ព្រៃវែង៖ប្រភពពីមន្រ្តីពាក់ព័ន្ធនៅច្រកទ្វារអន្តរជាតិម៉ឺនជ័យ ឃុំក្របៅ ស្រុកកំចាយមារ ខេត្តព្រៃវែង បានឲ្យដឹងថា មួយរយៈចុង ក្រោយនេះមានមេឈ្មួញខាងការឈ្មោះស្មីសម្រុកដឹកជញ្ជូនធ្យូងចេញពីខេត្តនានា យកមកស្តុបទុកនៅភូមិដំណាក់ចាររួចដឹកចេញទៅស្រុកយួនតាមច្រកទ្វារអន្តរជាតិមើលជ័យ នៅ ពេលយប់ដោយគ្មានមន្រ្តីជំនាញ ឬសមត្ថកិច្ចណាចាត់ វិធានការទប់ស្កាត់បង្រ្កាបនោះទេចំណែកលោក រត្ន័ ចាន់ ណា មេប៉េអឹមខេត្តត្បូងឃ្មុំ មិនទាន់មានចំណាត់ការបង្ក្រាបនៅឡើយទេ។ជាពិសេស មន្រ្តីជំនាញសមត្ថកិច្ចតាមដងផ្លូវ និងសមត្ថកិច្ចនៅច្រកទ្វារអន្តរជាតិម៉ឺនជ័យ បាននាំគ្នារក្សាភាពស្ងៀមស្ងាត់ទុកអោយក្រុមឈ្មួញទាំងនោះប្រើប្រាស់រថយន្តសាំយ៉ុងកែឆ្នៃ និងរថយន្តកែច្នៃច្រើនប្រភេទទៀតដឹកជញ្ជូនធ្យូងឆ្លងដែនចេញទៅលក់នៅស្រុក យួនតាមអំពើចិត្ត ក្នុងមួយយប់ៗ រាប់សិបគ្រឿង។ ចំណែកលោក អ៊ុំ ប៉ូលក្ខណ៍ ប្រធានស្នាក់ការច្រកទ្វារព្រំដែនអន្តរជាតិម៉ឺនជ័យ និងលោក វ៉ាន់ ពិសិដ្ឋ នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិម៉ឺន ជ័យ មិនចាត់វិធានការទប់ស្កាត់បង្រ្កាបករណីក្រុមឈ្មួញ ដឹកជញ្ជូនធ្យូងឆ្លងដែន ចេញទៅលក់នៅស្រុកយួន យ៉ាងពេញបន្ទុកនោះទេ។
ប្រភពពីក្រុមឈ្មួញដឹកជញ្ជូនធ្យូងចេញទៅស្រុកយួន បានឲ្យដឹងថា ពួកគេឱ្យមេឈ្មួញឈ្មោះស្មី ជាអ្នករត់ការបង់លុយក្នុងមួយរថយន្តកែឆ្នៃសាំយ៉ុង 1លាន 20 ម៉ឺនរៀលទៅ 2 លានរៀលដើម្បីរត់ការបើកផ្លូវជាមុន សិន ទើបអាចដឹកជញ្ជូនឆ្លងដែនចេញ ទៅលក់នៅស្រុកយួន តាមច្រកទ្វារព្រំដែនអន្តរ ជាតិមុឺនជ័យ ដោយរលូនមិនប្រឈមនឹងការបង្ក្រាបហើយនៅសល់កម្រៃតិចតួចតែប៉ុណ្ណោះ ។ សកម្មភាពឈ្មួញដឹកជញ្ជូនធ្យូងចេញទៅស្រុកយួន តាមច្រកទ្វារព្រំដែនអន្តរជាតិម៉ឺនជ័យ ខាងលើចាប់ពីវេលាម៉ោង11 រហូតដល់ម៉ោង7ព្រឹក ដោយមានការឃុប ឃិតជាប្រព័ន្ធទើបអ្វីៗអាចប្រព្រឹត្តទៅដោយរលូនទៅបាន។ បើគ្មានការបើកដៃពីសំណាក់ មន្រ្តីរដ្ឋបាលព្រៃឈើ និងសមត្ថកិច្ចតាមដងផ្លូវ ក៏ដូច ជាសមត្ថកិច្ចនៅច្រកទ្វារព្រំដែននោះទេ គឺគ្មានឈ្មួញណាអាចចៀសផុតពីការបង្ក្រាបឡើយ។
ប្រភពពីមន្រ្តីនៅច្រកទ្វារព្រំដែនអន្តរ ជាតិម៉ឺនជ័យ ឃុំក្របៅ ស្រុកកំចាយមារ ខេត្តព្រៃវែង បានបន្តឲ្យដឹងទៀតថា បើគ្មានការបើកដៃពីលោក អ៊ុំ ប៉ូលក្ខណ៍ ប្រធានស្នាក់ការច្រកទ្វារព្រំដែនអន្តរជាតិម៉ឺនជ័យ និងលោក វ៉ាន់ ពិសិដ្ឋ នាយប៉ុស្តិ៍នគរបាលអន្តោ ប្រវេសន៍ច្រកទ្វារព្រំដែនអន្តរជាតិម៉ឺនជ័យ ព្រមទាំងលោកប្រធានការិយាល័យគយច្រកទ្វារព្រំដែនអន្តរជាតិម៉ឺនជ័យទេ គឺសកម្មភាព ដឹកជញ្ជូនធ្យូងឆ្លងដែនចេញទៅលក់នៅស្រុកយួន មិនអាចកើតឡើងបានឡើយ។ ដែលបញ្ហានេះលោក ជា សុមេធី អភិបាលខេត្តព្រៃវែង លោក ឈឿន ប៊ុនឆន ស្នងការ ដ្ឋាននគរបាលខេត្ត ព្រៃវែងព្រមទាំងថ្នាក់ដឹកនាំក្រសួងស្ថាប័នពាក់ព័ន្ធ មិនគួរបណ្ដែតបណ្ដោយតទៅទៀតនោះទេ គួរចាត់វិធានការទប់ស្កាត់បង្រ្កាបជាបន្ទាន់ផង។ ដោយហេតុថាមន្រ្តីជំនាញ និងសមត្ថកិច្ចនៅច្រកទ្វារព្រំដែនអន្តរជាតិម៉ឺនជ័យ គិតតែរឿងឃុប ឃិតគ្នាប្រមូលលុយតាម របៀបពុករលួយ ហើយបើកដៃឲ្យក្រុមឈ្មួញដឹកជញ្ជូនធ្យូងឆ្លងដែនទៅលក់នៅស្រុកយួន យ៉ាងគំហុក៕មានត