កំពង់ចាម ៖ ប្រភពពីប្រជាពលរដ្ឋ រស់នៅភូមិត្រពាំងឈូក ឃុំមេសជ្រៃ ស្រុកស្ទឹងត្រង់ បានបញ្ជាក់ឲ្យដឹងថា អ្នកដែលហ៊ានបើក ល្បែងជល់មាន់តាមលែបថបអនឡាញ និងឡូតូ ប្រហែលជាមានខ្នងបង្អែករឹងមាំ នៅពីក្រោយ ទេីបបុគ្គលម្នាក់នោះ ហ៊ានធ្វើអ្វីៗតាមអំពេីចិត្ត។ក្រោយពីស្ងប់ស្ងាត់មួយរយៈ បច្ចុប្បន្ននេះល្បែងជល់ មាន់តាមអនឡាញនិងឡូតូ ចាប់ផ្តើមដំណើរការកក្រើកឡើងវិញហេីយ! ហើយបេីកលេងល្បែងសុីសង ជល់មាន់ និងឡូតូ”ក្នុងផ្សារស្រែវាល” យ៉ាងគគ្រឹកគគ្រេងនៅស្រុកស្ទឹងត្រង់ធ្វេីឲ្យពលរដ្ឋនៅក្នុងមូលដ្ឋាន មានការព្រួយ បារម្ភអំពីសន្តិសុខ សុវត្ថិភាព ខ្លាចកេីតមានចោរកម្ម ចោរលួច.ឆក់.ប្លន់.គាស់ផ្ទះនិងប្រើអំពេី ហឹង្សាគ្រូសារដេីមចមចេញពីល្បែងសុីសងនេះឯង ។
គួររំលឹកថា កន្លងមក សម្ដេចក្រឡាហោម ស ខេង ឧបនា យករដ្ឋមន្ត្រី ក្រសួងមហាផ្ទៃ ធ្លាប់ដាក់បទបញ្ជាឲ្យមន្ត្រីនគរបាលពាក់ពន្ធ័ ទូទាំងប្រទេស ត្រូវតែបង្ក្រាបរាល់ល្បែងសុី សងខុសច្បាប់គ្រប់ប្រភេទ មិនមានការ យោគយល់ដើម្បីធានាសុខសុវត្ថិភាពជួនប្រជាពលរដ្ឋឲ្យស្របតាមគោលនយោបាយ ភូមិ ឃុំ សង្កាត់ មានសុវត្តិភាព ទាំង៧ ចំណុច របស់ រាជរដ្ឋាភិបាល ដែលដាក់ចេញដោយក្រសួងមហាផ្ទៃ ។ លេីសពីនេះទៅ ទៀតនោះ កាលពីថ្ងៃទី១៤ ខែកញ្ញា ឆ្នាំ២០ ២២ សម្ដេច ក្រឡាហោម សខេង បានចេញលិខិតបង្គាប់ការមួយបញ្ជាឲ្យ ឯកឧត្ដម សន្តិបណ្ឌិត សុខ ផល រដ្ឋលេខាធិការក្រសួង មហាផ្ទៃ ដឹកនាំក្រុមការងារសហការបង្ក្រាបល្បែងស៊ីសងខុសច្បាប់ គ្រប់ប្រភេទ ទូទាំងប្រទេស អោយខានតែបាន!បែរ ជាលោក ឯម វឌ្ឍនា អធិការ ដ្ឋាននគរបាលស្រុកស្ទឹងត្រង់ និងអាជ្ញាធរមានសមត្ថកិច្ចក្នុងមូលដ្ឋាន ហ៊ានផ្គេីនបទបញ្ជាសម្តេច ស ខេង ទៅវិញ។
បញ្ហានេះលោក ហេង វុទ្ធី ស្នងការដ្ឋាននគរ បាលខេត្តកំពង់ចាម ពិនិត្យឡើងវិញ ចំពោះភាពអសកម្ម របស់លោក ឯមវឌ្ឍនា អធិការដ្ឋាននគរបាលស្រុកស្ទឹងត្រង់ និងលោកនាយប៉ុស្តិ៍នគរបាលរដ្ឋបាលឃុំមេសជ្រៃ ដែលបណ្តែតបណ្តោយឲ្យមាន ល្បែងតាម លែបថបអនឡាញនិងឡូតូ ភ្នាល់ដាក់ លុយ សុីសងខុសច្បាប់ ក្នុងដែនដីរបស់ខ្លួនមិនបង្រ្កាប។ ប្រជាពលរដ្ឋរស់នៅភូមិត្រពាំង ឈូក ឃុំមេសជ្រៃ ស្រុកស្ទឹងត្រង់ បានអំពាវ នាវដល់លោក អ៊ុន ចាន់ដា អភិបាល ខេត្តកំពង់ចាម និងលោក ហេង វុទ្ធី ស្នងការដ្ឋាន នគរ បាលខេត្តព្រៃវែង ចាត់មន្រ្តីក្រោមឱវាទចុះពិនិត្យទីតាំងបេីកល្បែងជល់មាន់ តាម លែប ថបអនឡាញនិង ឡូតូ ធ្វើការបង្រ្កាបជាបន្ទាន់ដេីម្បីសន្តិសុខសង្គមជូនដល់ប្រជាពលរដ្ឋ៕