ភ្នំពេញ៖ អាជីវករនិងប្រជាពលរដ្ឋជាច្រើនកំពុងមានចម្ងល់ដូចៗគ្នាថាតើគោលនយោ បាយភូមិឃុំមានសុវិត្ថភាព៧ចំណុចរបស់រាជរដ្ឋាភិបាលនិងក្រសួងមហាផ្ទៃបានដាក់ចេញអោយអាជ្ញាធរសមត្ថកិច្ចមូលដ្ឋានអនុ វត្តន៍នោះ ព្រមទាំងបទបញ្ជារបស់សម្ដេច តេជោ ហ៊ុន សែន នៅត្រង់ណា?បើអាជ្ញាធរសមត្ថកិច្ចមូលដ្ឋាននាំគ្នាបណ្តែតបណ្តោយអោយមានល្បែងសុីសងគ្រប់ប្រភេទក្នុងមូលដ្ឋានខ្លួនមិនបង្រ្កាបនោះ ជាពិសេសល្បែងហ្គេមបាញ់ត្រីនិងល្បែងជាច្រើនប្រភេទទៀតលេងភ្នាល់លុយយ៉ាងពពាក់ពពូនអនាធិបតេយ្យនៅក្នុងផ្សារបឹងត្របែកផ្លាហ្សា សង្កាត់បឹងត្របែក ខណ្ឌចំការមនរាជធានីភ្នំពេញខុសច្បាប់នោះកាន់តែពេញ និយមបំផុតបើកលេងបន្តនៅកណ្តាលក្រុងភ្នំពេញ។ ចៅហ្វាយខណ្ឌនិងអធិការខណ្ឌសុខចិត្ត ធ្វើមុខក្រាស់មិនព្រមបង្ក្រាបល្បែងនេះទាល់តែសោះ។
តើមេល្បែងហ្គេមបាញ់ត្រីនិងល្បែងច្រើនប្រភេទ មានខ្នងបង្អែកក្រាស់ធំប៉ុណ្ណា?បាន ជាអភិបាលខណ្ឌចំការមនលោក កៀង លក្ស័ និងអធិការនគរបាលខណ្ឌចំការមនលោក យិន សាន សុខចិត្តធ្វើមិនដឹងមិនឮ?បំភ្លេចគោលនយោបាយភូមិឃុំមានសុវត្ថិ ភាពក្រសោបយកចង្រៃខណ្ឌមិនបង្ក្រាបបែប នេះ?។
ដូច្នេះហើយការព្រងើយ កន្តើយរបស់លោក កៀង លក្ស័ និងលោក យិន សាន បែបនេះត្រូវពលរដ្ឋមើលឃើញរិះគន់ថាលោក អភិ បាលខណ្ឌចំការមននិងលោកអធិការខណ្ឌចំការ មនរស់តែមាត់ត្រគៀកងាប់ស្តូកមាត់ ប្តេជ្ញាបង្ក្រាបល្បែងឲ្យអស់ពីខណ្ឌ តែក្រោយប្រកូកប្រកាសរួច បែរទៅចាប់យាយៗលេង បៀរ៥០០៛-១០០០៛តាមផ្ទះថតដាក់ទូរទស្ស ន៍ទៅវិញ រីឯល្បែងហ្គេមបាញ់ត្រីនិងល្បែងគ្រប់ប្រភេទទៀតនៅលេងដដែលមិនបង្ក្រាប សោះ។ការនិយាយចេញឬដូចស្តោះចេញទៅហើយលេបចូលវិញតើជាសម្តីស្អី?។ផ្ទុយទៅវិញឥរិយាបថទាំងនេះឆ្លុះអោយឃើញថាអ្នកដឹកនាំខណ្ឌចំការមន ជាប់សង្ស័យថាកន្ទេលធំបន្លំដេកជាមួយមេល្បែងហ្គេមបាញ់ត្រីនិងល្បែងច្រើនប្រភេទទៀតជម្ងឺសង្គមតែម្តង ព្រោះគាប់ជួនកំពុងល្បីរន្ទឺរសុះសាយពេញខណ្ឌថាមុននឹងបើកលេង ល្បែងហ្គេមបាញ់ត្រីនិងល្បែងច្រើនប្រភេទបានបង់សួយសារ ជូនដល់មន្រ្តីជំនាញពាក់ព័ន្ធថ្នាក់ក្រោមរហូតដល់លើអស់ទៅហើយ។
សូមបញ្ជាក់ថាល្បែងហ្គេមបាញ់ត្រីនិងល្បែងច្រើនប្រភេទទៀតកំពុងបើកលេងនៅក្នុងផ្សារ បឹងត្របែកផ្លាហ្សាជាន់ទី ៤ ស្ថិតក្នុងសង្កាត់ បឹងត្របែក ខណ្ឌចំការមន រាជធានីភ្នំពេញ បើកលេងគគ្រឹកគគ្រេងអនាធិបតេយ្យផ្គើនបទបញ្ជាសម្តេចតេជោ ហ៊ុន សែន ផងដែរ។
ហេតុនេះអាជីវករនិងប្រជាពលរដ្ឋផ្សារបឹងត្របែកផ្លាហ្សា ក្នុងសង្កាត់បឹងត្របែកសូមអំពាវ នាវដល់លោក ឃួង ស្រេង អភិបាលរាជធានីភ្នំពេញនិងលោកស ថេត ស្នងការនគរបាលរាជធានីភ្នំពេញ មេត្តាដាក់មន្ត្រីក្រោមឱវាទចុះពិនិត្យទីតាំងខាងលើនិងបង្រ្កាបអោយមានប្រសិទ្ធភាពស្របតាមភូមិឃុំមានសុវត្ថិ ភាព៧ចំណុច ផង៕
