្កាត់បង្រ្កាបពីសំណាក់មន្ត្រីជំនាញសមត្ថកិច្ចពាក់ព័ន្ធ ក្នុងខេត្ដព្រៃវែងនោះទេ។
ប្រភពក្រុមឈ្មួញដឹកជញ្ជូនធ្យូងឆ្លងដែនចេញទៅស្រុកយួន បានឲ្យដឹងថា ពួកគេឲ្យបុគ្គលឈ្មោះ ស្មី អ្នករត់ការទៅថ្នាក់លើខេត្តនីមួយៗ ក្នុងមួយឡានកែច្នៃសាំយ៉ុងចាប់ពី ១លាន២០ម៉ឺនរៀល ទៅ ២លានរៀល ដើម្បីជាថ្នូរបើកបារ៉ាស់ ទើបឈ្មួញអាចបន្តដឹកជញ្ជូនដល់គោលដៅ តាមច្រកទ្វារព្រំដែនអន្តរជាតិមុឺនជ័យ ដោយរលូនមិនប្រឈមនិងការបង្ក្រាប ហើយនៅសល់កម្រៃតិចតួចប៉ុណ្ណោះ។
សកម្មភាពឈ្មួញឈ្មោះ ស្មី និងបក្សពួករបស់ខ្លួនគ្រៀងគរឲ្យពលខ្មែរក្នុងខេត្តក្រចេះ និងខេត្តមណ្ឌលគីរី ស្រុកកែវសីមា កាប់បំផ្លិចបំផ្លាញព្រៃឈើតូច ធំនៅតំបន់ភូមិ សាស្ត្រដែនអភិរក្សព្រៃសហគមន៍ យកមកដុតក្នុងឡធ្យូង លេីកដាក់រថយន្តសាន់យ៉ុងកែច្នៃ ដឹកឆ្លងកាត់ស្រុកស្នួលឆ្ពោះទៅគរទុកនៅភូមិដំណាក់ចារ ក្នុងខេត្តត្បូងឃ្មុំ ហើយបន្តដឹកជញ្ជួនធ្យូងឆ្លងដែនទៅលក់ស្រុក យួនតាមច្រកទ្វារព្រំដែនអន្តរជាតិម៉ឺនជ័យ ចាប់ពីវេលាម៉ោង ១១ រហូតដល់ម៉ោង៧ ព្រឹក ដោយមានការឃុបឃិតជាប្រព័ន្ធទើបអ្វីៗ អាចប្រព្រឹត្តទៅដោយរលូន ។
មជ្ឈដ្ឋាននានាបានររិះគន់ចំៗលោក អ៊ុំ ប៉ូលក្ខណ៍ ប្រធានស្នាក់ការច្រកទ្វារព្រំដែនអន្តរ ជាតិម៉ឺនជ័យ និងលោក វ៉ាន់ ពិសិដ្ឋ នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិម៉ឺនជ័យ ព្រមទាំង ប្រធានការិយាល័យគយច្រកទ្វារព្រំដែនអន្តរជាតិម៉ឺនជ័យជាអ្នកបើកភ្លើងខៀវទើបសកម្មភាពដឹកជញ្ជូនធ្យូងឆ្លងដែនចេញទៅស្រុក យួន បានយ៉ាងរលូនសុខស្រួលបំផុត មិនខ្វល់អ្វីទាំងអស់។
ហេតុនេះហើយទើបសង្គមស៊ីវិលក៏ដូចជាប្រជាពលរដ្ឋ ក្នុងឃុំក្របៅ ស្រុកកំចាយមារ អំពាវនាវដល់ នាយឧត្ដមសេនីយ៍ សៅ សុ ខា មេបញ្ជាការរងកងយោធពលខេមរភូមិន្ទនិងជាមេបញ្ជាការកងរាជអាវុធហត្ថលើផ្ទៃប្រទេសជាប្រធានគណះកម្មការទប់ស្កាត់បង្រ្កាបបទល្មើសធនធានធម្មជាតិ ទូទាំងប្រទេស ជាពិសេសលោក សាយ សំអាល រដ្ឋមន្ត្រីក្រសួងបរិស្ថាននិងលោក ឌីត ទីណា រដ្ឋមន្ត្រីក្រសួងកសិកម្មរុក្ខាប្រម៉ាញ់និងនេសាទ ព្រមទាំងថ្នាក់ដឹកនាំក្រសួងស្ថាប័នពាក់ព័ន្ធក្នុងខេត្តព្រៃវែង មិនគួរបណ្ដោយតទៅ ទៀតនោះទេ គួរចាត់វិធានការទប់ស្កាត់បទល្មេីសរត់ពន្ធធ្យូង ឆ្លងដែនចូលទៅស្រុកយួនតាមច្រកទ្វារព្រំដែនអន្តរជាតិម៉ឺនជ័យ ផងទាន៕មានត
