ព្រះវិហារ៖ប្រភពពីប្រជាពលរដ្ឋ រស់នៅភូមិបង្កន ឃុំរៀបរយ បានបង្ហើបអោយដឹងថា ឈ្មួញធំៗ កំពុងបង្កើនពលរដ្ឋកាប់បំផ្លិចបំផ្លាញឈើនៅព្រៃអភិរក្សតំបន់ព្រៃឡង់សារជាថ្មីទៀតហេីយ។កន្លងទៅក្រុមហ៊ុន PNT ត្រូវបានបណ្ដាញព័ត៌មានក្នុងស្រុកចុះផ្សាយ ជាបន្តបន្ទាប់ រួចបានផ្អាកមួយរយៈ បច្ចុប្បន្ននេះ សម្រុកកាប់ដឹកជញ្ជូនឈើយកទៅលក់ តាមបណ្តាខេត្តនានា ទាំងយប់ទាំងថ្ងៃមិនរំខានដល់សមត្ថកិច្ចមន្ត្រីជំនាញពាក់ព័ន្ធ ឡើយ។
សូម្បីតែលោក គីម រិទ្ធី អភិបាលខេត្តព្រះ វិហារនិងលោក កង សៅ គុណ មេបញ្ជាការ កងរាជអាវុធហត្ថខេត្តព្រះហារ ព្រមទាំងលោក សួស សុខដារ៉ា ស្នងការដ្ឋាននគរ បាលខេត្តព្រះវិហារ មិនហ៊ានប៉ះពាល់ក្រុមឈ្មួញនោះទេ បច្ចុប្បន្នពួកឈ្មួញកាប់បំផ្លាញព្រៃសហគមន៏ព្រៃឡង់ ជិតរលាយអស់ហេីយ ។
មហាជនក៏ដូចប្រជាពលរដ្ឋបានរិះគន់ចំៗថា បើក្រុមហ៊ុន PNTហៅ៩៧ ប្រហែលជាមានខ្នងបង្អែករឹងមាំនៅស្នងការដ្ឋាននគរបាលខេត្តព្រះ វិហារ ឬត្រូវរ៉ូវ ជាមួយស្ថាប័នមន្ត្រីជំនាញពាក់ព័ន្ធ ជាអ្នកបេីកភ្លេីងខៀវ ទេីបមេការហ៊ានគ្រៀងគរពលរដ្ឋខ្មែរ ឲ្យចូលព្រៃចាប់ឈើយ៉ាងរង្គាល គ្មានវិធានការទប់ស្កាត់និងបង្រ្កាបពីសំណាក់ លោក នួន សុខុម មេព្រៃខេត្តព្រះហារ ទល់តែសោះ។លើសពីនេះទៅទៀតសកម្មភាព ក្រុមឈ្មួញដែលមកសុីស្នួលឲ្យក្រុមហ៊ុន PNT ចូលកាប់ឈើ នាពេលថ្មីៗនេះ បន្ទាប់មកប្រមូលឈើដឹកជញ្ជានតាមគោយន្តកន្ត្រៃយ៍ ជាច្រើនគ្រឿងរួចហើយ បន្តលើក ដាក់ក្នុងរថយន្តវ៉េអង ចេញតាមក្រុមហ៊ុនចំការកៅស៊ូ ជាប់ខេត្តព្រះវិហារ ឆ្លងកាត់ទៅខេត្តកំពង់ធំ យ៉ាងសុខស្រួលបំផុត គ្មានមន្ត្រីជំនាញណាហ៊ានប៉ះពាល់នោះទេ ។
តើផ្ទៃដីវិនិយោគប៉ុណ្ណា របស់ក្រុមហ៊ុន PNT នេះនៅមានឈើ កាប់បន្តទៀតយ៉ាងពេញបន្ទុករាល់ថ្ងៃ!បើយោងទៅតាមការចោទសួរនិងជាចម្ងល់ ពីមហាជនពិសេសប្រជាពល រដ្ឋ នៅក្នុងភូមិសាស្ត្រនោះ បានសួរទៅមន្ត្រីជំនាញសមត្ថកិច្ចពាក់ពន្ធ័ក្នុងមូលដ្ឋាន យ៉ាងចាស់ដៃ មេត្តាចុះត្រួត ពិនិត្យជាបន្ទាន់ ផង កុំឲ្យរាលដាលដល់ដែនដីការពារអភិរក្ស ព្រៃ ឈើរបស់រដ្ឋ ។
ប្រជាពលរដ្ឋ រស់នៅភូមិបង្កន ឃុំរៀបរយ អំពាវអំពាវ ដល់នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាគណះកម្មាធិការថ្នាក់ជាតិបង្ក្រាបទប់ស្កាត់បទល្មើសព្រៃឈើធនធានធម្មជាតិ មេត្តាចាត់មន្ត្រីក្រោមឱវាទ ក្នុងខេត្តព្រះវិហារ ចុះពិនិត្យចំពោះទីតាំងក្រុមហ៊ុន PNT បើមិនដូច្នោះ ព្រៃឈើនៅសេសសល់បន្តិចបន្តួច ត្រូវរងការវិនាស កម្មហិនហោចអស់ ក្រោមស្នាដៃពួកឈ្មួញ ជាក់ជាមិនខាន់។ពាក់ព័ន្ធព័ត៌មានខាងលើគេហទំព័រ (www.enn-tv.com)យើងខ្ញុំរងចាំនូវការពន្យល់បកស្រាយពីមន្ត្រីស្ថាប័នទំនាញពាក់ព័ន្ធ រាល់ម៉ោងធ្វើការ៕