បន្ទាយមានជ័យ៖ នាព្រឹកថ្ងៃ ទី៦ ខែកុម្ភះឆ្នាំ ២០២៣ នេះមានក្រុមអ្នករត់ម៉ូតូ PassA ppបានប្រើអំពើហឹង្សាដាក់គ្នាទៅវិញទៅមកបណ្តាលអោយរងរបួសធ្ងន់ម្នាក់នៅច្រកទ្វារព្រំដែនអន្តរជាតិប៉ោយប៉ែតក្រុងប៉ោយប៉ែតខេត្តបន្ទាយ មានជ័យបើតាមមតិមហាជនដាក់ការសង្ស័យថា ជាការដណ្តើមម៉ូយគ្នាទើបផ្ទុះជាហិង្សាកើតឡើងប្រភពខ្លះថា អ្នករត់ម៉ូតូ PassApp នៅទីនោះបានបង់លុយ ខែឬដាក់ខែឲ្យទៅនគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត ។
បើយោងតាមប្រភពពីអ្នករត់ម៉ូតូ PassApp សុំមិនបញ្ចេញឈ្មោះបានបង្ហើបអោយដឹងថា ពួកគាត់បានបង់ប្រាក់ឲ្យទៅនគរបាលអន្តោ ប្រវេសន៍ក្នុង១ខែៗ៣ពាន់លុយបាត អ្នកខ្លះទៀតបានបង់ចំនួន២ ពាន់លុយបាតផងដែរ រីឯចំនួនម៉ូតូPassAppមានប្រមាណ ៤៥ ទៅ៦០គ្រឿងនិងមានការកើនឡើងជារាងរាល់ថ្ងៃ ដែលមានអ្នកទៅសុំរត់នៅទីនោះជាបន្តបន្ទាប់។ពួកគាត់បានបន្តអោយដឹងទៀត ថា ចំណែកអ្នករត់ម៉ូតូឌុបនៅទីនោះវិញ ក៍បានបង់ប្រាក់ឲ្យទៅនគរបាលអន្តោប្រវេសន៍ផងដែរ តែមន្រ្តីនគរបាលទាំងនោះបានចាត់អោយមានសន្តិសុខម្នាក់ជារៀបចំមើលការខុសត្រូវនិងយកលុយជូនមេៗនគរបាលអន្តោប្រវេសន៍បែបរបៀបទន្សោងគោព្រៃ។
ប្រភពបានបន្ថែមទៀតថាចំនួនម៉ូតូឌុបនៅទីនោះប្រហែល៣ ខែ មុនមានចំនួនជាង ៤០គ្រឿង ហើយការបង់ប្រាក់នោះមិនក្រោម ៣ពាន់បាតឡើយ។ហេតុនេះនគរបាលអន្តោប្រវេសន៍ប្រមូលប្រាក់តាមរបៀបធ្វើនំឥតម្សៅក្នុងមួយខែៗរាប់លានរៀលពិតជាមិនធម្មតានោះទេ?ដូច្នេះហើយក្រុមអ្នករត់ម៉ូតូ PassAppនិងម៉ូតូឌុបសូមអំពាវនាវដល់លោក ឱម យ៉ិនទៀង ប្រធានអង្គរភាពប្រឆាំងអំពើពុករលួយជួយត្រួតពិនិត្យនិងសាវជ្រាវករណីខាងលើនោះផងទាន។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីសាមីស្ថាប័ណពាក់ព័ន្ធ រាល់ម៉ោងធ្វើការ៕