ភ្នំពេញ៖ តាមប្រភពពីប្រជា ពលរដ្ឋរស់នៅក្នុងភូមិ៨សង្កាត់បឹងត្របែក ខណ្ឌចំការមន បានបង្ហើបអោយដឹងថា ទីតាំងបើកល្បែង សុីសងអាប៉ោងខុស ច្បាប់នឹងល្បែងជាច្រើនប្រភេទទៀតនៅក្នុងឃ្លាំងជាប់និង”ក្លឹបបាល់ ទះ០៩ ” ដែលនិងកំពុងបើកលេងគគ្រឹក គគ្រេងអនា ធិបតេយ្យនោះដោយអាងខ្នង អង្អែករឹងមាំនៅក្រសួងមហាផ្ទៃ! បានហ៊ានផ្គើនបទបញ្ជាប្រមុខថ្នាក់ដឹកនាំ។
ប្រភពបានបន្តទៀតថា មានមេនាយកដ្ឋាននៃក្រសួងមហាផ្ទៃម្នាក់នៅពីក្រោយល្បែងអាប៉ោងខុសច្បាប់ដែលស្ថិតនៅតាមបណ្តោ យផ្លូវលេខ ៤៧៤ ក្រុមទី២៧ ស្ថិត នៅភូមិ៨ សង្កាត់បឹងត្របែក ខណ្ឌចំការមន រាជធានីភ្នំពេញ អាជ្ញាធរនិងសមត្ថកិច្ចក្នុងមូលដ្ឋាននាំគ្នារក្សាភាពស្ងៀមស្ងាត់ទុកអោយម្ចាស់អាប៉ោងខុសច្បាប់បើកលេងយ៉ាងរលូនគ្មានសមត្ថកិច្ចអាជ្ញាធរណាហ៊ានធ្វើការបង្ក្រាបអោយស្របតាមគោល នយោ បាយភូមិឃុំមានសុវត្ថិភាព៧ ចំណុចដែលរាជដ្ឋាភិបាលបានដាក់ចេញអោយអនុវត្តន៍នោះទេ។
ប្រភពដដែលបានបន្ថែមថា ទីតាំងល្បែងអាប៉ោងខុសច្បាប់និងល្បែងជាច្រើនប្រភេទទៀតខាងលើបើកលេងមិនញញើតច្បាប់នោះទេ?គេសង្ស័យថា អាជ្ញាធរនិងសមត្ថ កិច្ចពាក់ព័ន្ធនៅក្នុងមូលដ្ឋានជាអ្នកបើក ភ្លើងខៀវអោយម្ចាស់ទីតាំងល្បែង អាប៉ោងខុសច្បាប់ទេដឹង? បានជាហ៊ានដំណើរការ បើកលេងល្បែងគគ្រឹកគគ្រេងស្រែក ហ៊ោ កញ្ជៀវយ៉ាងអនាធិប តេយ្យមិនខ្លាចញញើតអ្វីទាំងអស់។
ប្រជាពលរដ្ឋរស់នៅក្បែរទីតាំងល្បែងសុីសងអាប៉ោងមានការព្រួយបារម្ភនិងភ័យខ្លាចអំពីអសន្តិសុខសង្គម និងអំពើចោរកម្មចោរ លួច ចោរឆក់. ចោរ ប្លន់.ចោរគាស់ផ្ទះនិងប្រើអំពើហិង្សាគ្រួសារដើមចមកើតចេញពីល្បែងសុី សងនេះឯង។
ប្រជាពលរដ្ឋក្នុងមូលដ្ឋានខាងលើសូមអំពាវ នាវដល់លោក នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរ បាលជាតិនិងលោកសន្តិបណ្ឌិ ត សុខ ផល រដ្ឋលេខាធិការក្រសួងមហាផ្ទៃ និងជាប្រធានគណៈកម្មការបង្ការបង្ក្រាបទប់ ស្កាត់បទល្មើសល្បែងស៊ីសងទូទាំងប្រទេស រួមទាំងលោកឃួង ស្រេង អភិបាលរាជធានីភ្នំពេញ និងលោក ស ថេត ស្នងការនគរបាលរាជធានីភ្នំពេញ សូមមេត្តាដឹកនាំក្រុម ការងារចុះត្រួតពិនិត្យ និងបង្រ្កាបទីតាំងល្បែងស៊ីសងអាប៉ោងខុសច្បាប់ និងល្បែងគ្រប់ប្រភេទ កំពុងដំណើរការបើកលេងរាល់ថ្ងៃនៅ ក្នុងឃ្លាំងជាប់និង”ក្លិបបាល់ទះ០៩” នេះផង។ ព្រោះហេតុថាអាជ្ញាធរនិងសមត្ថកិច្ច ក្នុងមូលដ្ឋាន ខណ្ឌចំការមន រាជធានីភ្នំពេញ មិនអនុវត្តតាមបទបញ្ជាសម្តេចតេជោ ហ៊ុន សែន នាយករដ្ឋ មន្ត្រីនៃព្រះរាជាណាចក្រកម្ពុជាឡើយ៕មានត