ខេត្តព្រៃវែង ៖ តាមប្រភពសេចក្តីរាយការណ៍ ពីភូមិព្រៃស្វាយមកថា មានឈ្មោះ រិទ្ធ និងឈ្មោះ ពន្ធ បុគ្គលទាំងពីរនាក់ជាម្ចាស់សង្វៀនបនល្បែងសុីសងជល់មាន់ និងអាប៉ោងខុសច្បាប់ ដែលស្ថិតនៅភូមិព្រៃស្វាយ ឃុំចុងអំពិល ស្រុកកញ្រ្ចៀច ខេត្តព្រៃវែង កំពុងដំណើរការបើកលេងភ្នាល់ដាក់លុយចាញ់ឈ្នះរាប់លានរៀល ក្នុងមួយថ្ងៃៗយ៉ាងគគ្រឹក គគ្រេងអនាធិបតេយ្យ ប៉ុន្តែអាជ្ញាធរនិងសមត្ថកិច្ចក្នុងមូលដ្ឋាន បាននាំគ្នារក្សាភាពស្ងៀមស្ងាត់ មិនអើពើបង្ក្រាបហ៊ានផ្គើននិងបទបញ្ជាសម្តេចតេជោ ហ៊ុន សែន ។
ប្រភពដដែលបន្តទៀតថា ទីតាំងបនល្បែង សុីសងជល់ មាន់ និងអាប៉ោងខុសច្បាប់ មួយកន្លែងនេះកំពុងបើកលេងយ៉ាងរលូន នៅក្នុងមូលដ្ឋានខាងលើ រីឯលោក សឿង សុជាតិ អភិបាលស្រុកកញ្ជៀច និងលោក វរ:សេនីយ៍ឯក សៅ ចាន់ថា អធិការនគរ បាលស្រុកកញ្រ្ចៀច រវាល់ពីការងារហើយមើលទៅ ? ទើបមិនចាត់វិធាន ការទប់ស្កាត់ បង្ក្រាប!ទីតាំងសង្វៀនបនល្បែងមួយនេះអោយស្របតាមគោលនយោ បាយ ភូមិ ឃុំ មានសុវត្ថិភាព ៧ចំណុចរបស់រដ្ឋាភិបាល ដែលបានដាក់ចេញដោយក្រសួងមហាផ្ទៃ។
ករណីល្បែងសុីសងខាងលើនេះពលរដ្នរស់ នៅក្នុង ភូមិព្រៃស្វាយ ឃុំចុងអំពិល ស្រុក កញ្រ្ចៀច បានលើកឡើងថា ជាបញ្ហាដែលធ្វើឲ្យពួកគាត់មានការព្រួយបារម្ភ អំពីសុវត្ថិភាពគ្រួសារ ខ្លាចកើតមានបញ្ហាអសន្តិសុខ នៅក្នុងមូលដ្ឋានពួកគាត់ កើតមាននូវអំពើចោរ កម្ម និងបទល្មើសផ្សេងៗដូចជា៖ ចោរលួច ចោរឆក់ ចោរប្លន់ ចោរគាស់ផ្ទះនិងអំពើហិង្សាដើមចមចេញពីល្បែងសុីសងនេះឯង។
ប្រជាពលរដ្ឋរស់នៅមូលដ្ឋានសូមអំពាវនាវដល់លោក ជា សុមេធី អភិបាលខេត្តព្រៃវែង ជាពិសេស ឧត្តមសេនីយ៍ទោ ឈឿន ប៊ុន ឆន ស្នងការនគរបាលខេត្តព្រៃវែង ទើបឡើងកាន់តំណែងថ្មីៗ សូមមានវិធានការទប់ស្កាត់ និងបង្ក្រាប!ទីតាំងដង្វៀនបនល្បែងស៊ីសង ជល់មាន់ និងអាប៉ោងខុសច្បាប់ ដែលមានឈ្មោះរិទ្ធនិងឈ្មោះពន្ធ មួយកន្លែងនេះកំពុង បើកលេងគគ្រឹក គគ្រេងនៅក្នុងភូមិ សាស្ត្រខាងលើនេះផង។
គួររំលឹកថា កាលនៅថ្ងៃទី១៧ ខែកញ្ញា ឆ្នាំ ២០២២ បានកន្លងផុតទៅថ្មីៗនេះ សម្តេចតេជោ ហ៊ុនសែន បានដាក់បទបញ្ជាឲ្យគណៈអភិបាលរាជធានី ទាំង២៥ ខេត្ត ក្រុង ដែលតម្រូវឲ្យបង្រ្កាបទីតាំងបន ល្បែងស៊ីសងខុសច្បាប់គ្រប់ប្រភេទ នូវទូទាំងប្រទេស ដោយគ្មានការលើកលែង។
សម្តេចតេជោ ហ៊ុន សែន បានបញ្ជាក់យ៉ាងដាច់ណាត់ទៀតថា បើអាជ្ញាធរនិងសមត្ថកិច្ចក្នុងមូលដ្ឋាន ស្រុក ក្រុង ខេត្ត ណាមិនហ៊ានក្នុងការទប់ស្កាត់ និងបង្ក្រាបទីតាំងល្បែងស៊ី សងខុសច្បាប់ នៅក្នុងមូលដ្ឋានរបស់ខ្លួនគ្រប់គ្រងនោះទេ ?អាជ្ញាធរនិងសមត្ថកិច្ចទាំងនោះនិងមានបញ្ហាប្រឈមនិងបាត់ បង់ពីតំណែងទៀតផង៕មាន