ខេត្តព្រៃវែង៖ ប្រភពថ្មីៗពីក្រុមអាជីវករដែលរកស៊ីដឹកជញ្ជូនទំនិញនិងបន្លែផ្លែឈើពីប្រទេសវៀតណាមតាមផ្លូវជាតិលេខ១ បានអំពាវនាវដល់ លោក ឱម យ៉ិនទៀង ប្រធានអង្គភាពប្រឆាំងអំពើពុករលួយនិងថ្នាក់ដឹកនាំ ក្រសួងស្ថាប័នពាក់ព័ន្ធដាក់ការស៊ើបអង្កេតស្រាវជ្រាវជុំវិញភាពមិនប្រក្រតីពុករលួយរបស់ លោក ខៀវ សារឿន ប្រធានគយចល័តលើផ្ទៃប្រទេសផ្លូវ ជាតិលេខ១ ដែលមានទី់ស្នាក់ការស្ថិតនៅភូមិទួលល្ពាក់ ឃុំរំចេក ស្រុកព្រះ ស្ដេច ខេត្តព្រៃវែងនិងបក្ខពួកឃុបឃិតជាមួយឈ្មួញធំៗជាថ្នូរអនុញ្ញាតឲ្យនាំចូលទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់បង្កប់តាមរថយន្តក្រុងដឹកអ្នក ដំណើរនិងរថយន្តដឹកទំនិញធំៗមួយចំនួនទៀតដឹកទំនិញចេញពីប្រទេស វៀតណាមចូលមកប្រទេសខ្មែរ ជាពិសេសដឹកទៅកាន់រាជធានីភ្នំពេញ។
ប្រភពបង្ហើបឲ្យដឹងថាលោក ខៀវ សារឿន ត្រូវបានអាជីវករនិងអ្នករកស៊ីដឹកទំនិញនិងពលរដ្ឋរស់នៅ ខេត្តព្រៃវែង រិះគន់ថាកំពុងត្រូវប៉ាន់ប្រមូលលុយដាក់ខែពីរថយន្តក្រុងលួចបង្កប់ទំនិញ គេចពន្ធ ទំនិញបង់ពន្ធមិនគ្រប់ដោយក្នុងរថយន្ត១គ្រឿងៗ ត្រូវបង់ លុយរាប់ពាន់ដុល្លារអាមេរិកក្នុង១ខែ ៗជាថ្នូរបើកភ្លើងខៀវ មិនឲ្យមន្ត្រីគយរបស់ខ្លួនត្រួតពិនិត្យនិងមិនផាកពិន័យបង់ពន្ធចូលរដ្ឋជាដើម។
ប្រភពខ្លះបានឲ្យដឹងទៀតថា សូម្បីអាជីវករលក់ម៉ូតូអត់ពន្ធ នៅតាមទីតាំងមួយចំនួននៅទីប្រជុំជនផ្សារអ្នកលឿង ស្រុកពាមរ៍ ក៏តម្រូវឲ្យពួកគេបង់លុយដាក់ខែជូនមន្ត្រីគយចល័ត លើផ្ទៃប្រទេសដឹកនាំដោយលោក ខៀវ សា រឿន ដោយក្នុង១ខែ ៗ ត្រូវបង់លុយចាប់ពី ៤០០ដុល្លារ ទៅ៦០០ដុល្លារសម្រាប់ហាង ឬទីតាំងលក់ម៉ូតូអត់ពន្ធ១ កន្លែង។
ប្រភពពីពលរដ្ឋស្រុកព្រះស្ដេច ខេត្តព្រៃវែងឲ្យដឹងថាទីស្នាក់ការគយចល័តលើផ្ទៃប្រទេសផ្លូវជាតិលេខ១ ត្រង់ចំណុច ភូមិទួលល្ពាក់ ឃុំរំចេក ស្រុកព្រះស្ដេច ខេត្តព្រៃវែង ដឹកនាំដោយលោក ខៀវ សារឿន ដើរ តាមកន្លងអតីតលោក ផែន ភឿន ។
ប្រភពពីក្រុមឈ្មួញដឹកទំនិញពីប្រទេសវៀត ណាមបានបន្តថា លោក ខៀវ សារឿន ប្រធានគយចល័តលើផ្ទៃប្រទេស ផ្លូវជាតិលេខ១ កំពុងធ្វើឲ្យឈ្មួញឬពាណិជ្ជករទាំងអ្នករកស៊ីស្របច្បាប់និងល្មើសច្បាប់មិនពេញចិត្តជាខ្លាំង ព្រោះរាល់ថ្ងៃនេះ មន្ត្រីគយចល័តផ្ទៃប្រទេសផ្លូវជាតិលេខ ១បានដាក់កុងត្រូលជជុះតាមផ្លូវជាតិនេះ និងប្រើរថយន្តសម្រាប់បើកដេញតាម ចាប់រថយន្តដឹកបន្លែផ្លែ ឈើនិងរថយន្តដឹកទំនិញផ្សេងៗទៀត ដោយ គាបឈ្មួញនិងអាជីវកររកស៊ីនាំចូលទំនិញដឹកតាមផ្លូវជាតិលេខ១ពីប្រទេសវៀតណាម គាបឲ្យបង់លុយចច្រើនៗទៅឲ្យក្រុមខ្លួនជាប្រចាំថ្ងៃ និងដាក់ប្រចាំខែ តាមការ កំណត់ ប៉ុន្តែមិនមានចេញលិខិតស្នាមឬវិក្កយបត្រជូនពួកគាត់នោះទេ។
ប្រភពពីក្រុមឈ្មួញដដែលបានបន្ថែមទៀត ថាលោក ខៀវ សារឿន ប្រធានគយចល័ត លើផ្ទៃប្រទេស ផ្លូវជាតិលេខ១ស្រុកព្រះស្ដេចខេត្តព្រៃវែង ចំណាយដើមទុនសន្ធឹកសន្ធាប់ទើបបានតំណែងមួយនេះបានបញ្ជាឲ្យមន្ត្រីជំនាញក្រោមឱវាទខ្លួន ចុះគាបលុយពីរបររកស៊ីដឹកទំនិញបន្លែផ្លែឈើ ដឹកតាមរុឺម៉កម៉ូតូ និងទំនិញផ្សេងៗនាំចូលតាមច្រកទ្វារមួយចំនួននៅ ខេត្តស្វាយរៀង និងខេត្តព្រៃវែងស្រងដើម គឺការផាកពិន័យពីពួកគេ ដោយមន្ត្រីគយចល័តលើផ្ទៃប្រទេសទាំងនោះ មិនបានចេញ វិក្កយបត្រអោយនោះទេ។
ប្រភពពីអាជីវករតូចតាចបបានឲ្យដឹងថា សម្រាប់រ៉ឺម៉កដឹកទំនិញសំពីងសំពោងចេញ ពីប្រទេសវៀតណាម ឆ្លងកាត់ខាងមុខ ទីស្នាក់ការគយចល័តលើផ្ទៃប្រទេសផ្លូវជាតិលេខ១ ក៏ត្រូវក្រុមលោក ខៀវ សារឿន តម្រូវឲ្យបង់លុយឲ្យមន្ត្រីខ្លួនចំនួន១៥០,០០០រៀល ក្នុងរ៉ឺម៉ក១គ្រឿងរីឯរ៉ឺម៉កម៉ូតូដឹកបន្លែវិញ គឺត្រូវលោកគយចល័តលើផ្ទៃប្រទេសតម្រូវឲ្យបង់លុយជូនចាប់ពី ៣ ទៅ ៥ម៉ឺនរៀល ក្នុងការដឹក១ជើងៗនិងសម្រាប់រថយន្តសាំយ៉ុងដឹកបន្លែផ្លែឈើវិញ គឺត្រូវបង់ចាប់ពី ៨ទៅ១៥ម៉ឺនរៀល ក្នុង១គ្រឿងៗ។
ប្រភពបានបន្ថែមឲ្យដឹងទៀតថា ចំណែកលោក មួង ដារ៉ា ប្រធានសាខាគយនិងរដ្ឋាករខេត្តព្រៃវែងប្រព្រឹត្តរបៀបពុករលួយមិនចាញ់គ្នាប៉ុន្មានដែរទេ ដែលមានទីតាំងស្ថិតក្នុងភូមិព្រៃខ្លា ឃុំកំពង់សឹង្ហ ស្រុកព្រះស្ដេច ខេត្តព្រៃវែង ក៍ត្រូវមហាជនរិះគន់យ៉ាងចាស់ដៃណាស់ដែរដោយលោកប្រើមន្រ្តីគយឬក៍សន្តិសុខយាមខាងមុខចាំយកលុយពីឡានដឹកទំនិញឆ្លងកាត់ខាងមុខស្នាក់ការចូលបង់ លុយដោយគ្មានចេចេញវិកយ័បត្រ័ផងដែរ។ដូច្នេះលោក មួង ដារ៉ា មេសាខាគយនិងរដ្ឋាករ ខេត្តព្រៃវែង មិនគួរបណ្ដែតបណ្តោយឲ្យឈ្មួញដឹកទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់បង្កប់តាមរថយន្តតូច.ធំ. រថយន្តក្រុងនិងទំនិញផ្សេងៗជាច្រើនប្រភេទទៀតតាមអំពើចិត្តគេមិនដែលឃើញលោកគយត្រួតពិនិត្យឆែកឆេរ លើមុខទំនិញណាឡើយ។គេសង្កេតឃើញតែលោកគយឬអ្នកយាមអង្គុយចាំយកលុយពីព្រូនិងតៃកុងឡានចុះដើរចូលទៅបង់លុយអោយត្រឹមតែតូបយាមប៉ុណ្ណោះគ្មានវិក្កយ បត្រអ្វីទាំងអស់។
ករណីខាងលើនេះប្រជាពលរដ្ឋស្រុកព្រះ ស្ដេចខេត្តព្រៃវែងសូមអំពាវនាវដល់លោក ឱម យ៉ិនទៀង ប្រធានអង្គភាពប្រឆាំងអំពើ ពុករលួយដាក់ការសេុីបអង្កេតអោយសុីជម្រៅលោក មួង ដារ៉ា មេសាខាគយខេត្តព្រៃវែងនិងលោក ខៀវ សារឿន ប្រធានគយចល័តលើផ្ទៃប្រទេសនោះផង។
ពពាក់ព័ន្ធព័ត៌មានខាងលើគេហទំព័រ (www. enn- tv. com)យើងខ្ញុំរងចាំនូវពន្យល់បកស្រាយពីលោក មួង ដារ៉ា មេសា ខាគយនិងរដ្ឋាករខេត្តព្រៃវែងនិងលោក ខៀវ សារឿន ប្រធានគយចល័តលើផ្ទៃប្រទេសផ្លូវជាតិលេខ១ រាល់ម៉ោងធ្វើការ៕មានត
