ខេត្តត្បូងឃ្មុំ ៖ យោងតាមប្រភពសេចក្តីរាយការណ៍ពីប្រជាពលរដ្ឋរស់នៅក្នុងស្រុកពញា ក្រែក ខេត្តត្បូងឃ្មុំ បានបង្ហើបអោយដឹងថា បុគ្គលដែលហ៊ានបើកល្បែងជល់មាន់ បៀ អាប៉ោង យូគី ហ្គេមបាញ់ត្រីនិងល្បែងច្រើនប្រភេទតាមប្រពន្ធ័អនឡាញយ៉ាងពេញ ទំហឹងនោះប្រហែល ជាមានខ្នងបង្អែករឹងមាំ នៅពីក្រោយនិងមានឥទ្ធិពលខ្លាំងទើបអាចធ្វើអ្វីៗបានតាមអំពើចិត្តនៅក្នុងកាស៊ីណូយី ហោចក្រក្រវាឡជាយដែននេះបាន។
បើទោះបីរាជរដ្ឋាភិបាលបានប្រកាសនាពេលថ្មីៗ អោយបិទល្បែងសុីសងអនឡាញគ្រប់ប្រភេទទូទាំងប្រទេសត្រូវតែបិទមិនអនុញ្ញាតនោះទេ។ ប៉ុន្តែបែរជាម្ចាស់ កាស៊ីណូយីហោចក្រក្រវាឡជាយដែនថ្លេីមធំហ៊ានបេីកអោយពលរដ្ឋខ្មែរនិងជនអន្តោប្រវេសន៍ ចូលលេងភ្នាល់ដាក់លុយចាញ់ឈ្នះរាប់លាន រាប់ពាន់ដុល្លារ សុីសងខុសច្បាប់ដោយសេរី មិនខ្លាចញញើតបទបញ្ជាសម្ដេចតេជោ ហ៊ុន សែន នោះទេ។ ដោយឡែកសមត្ថកិច្ចពាក់ព័ន្ធក្នុងខេត្តត្បូងឃ្មុំ ហាក់ធ្វើមិនដឹងមិនឮមិនអើពើក្នុងការបង្រ្កាបអ្វីទាំងអស់ គេសង្ស័យថាបានទទួលលាភសក្ការ:ពីរម្ចាស់បនល្បែងនេះជាថ្នូរមិនបង្រ្កាប។
ហេតុនេះទើបមានការអំពាវនាវដល់លោកនាយឧត្តមសេនីយ៍សន្តិបណ្ឌិតនេត សាវឿន អគ្គស្នងការនគរបាលជាតិនិងលោក សន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃនិងជាប្រធានគណ:កម្មការទប់ ស្កាត់និងបង្រ្កាបបទល្មើសល្បែងស៊ីសងទូទាំងប្រទេស គួរដាក់មន្រ្តីក្រោមឱវាទក្នុងខេត្តត្បូងឃ្មុំចុះពិនិត្យទប់ស្កាត់និងបង្រ្កាប ម្ចាស់ទីតាំងកាសុីណូយីហោចក្រក្រវាឡជាយដែនដែលបើកអោយពលរដ្ឋខ្មែរចូលលេងល្បែងសុីសងផ្ទុយពីច្បាប់អនុញ្ញាត។
ប្រភពពីពលរដ្ឋដដែលបានបង្ហើបអោយដឹងទៀតថា បុគ្គលម្នាក់នេះ ប្រហែលមានខ្នងបង្អែករឹងមាំនៅពីក្រោយ ទេីបហ៊ានបេីកអោយពលរដ្ឋខ្មែរចូលលេងល្បែងសុីសងក្នុងកាសុីណូយីហោចក្រក្រវាឡជាយដែន រាល់ថ្ងៃសុក្រ សៅរ៍ អាទិត្យយ៉ាងពពាក់ពពូនប្រភពខ្លះបន្តថា កាស៊ីណូមួយកន្លែងខាងលើមិនមានច្បាប់អនុញ្ញាតនោះទេ ? ចំណែកលោកអធិការដ្ឋាននគរបាលស្រុកពញាក្រែកមិនចាត់វិធានការបង្រ្កាបទេ សម្ងំទទួលផលប្រយោជន៍ជាថ្នូរ ។
ចំណែកអាជ្ញាធរនិងសមត្ថកិច្ចពាក់ព័ន្ធនៅក្នុងស្រុកពញាក្រែកខេត្តត្ចូងឃ្មុំបាននាំគ្នារក្សាភាពសស្ងៀមស្ងាត់បណ្តោយអោយបុគ្គលម្នាក់នោះធ្វើអ្វីៗតាមអំពើចិត្ត ។ដែលជាហេតុធ្វើ អោយប្រជាពលរដ្ឋរស់នៅស្រុកពញាក្រែកមានការព្រួយ បារម្ភភ័យខ្លាចចំពោះបញ្ហាអសន្តិសុខសង្គមនិងអំពើចោរ កម្មចោរលួច.ចោរឆក់.ចោរប្លន់.ចោរគាស់ផ្ទះនិងប្រើអំពើហិង្សាគ្រួសារគ្រឿងញៀនកើត មានគួរអោយកត់សម្គាល់ដើម ចមចេញពីល្បែងសុីសងនេះ ឯង។
ប្រជាពលរដ្ឋរស់នៅក្នុងមូលដ្ឋានខាងលើសូមអំពាវនាវដល់ថ្នាក់ដឹកនាំក្រសួងមហាផ្ទៃជាពិសេសលោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃនិងជាប្រធានគណៈកម្មការប្រយុទ្ធប្រឆាំងបង្រ្កាបបទល្មើសល្បែងសុីសងគ្រប់ប្រភេទទូទាំងប្រទេសព្រមទាំងលោក ជាម ច័ន្ទសោភ័ណ្ឌ អភិបាលខេត្តត្បូងឃ្មុំ និងលោក ម៉ុន មាគ៌ា ស្នងការដ្ឋាននគរបាលខេត្តត្បូងឃ្មុំ មេត្តាចាត់មន្ត្រីក្រោមឱវាទចុះត្រួតពិនិត្យកាស៊ីណូយីហោចក្រក្រវាឡជាយដែននិងទប់ស្កាត់ទង្វើរ មិនប្រក្រតី របស់បុគ្គលម្នាក់នេះដែលហ៊ានបើកអោយប្រជាពលរដ្ឋខ្មែរចូលលេងល្បែងសុីសងជល់មាន់បៀអាប៉ោងយូគីហ្គេមបាញ់ត្រីនិងល្បែងច្រើនប្រភេទទៀតផ្គើននិងបទបញ្ជារប្រមុខរាជរដ្ឋាភិបាល៕មានត