ខេត្តត្បូងឃ្មុំ៖ “កាស៊ីណូ ” នៅច្រកព្រំដែនត្រពាំងផ្លុងដែល ស្ថិតនៅភូមិសាស្ត្រ ឃុំត្រពាំង ផ្លុង ស្រុកពញាក្រែក ខេត្តត្បូងឃ្មុំ កំពុងបើកអោយដៃប្រជាពលរដ្ឋខ្មែរនាំគ្នាចូលលេងល្បែងស៊ីសងជល់មាន់និងអាប៉ោងខុសច្បាប់ យ៉ាងអនាធិបតេយ្យ អាជ្ញាធរមាន សមត្ថកិច្ចក្នុងមូលដ្ឋានមិនអើពើបង្រ្កាប តាមបទបញ្ជារបស់សម្តេចតេជោ ហ៊ុន សែន នោះទេ។
ប្រភពរាយការណ៍ពីប្រជាពល រដ្ឋបានអោយដឹងថា នៅច្រក ព្រំដែនត្រពាំងផ្លុងមាន “កាស៊ី ណូ”មួយកន្លែងបានបើកអោយពលរដ្ឋខ្មែរនាំគ្នាចូលលេងល្បែងសុីសងខុសច្បាប់ គ្រប់ប្រភេទ បានទៅដោយរលូន គេសង្ស័យ ថា អាជ្ញាធរមានសមត្ថកិច្ចក្នុងមូលដ្ឋាន ជាអ្នកបើកភ្លើងខៀវ អោយម្ចាស់”កាស៊ីណូ” មួយកន្លែងនេះអោយដំណើរការលេងល្បែង សុីសង បានគ្មាន អាជ្ញាធរមានសមត្ថកិច្ច ណាហ៊ានចុះមកធ្វើការទប់ស្កាត់ឬ បង្រ្កាបនោះទេ! គួររំលឹកផងដែរថា កាលថ្ងៃទី១៧ ខែកញ្ញា ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រីនៃព្រះរា ជាណាចក្រកម្ពុជា បានចេញបទបញ្ជាដាច់ណាត់ អោយ អភិបាលរាជធានី.ខេត្តទាំង ២៥.ខេត្ត. ក្រុង. បង្ក្រាប បនល្បែងស៊ីសង ខុសច្បាប់ គ្រប់ប្រភេទ ទូទាំងប្រទេស អោយខានតែបាន ដោយឡែកបច្ចុប្បន្ននេះនៅច្រកព្រំដែនត្រពាំងផ្លុង មាន “កាស៊ីណូ” មួយកន្លែងកំពុងតែបើកអោយពលរដ្ឋខ្មែរនាំគ្នាចូលលេងនៅ ក្នុងបនល្បែងស៊ីសងជល់មាន់ និងអាប៉ោងខុសច្បាប់ យ៉ាងអនាធិបតេយ្យ ធ្វើអោយពល រដ្ឋរស់ក្បែរនៅមានការព្រួយ បារម្ភភ័យខ្លាចបញ្ហាអសន្ដិសុខសង្គម និងអំពើចោរកម្ម លួច ឆក់. ប្លន់ គាស់ផ្ទះនិងប្រើអំពើហិង្សាគ្រួសារដើមចមកើតចេញពីល្បែង សុីសងនេះឯង។
មហាជនក៏ដូចប្រជាពលរដ្ឋមានចម្ងល់ដូចៗ គ្នាថា តើហេតុអ្វីបានអាជ្ញាធរមានសមត្ថកិច្ចមូលដ្ឋានស្រុកពញាក្រែក មិនមានឆន្ទៈក្នុងការបង្ក្រាបបន ល្បែងស៊ីសងខុសច្បាប់គ្រប់ប្រភេទ នៅក្នុង”ការស៊ីណូ” នៅក្នុងមូលដ្ឋានខ្លួនអោយស្រប តាមគោលនយោបាយភូមិ ឃុំ មានសុវត្ថិភាព៧ ចំណុចដែលរាជរដ្ឋាភិ បាលបានដាក់អោយអនុវត្តន៍អោយប្រសិទ្ធ ភាពទេ។
ដែលបញ្ហានេះលោក ជាម ច័ន្ទសោភ័ណ អភិបាលខេត្តត្បូងឃ្មុំលោកឧត្តមសេនីយ៍ទោ ម៉ុន មា៌គា ស្នងការនគរបាលខេត្តត្បូងឃ្មុំនិងលោក វ៉ា សារិទ្ធមេបញ្ជាការកងរាជអាវុធហត្ថខេត្តត្បូងឃ្មុំ បើពិតមិនបានជាប់ពាក់ព័ន្ធនឹងផលប្រយោជ ន៍នោះទេគួរតែចាត់វិធានការបង្រ្កាប បនល្បែងសុីសងជល់ មាន់ និងអាប៉ោង ខុសច្បាប់បង្កប់នៅក្នុង “កាស៊ី ណូ”មួយកន្លែងនៅក្នុងភូមិសាស្រ្តខាង លើនេះអោយប្រសិទ្ធភាពផង ៕មានត