ព្រៃវែង៖ ប្រភពពីមន្រ្តីពាក់ព័ន្ធនៅប្រចាំ ច្រកទ្វារអន្តរជាតិម៉ឺនជ័យ ឃុំក្របៅ ស្រុកកំចាយមារ ខេត្ត ព្រៃវែង បានបង្ហើបអោយដឹងថា មួយរយៈចុងក្រោយនេះមានក្រុមឈ្មួញកំពុងនាំគ្នាសម្រុកដឹកជញ្ជូនធ្យូងចេញទៅលក់នៅស្រុកយួនទាំងថ្ងៃទាំងយប់យ៉ាងពេញបន្ទុកដោយមានការឃុបឃិតបើកដៃពីមន្រ្តីជំនាញពាក់ព័ន្ធនិងសមត្ថកិច្ចប្រចាំច្រកនិងមន្រ្តីជំនាញសមត្ថកិច្ចនៅតាមដងផ្លូវដែលនាំគ្នា បានរក្សាភាពស្ងៀមស្ងាត់ មិនបង្រ្កាប!ខណៈដែលក្រុមឈ្មួញ ទាំងនោះសម្រុកដឹកជញ្ជូនធ្យូងតាមរថយន្ត សាំយ៉ុងកែច្នៃច្រើនគ្រឿងនិងរថយន្តផ្សេងៗច្រើនប្រភេទទៀតចេញទៅលក់នៅស្រុកយួនក្នុងមួយយប់ៗ រាប់សិបគ្រឿងយ៉ាងរំភើយ។ចំណែក លោក អ៊ុំ ប៉ូលក្ខណ៍ ប្រធានស្នាក់ការច្រកទ្វារអន្តរ ជាតិម៉ឺនជ័យ និងលោក វ៉ាន់ ពិសិដ្ឋ នាយប៉ុស្តិ៍នគរបាលច្រកទ្វារអន្តរជាតិម៉ឺនជ័យ មិនចាត់វិធានការទប់ស្កាត់បង្រ្កាបក្រុមឈ្មួញដឹកជញ្ជូនធ្យូងចេញទៅលក់នៅស្រុកយួន អោយមានប្រសិទ្ធភាពទេ បែជាបណ្តោយអោយក្រុមឈ្មួញដឹកធ្យូងទាំងនោះឆ្លងដែនទៅលក់នៅស្រុកយួនយ៉ាងរលូន ។
ប្រភពពីក្រុមឈ្មួញដឹកជញ្ជូនធ្យូងចេញទៅលក់នៅស្រុកយួនបានបង្ហើបអោយដឹងទៀត ថា ពួកគាត់ហ៊ានដឹកជញ្ជូនធ្យូងចេញទៅលក់នៅស្រុកយួនបានដោយសារមានអ្នក ជួយរត់ការបង់សួយសារជូនមន្រ្តីសមត្ថកិច្ច. មន្រ្តីជំនាញពាក់ព័ន្ធតាមដងផ្លូវ ពិសេសមន្រ្តីប្រចាំច្រក បើកផ្លូវជាមុនទើបអាចដឹកជញ្ជូនធ្យូងចេញ ទៅស្រុកយួន តាមច្រកទ្វារអន្តរជាតិមុឺនជ័យ ដោយរលូនបានមិនប្រឈមនឹងការបង្ក្រាបហើយនៅសល់កម្រៃតិចតួច តែប៉ុណ្ណោះ។ ហើយសកម្មភាពដឹកជញ្ជូនធ្យូងចេញ ទៅលក់នៅស្រុកយួន តាមច្រកទ្វារអន្តរជាតិម៉ឺនជ័យនេះ តែងកើត ឡើងចាប់ពីវេលាម៉ោង៣ រំលងអាធ្រាត្រដល់ម៉ោង៧ព្រឹកបើគ្មានការឃុបឃិតជាប្រព័ន្ធនោះទេគឺអ្វីៗមិនអាចប្រព្រឹត្តទៅដោយរលូនបែបនេះបានឡើយ។ បើមិនមានការបើកដៃ ពីមន្រ្តីរដ្ឋបាលព្រៃឈើនិងសមត្ថកិច្ចតាមដងផ្លូវក៏ដូចជាសមត្ថកិច្ចនៅច្រកព្រំដែននោះទេគ្មានឈ្មួញណាអាចចៀសផុតពីការបង្ក្រាបឡើយ។
ប្រភពពីមន្រ្តីនៅច្រកទ្វារអន្តរ ជាតិម៉ឺនជ័យ ឃុំក្របៅ ស្រុកកំចាយមារ ខេត្តព្រៃវែង បានបន្ថែមទៀតថា បើគ្មានការបើកដៃពីលោក អ៊ុំ ប៉ូលក្ខណ៍ ប្រធានស្នាក់ការច្រកទ្វារអន្តរម៉ឺន ជ័យ និងលោក វ៉ាន់ ពិសិដ្ឋ នាយប៉ុស្តិ៍នគរ បាលអន្តោប្រវេ សន៍ច្រកទ្វារអន្តរជាតិម៉ឺន ជ័យ ព្រមទាំងលោក គង់ សឺឌី ប្រធានការិយាល័យគយច្រកទ្វារអន្តរជាតិម៉ឺនជ័យផងដែរ។ហេតុនេះលោក ជា សុមេធី អភិ បាលខេត្តព្រៃវែងលោក ព្រំ សន្ធរ ស្នងការនគរបាលខេត្ត ព្រៃវែង ព្រមទាំងថ្នាក់ដឹកនាំក្រសួងស្ថាប័នពាក់ព័ន្ធមិនគួរបណ្ដែតបណ្ដោ យតទៅទៀតនោះទេ គួរចាត់វិធានការទប់ ស្កាត់ជាបន្ទាន់។ ដោយហេតុថាមន្រ្តីជំនាញ និងសមត្ថកិច្ចនៅច្រកទ្វារអន្តរជាតិម៉ឺនជ័យ ឃុបឃិតគ្នាបើកដៃឲ្យក្រុមឈ្មួញដឹកជញ្ជូនធ្យូងទៅលក់នៅស្រុកយួន យ៉ាងគំហុក។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក អ៊ុំ ប៉ូលក្ខណ៍ ប្រធានស្នាក់ការច្រកទ្វារព្រំដែនអន្តរជាតិមុឺនជ័យលោក វ៉ាន់ ពិសិដ្ឋ នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិមុឺនជ័យនិងលោក គង់ សឺឌី មេការិយាល័យគយច្រកទ្វារព្រំដែនអន្តរជាតិមុឺនជ័យ រាល់ម៉ោងធ្វើការ ៕មានត