ភ្នំពេញ៖ តាមប្រភពពីប្រជា ពលរដ្ឋរស់នៅក្នុងភូមិ៨សង្កាត់បឹងត្របែក ខណ្ឌចំការមន បានបង្ហើបអោយដឹងថា ទីតាំងបើកអាប៉ោងខុសច្បាប់នឹងល្បែងជាច្រើនប្រភេទទៀតនៅក្នុងឃ្លាំងជាប់និង”ក្លឹបបាល់ទះ០៩ ” កំពុង បើកលេងរាល់ថ្ងៃគគ្រឹកគគ្រេងយ៉ាងអនាធិប តេយ្យមានអាងខ្នងអង្អែករឹងមាំនៅក្រសួងមហាផ្ទៃ ហ៊ានផ្គើនបទ បញ្ជាសម្តេច ហ៊ុន សែន ។
ទីតាំងល្បែងអាប៉ោងខុសច្បាប់ដុះស្លែនេះស្ថិតនៅតាមបណ្តោ យផ្លូវលេខ ៤៧៤ ក្រុម ទី២៧ ស្ថិត នៅភូមិ៨ សង្កាត់បឹង ត្របែក ខណ្ឌចំការមន រាជធានីភ្នំពេញ អាជ្ញាធរនិងសមត្ថកិច្ចក្នុងមូលដ្ឋាននាំគ្នាសម្ងំស្ងាត់ឈឹងទទួលប្រយោជន៍ ទុកអោយម្ចាស់អាប៉ោងខុសច្បាប់បើកលេងយ៉ាងរលូនគ្មានសមត្ថកិច្ចនិងអាជ្ញាធរណាហ៊ានធ្វើការបង្ក្រាបអោយស្របតាមគោល នយោបាយភូមិឃុំមានសុវត្ថិភាព៧ ចំណុចដាក់ចេញអោយអនុវត្តន៍នោះទេ។
ប្រភពដដែលបានបន្ថែមថា ទីតាំងល្បែងអាប៉ោងខុសច្បាប់ដុះស្លែនិងល្បែងជាច្រើនប្រភេទទៀតខាងលើបើកលេងមិនញញើតច្បាប់ឡើយ គេសង្ស័យថា អាជ្ញាធរនិងសមត្ថ កិច្ចពាក់ព័ន្ធនៅក្នុងមូលដ្ឋានជាអ្នកបើក ភ្លើង ខៀវអោយម្ចាស់ទីតាំងល្បែងអាប៉ោងខុសច្បាប់ដុះស្លែនេះហើយ ? បានជាហ៊ានដំណើរការបើកលេងល្បែងគគ្រឹកគគ្រេងស្រែកហ៊ោ កញ្ជៀវយ៉ាងអនាធិបតេយ្យមិនខ្លាចញញើតច្បាប់អ្វីទាំងអស់។
ប្រជាពលរដ្ឋរស់នៅក្បែរទីតាំងល្បែងសុីសងអាប៉ោងមានការព្រួយបារម្ភភ័យខ្លាចអំពីអសន្តិ សុខសង្គម និងអំពើចោរកម្មចោរលួច. ចោរឆក់.ចោរប្លន់.ចោរគាស់ផ្ទះនិងប្រើអំពើហិង្សាគ្រួសារដើមចមកើតចេញពីល្បែងសុី សងនេះឯង។
ប្រជាពលរដ្ឋក្នុងមូលដ្ឋានខាងលើសូមអំពាវ នាវដល់លោក នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេ ខាធិការក្រសួងមហាផ្ទៃ និងជាប្រធានគណៈ កម្មការបង្ការបង្ក្រាបទប់ស្កាត់បទល្មើស ល្បែងស៊ីសងទូទាំងប្រទេស រួមទាំងលោក ឃួង ស្រេង អភិបាលរាជធានីភ្នំពេញ និងលោក ស ថេត ស្នងការនគរបាលរាជធានីភ្នំពេញ សូមមេត្តាដឹកនាំក្រុម ការងារចុះត្រួតពិនិត្យ និងបង្រ្កាបទីតាំងល្បែងស៊ីសងអាប៉ោងខុសច្បាប់ និងល្បែងគ្រប់ប្រភេទ បើកដំណើរការលេងរាល់ថ្ងៃនៅ ក្នុងឃ្លាំងជាប់និង”ក្លិបបាល់ទះ០៩” នេះផង។ ព្រោះហេតុថាអាជ្ញាធរនិងសមត្ថកិច្ច ក្នុងមូលដ្ឋាន ខណ្ឌចំការមន រាជធានីភ្នំពេញ មិនអនុវត្តតាមបទបញ្ជាសម្តេចតេជោ ហ៊ុន សែន នាយករដ្ឋ មន្ត្រីនៃព្រះរាជាណាចក្រកម្ពុជានៅឡើយទេ៕មានត