ខេត្តស្ទឹងត្រែង៖តាមប្រភពពីប្រជាពលរដ្ឋរស់នៅក្នុងភូមិខ្សាច់ថ្មី ឃុំ តាឡាត់ ស្រុកសេសាន ខេត្តស្ទឹងត្រែងបានឲ្យដឹងថា ក្រុមឈ្មួញកំពុងសម្រុកដឹកជញ្ជូនឈើចេញតំបន់ព្រៃអភិរក្សវិរះជ័យយកមករក្សាទុក នៅចំណុចក្នុងព្រៃប្រហែលជាង២០០ រយម៉ែត្រគីបត្រៀមលើកដាក់ឡានយ៉ី ឌុប ចែកចាយតាមបណ្តាខេត្ត និងឆ្លងដែនទៅស្រុកយួនយ៉ាងរំភើយ ។
ប្រភពបានបន្តឲ្យដឹងថា មេឈ្មួញនិងបក្ខពួកដឹកជញ្ជូនឈើចេញពីតំបន់ព្រៃអភិរក្សវិរះជ័យ យ៉ាងពេញបន្ទុកដោយ មានការបើកដៃពីអាជ្ញាធរសមត្ថកិច្ចនិងមន្រ្តីជំនាញពាក់ព័ន្ធ មួយចំនួនដែលប្រព្រឹត្តអំពើពុករលួយ។ចំណែកលោក ស្វាយ សំអ៊ាងអភិបាលខេត្តស្ទឹងត្រែង លោក អៀង វណ្ណឌីមេបញ្ជាការកងរាជអាវុធហត្ថ ខេត្តស្ទឹង ត្រែងនិងលោក អ៊ូត សុីសុត្ថា ស្នងការដ្ឋាននគរបាលខេត្តស្ទឹងត្រែង រក្សាភាពស្ងៀមស្ងាត់ ខណៈដែលក្រុមឈ្មួញ និងបក្ខ ពួកប្រព្រឹត្តបទល្មើសព្រៃឈើយ៉ាងពេញបន្ទុក។ឈ្មួញដឹក ជញ្ជូនឈើកាត់តាមមាត់ទន្លេ សេ សានយកមកលាក់ទុកហួសប៉ុស្តិ៍នគរបាលរដ្ឋបាលតាឡាត់ប្រហែលជាងមួយពាន់ម៉ែត្រ ។
ប្រភពបានមន្ថែមឲ្យដឹងទៀតថា បើគ្មានការបើកដៃពីអាជ្ញាធរមូលដ្ឋានក្នុងស្រុក. ខេត្ត .ទេនោះគឺក្រុមឈ្មួញនិងបក្ខពួកមិនអាច ដឹកជញ្ជូនឈើចេញ តាមអំពើចិត្តបានឡើយ។ ហេតុនេះហើយទើបមានការជំរុញឲ្យលោកស្វាយ សំអ៊ាង អភិបាលខេត្ត្ទឹងត្រែងនិងលោកនាយឧត្តមសេនីយ៍ សៅ សុខា មេបញ្ជាការរងកងយោធិពលខេមរភូមិន្ទនិងជាមេបញ្ជាការកងរាជអាវុធហត្ថលើផ្ទៃប្រទេសជាប្រធានគណ:កម្មាធិការបង្រ្កាបបទល្មើសធនធានធម្មជាតិព្រៃឈើ មេត្តាពិនិត្យឡើងវិញខ្លះផងទាន មិនគួរមើលរំលងតទៅទៀតនោះទេ។
មន្រ្តីអង្គការក្រៅរដ្ឋាភិបាលដែលឃ្លាំ មើល បទល្មើសព្រៃឈើក្នុងខេត្តស្ទឹងត្រែងបានលើកឡើងថា ព្រៃតំបន់អភិរក្សវិរះជ័យ កំពុងប្រឈមនឹងសេចក្ដីវិនាស ព្រោះក្រុមឈ្មួញនិងបក្ខពួកកំពុងសម្រុកដឹកជញ្ជូនឈើយ៉ាងគំហុក។ ប្រសិនបើគ្មានការបើក ដៃពីមន្រ្តីជំនាញ និងសមត្ថកិច្ចពាក់ព័ន្ធក៏ដូចជាកម្លាំងសមត្ថកិច្ចប៉ុស្តិ៍នគរបាលរដ្ឋបាលតាឡាត់មិនអាចដឹកជញ្ជូនឈើឆ្លងដែនចេញទៅលក់ស្រុកយួនបានឡើយ៕មានត
