ភ្នំពេញ ៖ ទីតាំងល្បែងស៊ីសងខុសច្បាប់ គ្រប់ប្រភេទតាមប្រព័ន្ធអនឡាញ មួយកន្លែង នៅតាមបណ្តោយផ្លូវលេខ៤៧ ៤ ស្ថិតនៅក្នុងសង្កាត់បឹងត្របែក ខណ្ឌចំការមន រាជ ធានីភ្នំពេញ សំបូរទៅដោយល្បែងចាប់ផ្ដើមដំណើរការអោយ ក្រុមអ្នកញៀនល្បែងចូលលេងយ៉ាងអនាធិបតេយ្យ ចំណែកឯអាជ្ញាធរនិងសមត្ថកិច្ចក្នុងមូលដ្ឋាន មិនហ៊ានបង្រ្កាបនោះទេ ព្រោះខ្លាចប៉ះពាល់ផលប្រយោជន៍! ។
ប្រភពពីប្រជាពលរដ្ឋបានអោយដឹងថាទីតាំងល្បែងស៊ីសងខុសច្បាប់ខាងលើពីមុនបានផ្អាកមួយរយ:ពេលខ្លី ប៉ុន្តែមកបច្ចុប្បន្ននេះសង្កេតឃើញថាកំពុង តែដំណើរការល្បែងឡើងវិញ ២៤ម៉ោងលើ២៤ម៉ោងប្រហែល ម្ចាស់ទីតាំងល្បែងនេះ ត្រូវដងត្រូវផ្លែជាប្រព័ន្ធជាមួយ អាជ្ញាធរនិងសមត្ថកិច្ចពាក់ ព័ន្ឋក្នុងមូលដ្ឋាន មួយចំនួននៅក្នុង ខណ្ឌចំការមន រួចរាល់អស់ ហើយ ទើបបានហ៊ានបើកអោយក្រុមអ្នកញៀនល្បែងទាំងនោះនាំគ្នាចេញចូលលេងដោយសេរីហាក់ដូចមិនខ្លាច ញញើតពីច្បាប់ទាល់តែសោះ ។
ប្រជាពលរដ្ឋរស់នៅក្នុងមូលដ្ឋានរាល់ថ្ងៃមានការព្រួយបារម្ភភ័យខ្លាចបញ្ហាអសន្តិសុខសង្គមនិងអំពើចោរកម្មចោរ លួច ចោរឆក់. ចោរប្លន់. ចោរ គាស់ផ្ទះប្រើអំពើហិង្សាគ្រួសារដើមចមកើតចេញពីល្បែងសុីសងខុសច្បាប់នេះឯង។
គួររំលឹកដែរថា កាលនៅថ្ងៃទី ១៧ ខែកញ្ញា ឆ្នាំ២០២២.នេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណា ចក្រកម្ពុជា បានដាក់បទបញ្ជាអោយ អភិបាលរាជធានី .ខេត្តទាំង.២៥.ខេត្ត.ក្រុង.ត្រូវ បង្រ្កាប ល្បែង សុីសងខុស ច្បាប់គ្រប់ប្រភេទ ទូទាំងប្រទេស បើសិន អាជ្ញាធរនិងសមត្ថកិច្ចក្នុងមូលដ្ឋាន ស្រុក. ក្រុង.ខេត្ត.ណាមិនបង្រ្កាប ល្បែងស៊ីសងខុសច្បាប់ នៅ ក្នុងមូលដ្ឋានរបស់ខ្លួនទេ? អាជ្ញាធរនិងសមត្ថកិច្ចមូលដ្ឋាននោះប្រឈម និងបាត់បង់ពីតំណែងផងដែរ ។
ដោយឡែកទីតាំងល្បែងស៊ីសងខុសច្បាប់នៅផ្លូវលេខ ៤៧៤ សង្កាត់បឹងត្របែក ខណ្ឌ ចំការមននៅ តែដំណើរការបើកអោយក្រុមអ្នកញៀនល្បែងចូលលេងយ៉ាងអនាធិប តេយ្យ រាល់ថ្ងៃ អាជ្ញាធរនិងសមត្ថកិច្ចក្នុងមូលដ្ឋាន មិនព្រមធ្វើការបង្រ្កាបនោះទេ ហ៊ានផ្គើននឹងបទបញ្ជារបស់សម្តេចតេជោ ហ៊ុន សែន ទៀតផង.!
ដូច្នេះប្រជាពលរដ្ឋរស់នៅក្នុងមូលដ្ឋានក្បែរទីតាំងល្បែងខាងលើ សូមអំពាវនាវទៅដល់ លោក ឃួង ស្រេង អភិបាលរាជធានីភ្នំពេញ និងលោក ស ថេត ស្នងការនគរបាលរាជ ធានីភ្នំពេញសូមមេត្តាចាត់កម្លាំងក្រោមឱវាទ ចុះត្រួតពិនិត្យ និងបង្រ្កាបល្បែងសុីសងខុសច្បាប់គ្រប់ប្រភេទ តាមប្រព័ន្ធអនឡាញ ដែលមានទីតាំងបណ្តោយផ្លូវលេខ៤៧៤ សង្កាត់ បឹងត្របែក ខណ្ឌចំការមន រាជធានីភ្នំពេញអោយមានប្រសិទ្ធភាព ស្របតាមគោលនយោបាយភូមិ ឃុំ សង្កាត់ មានសុវត្ថិភាព៧ ចំណុចដែលរាជរដ្ឋាភិបាលដាក់ចេញអោយអនុវត្តន៍ផងទាន៕មានត