ខេត្តកណ្តាល៖ ការអនុវត្តអភិក្រមទី៥នេះ ដែលជាអភិក្រម “វះកាត់” គឺកម្ចាត់ និង បោសសំអាតអំពើពុក រលួយត្រូវបាន សម្តេចតេជោ នាយករដ្ឋមន្ត្រី ហ៊ុន សែន បានប្រកាសជារឿយៗក្រោយរាជរដ្ឋាភិបាលនីតិកាលទី៦ ត្រូវបានបង្កើតឡើង។ ប៉ុន្តែមន្ត្រីគ្រាប់ល្ពៅមួយចំនួន មិនយកត្រចៀកស្តាប់និងកែ ខ្លួនទាល់ តែសោះ នៅតែបន្តទម្លាប់អាក្រក់ព្រោះ ផលប្រយោជន៍ តាមរយ:ការប្រព្រឹត្តអំពើពុករលួយ យ៉ាងចាក់ស្រេះមិនចេះ ស្កប់ស្កល់នោះឡើយ។
បើតាមសេចក្តីរាយការណ៍បានឲ្យដឹងថា ក្រោយពីលោក អន ស៊ីនួន ទទួលបានតំណែងជាប្រធានសាខាគយនិងរដ្ឋាករ ខេត្តកណ្ដាលគឺលោក អន ស៊ី នួន កំពុងអនុវត្តន៍សេដ្ឋកិច្ចហោប៉ៅខ្លួនដើរតាមគន្លងចាស់របស់លោក វ៉ូ វណ្ណា អតីត ប្រធានសាខាគយខេត្តកណ្ដាលដើម្បីប្រមូលលុយយ៉ាងសុខស្រួល ពីក្រុមឈ្មួញដឹកជញ្ជូនទំនិញឆ្លងកាត់ផ្លូវ ជាតិលេខ១ ផ្លូវជាតិលេខ២ ផ្លូវជាតិលេខ៣ ផ្លូវជាតិលេខ៤ ផ្លូវជាតិលេខ៥ ផ្លូវជាតិ៦និងផ្លូវជាតិផ្សេងៗទៀត ចូលមករាជធានីភ្នំពេញ គឺជាប្រភពចំណូលរបស់ លោក អន ស៊ីនួន តែម្តង។ ជាក់ស្តែងប្រធានសាខាគយខេត្តកណ្តាលគឺលោក អន ស៊ីនួន មិនដែលចាត់វិធាន ការបង្ក្រាបក្រុមឈ្មួញដឹកជញ្ជូនទំនិញគេចពន្ធ ទំនិញបង់ពន្ធមិនគ្រប់ ឬទំនិញខុសច្បាប់នោះទេ? គេឃើញមានតែការសម្របសម្រួលឲ្យឈ្មួញទាំង នោះដឹកទំនិញទៅដល់គោល ដៅប្រកប ដោយសុវត្ថិភាព ដូចជានៅច្រកជ្រៃធំ ក្នុងស្រុកកោះធំ ខេត្តកណ្តាលនិងច្រកផ្សេងៗទៀត ក្រុមឈ្មួញអាចនាំចូលទំនិញគេចពន្ធ និងទំនិញបង់ពន្ធមិនគ្រប់យ៉ាងរលូនដូចកាលជំនាន់លោក វ៉ូ វណ្ណា នៅធ្វើជាមេសាខា គយខេត្តកណ្ដាលយ៉ាងដូច្នោះផងដែរ។
ប្រភពពីមន្ត្រីគយក្នុងខេត្តកណ្ដាលបានឲ្យដឹងថា ក្រុមឈ្មួញធំៗ ដែលដឹកជញ្ជូនទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ឆ្លង កាត់ផ្លូវជាតិនានាចូលទៅ រាជធានីភ្នំពេញ គឺសុទ្ធតែមានទំនាក់ទំនង ជិតស្និទ្ធជាមួយលោក អន ស៊ីនួន ដើម្បីសម្រួ លដល់អាជីវករបស់ពួកគេ។ជាងនេះទៅ ទៀតលោក អន ស៊ីនួន បានបើកដៃឲ្យក្រុម មន្ត្រីគយចល័តក្នុងខេត្តកណ្ដាល គៀបយកលុយពីក្រុម ឈ្មួញនិងក្រុមអាជីករដឹកជញ្ជូនទំនិញឆ្លងកាត់ផ្លូវ ជាតិជាច្រើន ខ្សែក្នុងខេត្តកណ្ដាលស្រេចតែអំពើចិត្ត បើទោះបីឈ្មួញខ្លះដឹក ជញ្ជូនទំនិញបង់ពន្ធត្រឹម ត្រូវនៅច្រកព្រំដែនរួចហើយក៏ដោយ។
ប្រភពពីមន្ត្រីដដែលបន្តថា លោក អន ស៊ី នួន មិនចាត់វិធានការបង្ក្រាបក្រុមឈ្មួញដឹកជញ្ជូនទំនិញ គេចពន្ធ និងទំនិញបង់ពន្ធ មិនគ្រប់ឆ្លងកាត់ខេត្តកណ្តាល នោះទេ។ ផ្ទុយទៅវិញលោក អន ស៊ីនួន ទំនងជាចំណាយដើមទុនយ៉ាង ច្រើនក្នុងការទទួលបានតំ ណែងជាប្រធានសាខាគយខេត្តកណ្តាលទើបខំប្រឹងស្រង់ដើមប្រមូលលុយតាមរបៀបពុករលួយដោយគ្មានញញើតអ្វីទាំងអស់។
ប្រភពខ្លះបានបង្ហើបឲ្យដឹងទៀតថា លោក អន ស៊ីនួន កំពុងត្រូវប៉ាន់ នឹងការប្រមូល លុយបង់ខែពីមេឈ្មួញ សុខ ថៃ ដឹកជញ្ជូនទំនិញគេចពន្ធនិងទំនិញបង់ពន្ធមិនគ្រប់ពីប្រទេសវៀតណាម តាមច្រកទ្វេរភាគីបាក់ដៃ ស្រុកអង្គរបុរី ខេត្តតាកែវ និងដឹកជញ្ជូន ទំនិញចូល តាមច្រកទ្វារអន្តរជាតិជ្រៃធំ ស្រុកកោះធំ ខេត្តកណ្ដាល មកស្តុកទុកក្នុងឃ្លាំង នៅក្រុងតាខ្មៅ យ៉ាងរលូនដែលគេដាក់ការ សង្ស័យថា ប្រសិនបើគ្មានការឃុបឃិត ជាប្រព័ន្ធទេនោះ គឺមេឈ្មួញ សុខ ថៃ មិនអាចដឹកជញ្ជូនទំនិញ គេចពន្ធពីប្រទេស វៀត ណាមចូលមកស្តុកទុកក្នុងឃ្លាំងជាច្រើនកន្លែងនៅក្រុងតាខ្មៅ ខេត្តកណ្ដាល ស្រេច តែអំពើចិត្ត របស់ខ្លួនបានឡើយ។
បើតាមប្រភពបង្ហើបពីមន្ដ្រីគយកូចតាចមួយចំនួននៅក្នុងខេត្តកណ្ដាលនិងក្រុមឈ្មួញមួយចំនួនបានឲ្យដឹងថា រាល់ទំនិញគេចពន្ធគឺមេឈ្មួញ សុខ ថៃ ទទួលដឹកតែទំនិញដែលឆ្លងដែនចូលដីខ្មែររួចហើយ ចំណែកទំនិញនៅក្នុងទទឹកដីវៀតណាមវិញមានជនជាតិវៀត ណាមម្នាក់ឈ្មោះ យ៉ាំង ជាអ្នករត់ការចាត់ចែង ហើយឈ្មួញដែលស្និទ្ធនឹង មេឈ្មួញ សុខ ថៃ បានឲ្យដដឹងទៀតថា មន្ត្រីគយធំៗក្នុងខេត្តតាកែវ និងប្រធានសាខា គយខេត្តកណ្ដាលលោក អន ស៊ីនួន គឺសម្ងំស្ងៀមស្ងាត់ចាំ តែទទួល ផលប្រយោជន៍ ពីមេឈ្មួញ សុខ ថៃ យ៉ាងសុខស្រួលហើយ បណ្ដោ យឲ្យមេឈ្មួញ សុខ ថៃ ធ្វើអ្វីៗតាមអំពើចិត្តបានក៏ ដោយសារលោក អន សុីនួន មានខ្នងបង្អែករឹងមាំ នៅក្នុងអគ្គនាយកដ្ឋានគយនិងរដ្ធាករកម្ពុជា ទើបមិនញញើតក្នុងការប្រព្រឹត្តអំពើពុករលួយហើយកំពុងធ្វើអ្វីៗស្រេច តែចិត្តរបស់ខ្លួនដោយភាពរលូនបំផុត ។
ប្រភពពីមន្ត្រីអាជ្ញាធរនិងសមត្ថកិច្ចមូលដ្ឋានក្នុងក្រុងតាខ្មៅ បានឲ្យដឹងថា លោក អន សុីនួន មិនដែលមានការទប់ ស្កាត់ទំនិញបានម្តងណាឡើយដែលមេឈ្មួញ សុខ ថៃ នាំចូលទំនិញពីប្រទេសវៀតណាមត្រូវបានដឹកជញ្ជូនមកស្តុកទុកនៅ២ទីតាំងផ្សេងគ្នា គឺមួយកន្លែងនៅផ្ទះលេខ០៤៨ ផ្លូវលេខ២១ សង្កាត់តាខ្មៅក្រុងតាខ្មៅ និងរាជធានីភ្នំពេញ ហើយឃ្លាំងមួយកន្លែងទៀតនៅតាមផ្លូវលេខ២១បេ ភូមិព្រែកសំរោង សង្កាត់តាខ្មៅ ក្រុងតាខ្មៅ គឺសុទ្ធតែជាឃ្លាំងដែលលោក អន ស៊ីនួន ឃុបឃិតជា មួយមេឈ្មួញ សុខ ថៃ ទើបមេឈ្មួញរូបនេះតែងដឹកជញ្ជូនទំនិញ គេចពន្ធពីព្រំដែនខ្មែរ-វៀតណាម នៅច្រកបាក់ដៃ ស្រុកអង្គរបុរី ខេត្តតាកែវ និងច្រកទ្វាររអន្តរជាតិជ្រៃធំ ស្រុកកោះធំ ខេត្តកណ្ដាល ព្រោះតែមានការប្រព្រឹត្តអំពើពុករលួយជាប្រព័ន្ធពីមន្ត្រីគយយ៉ាងសុខស្រួលដោយគ្មានការរំខានសមត្ថកិច្ចពាក់ព័ន្ធណាឡើយ។ពាក់ព័ន្ធបញ្ហាខាងលើនេះ ក៏មានការអំពាវនាវដល់លោកបណ្ឌិតសភាចារ្យ អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ក៏ដូច ជា លោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជានិងជាពិសេសលោក ឱម យិនទៀង ប្រធានអង្គភាពប្រឆាំងអំពើពុករលួយមិនគួរបណ្ដែតបណ្ដោយឲ្យលោក អន ស៊ីនួន ប្រធានសាខា គយខេត្តកណ្ដាល ធ្វើអ្វីៗតាមអំពើចិត្តតទៅ ទៀតនោះទេ។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក អន សុីនួន ប្រធានសាខា គយនិងរដ្ឋាករខេត្តកណ្ដាល និងមន្រ្តីជំនាញស្ថាប័នពាក់ព័ន្ធ រាល់ម៉ោងធ្វើការ៕មានត