ខេត្តព្រៃវែង៖តាមប្រភពសេចក្តីរាយការណ៍ថ្មីៗនេះពីប្រជាពល រដ្ឋដែលរស់នៅក្បែរ” កាស៊ីណូយីហោ ៣៣” ច្រកព្រំដែនស្វាយអាង៉ោងស្ថិត នៅភូមិចាម ឃុំចាម ស្រុកកំពុងត្របែក ខេត្តព្រៃវែងបានអោយដឹងថា “កាស៊ីណូយីហោ ៣៣” ច្រកព្រំដែនស្វាយអាង៉ោងនៅ តែបន្តបើកចំហរអោយពលរដ្ឋ ខ្មែរចូលលេងល្បែងស៊ីសងយ៉ាងគគ្រឹកគគ្រេងចំណែកឯអាជ្ញាធរមានសមត្ថកិច្ចមូល ដ្ឋាន ឃុំ ស្រុក នាំគ្នារក្សាភាពស្ងៀមស្ងាត់មិនបង្រ្កាប។
ប្រភពបានបន្តអោយដឹងថា”កាសុីណូយីហោ ៣៣” ដែលបើកចំហរអោយពលរដ្ឋ ខ្មែរចូល លេងរាល់ថ្ងៃនេះគ្មានច្បាប់អនុញាតទេហើយមានខ្នងបង្អែករឹងមាំ។ដូច្នេះលោក ជា សុមេ ធី អភិបាល ខេត្តព្រៃវែងនិងលោក ព្រុំ សន្ធរ ស្នងការនគរបាលខេត្ត ព្រៃវែងមិនគួរបណ្តោយអោយម្ចាស់ “កាស៊ីណូយីហោ ៣៣” ធ្វើអ្វីៗតាមអំពើចិត្តផ្ទុយពីច្បាប់អនុញ្ញាតិឡើយ។
ប្រជាពលរដ្ឋសូមអំពាវនាវដល់ថ្នាក់ដឹកនាំក្រសួងមហាផ្ទៃ ជា ពិសេសលោកនាយឧត្តមសេនី យ៍សន្តិបណ្ឌិត នេត សាវឿន អគ្គស្នងការនគរបាលជាតិ និងលោកសន្តិបណ្ឌិត សុខ ផល រដ្ឋលេខាធិការក្រសួងមហាផៃ្ទនិងជាប្រធានគណៈកម្មការប្រយុទ្ធប្រឆាំងបទល្មើសល្បែងសុីសងទូទាំងប្រទេសមេត្តាពិនិត្យទីតាំង “កាស៊ីណូយីហោ ៣៣” នៅច្រកព្រំដែនស្វាយអាង៉ោងដែលកំពុង គៀងគរប្រជាពលរដ្ឋខ្មែរចូលលេងល្បែងសុី សងជល់មាន់បៀអាប៉ោងខុស ច្បាប់និងល្បែងច្រើនប្រភេទទៀតនៅក្នុង “កាសុីណូយីហោ ៣៣” ច្រកព្រំដែនស្វាយអាង៉ោងអោយមានប្រសិទ្ធភាព។
ប្រភពពីក្រុមញៀនល្បែងចេញ ចូលលេងក្នុង”កាសុីណូយីហោ ៣៣” បានបន្ថែមថា ភាគច្រើនសុទ្ធតែពលរដ្ឋខ្មែរដែលញៀនល្បែងជិះឡាននិងម៉ូតូសេរីទំនើបៗ រាប់សិបគ្រឿងនាំ គ្នាចូលលេងល្បែងសុីសងខុស ច្បាប់យ៉ាងរំភើយជារៀងរាល់ថ្ងៃមិនខ្លាចញញើត អាជ្ញាធរមាន សមត្ថកិច្ចក្នុងមូលដ្ឋានបង្រ្កាបឡើយហើយ មិនខ្លាចញញើតបទបញ្ជាប្រមុខរាជរដ្ឋាភិបាលដឹកនាំដោយសម្ដេចតេជោ ហ៊ុន សែន !។
មហាជនក៏ប្រជាពលរដ្ឋមានចម្ងល់ដូចៗគ្នាថា ចុះហេតុអ្វីបានលោក ជា សុមេធី អភិ បាល ខេត្តព្រៃវែងនិងលោក ព្រំ សន្ធរ ស្នងការនគរបាលខេត្តព្រៃវែង មើលមិនឃើញ “កាស៊ីណូយីហោ ៣៣” កំពុងបើកពង្វក់អោយពលរដ្ឋ ខ្មែរចូលលេងល្បែងសុីសងផ្ទុយច្បាប់អនុញាតិ។ ទុកអោយម្ចាស់ “កាស៊ីណូយីហោ ៣៣” គៀងគរពលរដ្ឋខ្មែរចូលលេងល្បែងជល់មាន់បៀអាប៉ោងខុសច្បាប់និងល្បែងផ្សេងៗទៀតយ៉ាងពេញបន្ទុកបង្កអសន្តិសុខសង្គម អំពើចោរកម្ម ចោរលូច .ឆក់. ប្លន់.គាស់ផ្ទះនិងប្រើអំពើហិង្សាគ្រួសារកើតមានគួរអោយកត់សម្គាល់ដើមចមចេញ ពីល្បែងសុីសងនេះឯង។
មហាជនក៍ដូចប្រជាពលរដ្ឋដាក់ការសង្ស័យ ថា ប្រហែល ម្ចាស់ “កាស៊ីណូយីហោ ៣៣” បានផ្ដល់ផលប្រយោជន៍ប្រចាំខែជូនអាជ្ញាធរ មានសមត្ថកិច្ចពាក់ព័ន្ឋក្នុងមូលដ្ឋានឃុំ ស្រុក កំពង់ត្របែក ខេត្តព្រៃវែង រួច រាល់អស់ហើយទេដឹង? បាននាំគ្នារក្សាភាពស្ងៀមស្ងាត់ មិនចាត់វិធានការបង្ក្រាបដើម្បីអោយស្របតាម គោលនយោបាយភូមិ ឃុំ មានសុវត្ថិភាព ៧ ចំណុចរបស់ប្រមុខរាជរដ្ឋាភិបាលដែលបានដាក់ចេញអោយអនុវត្តន៍និងស្របតាមបទបញ្ជាររបស់សម្តេចក្រឡា ហោម ស ខេង ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ ផង។
ដែលបញ្ហានេះលោក ជា សុមេធី អភិបាលខេត្តព្រៃវែងលោក ព្រំ សុន្ទរ ស្នងការខេត្តព្រៃវែងនិងលោក ឈួន គឹមសាន មេបញ្ជាការកងរាជ អាវុធហត្ថខេត្តព្រៃវែង បើពិតមិនបានជាប់ពាក់ព័ន្ធនឹងផល ប្រយោជន៍នោះទេ? គួរចាត់ វិធានការបង្រ្កាបម្ចាស់”កាសុីណូយីហោ៣៣ ” នៅច្រកព្រំដែនស្វាយអាង៉ោងស្រុកកំពង់ ត្របែកកំពុងបើកចំហរអោយប្រជាពលរដ្ឋខ្មែរចូលលេងល្បែងសុីសងនេះអោយមាន ប្រសិទ្ធភាព ៕មានត
