ភ្នំពេញ៖ តាមប្រភពពីប្រជាពលរដ្ឋរស់នៅក្នុងភូមិ៨សង្កាត់បឹងត្របែក ខណ្ឌចំការមន បានបង្ហើបអោយដឹងថា ទីតាំងបើកល្បែង សុីសងអាប៉ោងខុសច្បាប់នឹងល្បែងជាច្រើនប្រភេទទៀតនៅក្នុងឃ្លាំងជាប់និង”ក្លឹបបាល់ ទះ០៩ ” ដែលនិងកំពុងបើកលេងគគ្រឹក គគ្រេងអនា ធិបតេយ្យដោយអាងខ្នងអង្អែករឹងមាំនៅពីក្រោយ!នឹងហ៊ានផ្គើនបទបញ្ជាសម្ដេចតេជោ ហ៊ុន សែន ។
ប្រភពបានបន្តទៀតថា មានមេនាយកដ្ឋានម្នាក់នៃក្រសួង មហាផ្ទៃនៅពីក្រោយល្បែងអាប៉ោងខុសច្បាប់មួយកន្លែងនេះដែលស្ថិតនៅតាមបណ្តោយផ្លូវលេខ ៤៧៤ ក្រុមទី២៧ ស្ថិតនៅភូមិ៨ សង្កាត់បឹងត្របែក ខណ្ឌចំការ មន រាជធានីភ្នំពេញ អាជ្ញាធរនិងសមត្ថកិច្ចក្នុងមូលដ្ឋាននាំគ្នារក្សាភាពស្ងៀមស្ងាត់ទុកអោយក្រុមញៀនល្បែងបើកលេងយ៉ាងរលូនមិនហ៊ានធ្វើការបង្ក្រាបអោយស្របតាម គោ លនយោបាយភូមិឃុំសង្កាត់មានសុវត្ថិភាព ៧ចំណុចដែលរាជដ្ឋាភិបាលបានដាក់ចេញអោយអនុវត្តន៍នោះទេ។
ប្រភពដដែលបានបន្ថែមថា ទីតាំងល្បែងអាប៉ោងខុសច្បាប់និងល្បែងជាច្រើនប្រភេទទៀតខាងលើបើកលេងមិនញញើតច្បាប់នោះទេ?គេសង្ស័យថា អាជ្ញាធរនិងសមត្ថ កិច្ចពាក់ព័ន្ធនៅក្នុងមូលដ្ឋានជាអ្នកបើកភ្លើង ខៀវអោយម្ចាស់ទីតាំងល្បែង អាប៉ោងខុសច្បាប់ទេដឹង? បានជាហ៊ានដំណើរការបើកលេងល្បែងគគ្រឹកគគ្រេងស្រែកហ៊ោកញ្ជៀវយ៉ាងអនាធិបតេយ្យមិនខ្លាចញញើតអ្វីទាំង អស់។
ប្រជាពលរដ្ឋរស់នៅក្បែរទីតាំងល្បែងសុីសងអាប៉ោងមានការព្រួយបារម្ភនិងភ័យខ្លាចអំពីអសន្តិសុខសង្គម និងអំពើចោរកម្ម ចោរលួច .ចោរឆក់. ចោរប្លន់.ចោរគាស់ផ្ទះនិងប្រើអំពើហិង្សាគ្រួសារដើមចមកើតចេញពីល្បែងសុី សងនេះឯង។
ប្រជាពលរដ្ឋក្នុងមូលដ្ឋានខាង លើសូមអំពាវ នាវដល់លោក នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេ ខាធិការក្រសួងមហាផ្ទៃនិងជាប្រធានគណៈ កម្មការបង្ការបង្ក្រាបទប់ស្កាត់ បទល្មើសល្បែងស៊ីសងទូទាំងប្រទេស រួមទាំងលោក ឃួង ស្រេង អភិបាលរាជធានីភ្នំពេញ និងឧត្តមសេនីយ៍ឯក ស ថេត ស្នងការនគរ បាលរាជធានីភ្នំពេញ សូមមេត្តាដឹកនាំក្រុម ការងារចុះត្រួតពិនិត្យនិងបង្រ្កាបទីតាំងល្បែងស៊ីសងអាប៉ោងខុសច្បាប់ គ្រប់ប្រភេទ កំពុងដំណើរការបើកលេងនៅ ក្នុងឃ្លាំងជាប់និង “ក្លិបបាល់ទះ ០៩” នេះផងទាន។ ដោយហេតុថាអាជ្ញាធរនិងសមត្ថកិច្ច ក្នុងមូលដ្ឋាន ខណ្ឌចំការមន រាជធានីភ្នំពេញ មិនអនុវត្តតាមបទបញ្ជាសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាឡើយ៕
