ខេត្តត្បូងឃ្មុំ ៖ យោងតាមប្រភពសេចក្តីរាយការណ៍ថ្មីៗពី ប្រជាពលរដ្ឋរស់នៅក្នុងស្រុកពញាក្រែក ខេត្តត្បូងឃ្មុំ បានបង្ហើបអោយដឹងថា បុគ្គលដែលហ៊ានបើកលល្បែងជល់ មាន់ អាប៉ោង យូគី ហ្គេមបាញ់ត្រីនិងល្បែងច្រើនប្រភេទតាមប្រពន្ធ័អនឡាញយ៉ាងពេញ ទំហឹងនោះប្រហែល ជាមានខ្នងបង្អែករឹងមាំ នៅពីក្រោយនិងមានឥទ្ធិពលខ្លាំងទើបអាចធ្វើអ្វីៗបានតាមអំពើចិត្តនៅក្នុងកាស៊ីណូចក្រក្រវាឡជាយដែន ។
បើទោះបីរាជរដ្ឋាភិបាលបានប្រកាសនាពេលថ្មីៗ អោយបិទល្បែងសុីសងអនឡាញគ្រប់ប្រភេទទូទាំងប្រទេសត្រូវតែបិទមិនអនុញ្ញាតនោះទេ។ ប៉ុន្តែបែរជាម្ចាស់ កាស៊ីណូចក្រក្រវាឡជាយដែនថ្លេីមធំហ៊ានបេីកចំហរអោយពលរដ្ឋខ្មែរនិងជនអន្តោប្រវេសន៍ ចូលលេងភ្នាល់ដាក់លុយចាញ់ឈ្នះរាប់លាន រាប់ពាន់ដុល្លារ សុីសងខុស ច្បាប់ ដោយសេរី ដោយឡែកសមត្ថកិច្ចពាក់ព័ន្ធក្នុងខេត្តត្បូងឃ្មុំ ហាក់ធ្វើមិនដឹងមិនឮមិនអើពើក្នុងការបង្រ្កាបអ្វីទាំងអស់ គេសង្ស័យថាបានទទួលលាភសក្ការ:ពីរម្ចាស់បនល្បែងទេដឹង?ជាថ្នូរមិនបង្រ្កាប។ហេតុនេះលោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ មិនគួរមេីលរំលងភាពអសកម្ម របស់លោក ម៉ុន មាគ៌ាស្នងការដ្ឋាននគរបាលខេត្ត ត្បូងឃ្មុំ បណ្តែតបណ្តោយ
អោយមានល្បែងសុីសងខ្នាតធំ នៅក្នុងស្រុកពញាក្រែក ធ្វើអោយប៉ះពាល់ដល់សន្តិសុខសង្គម។
ប្រភពពីពលរដ្ឋដដែលបានបង្ហើបអោយដឹងទៀតថា បុគ្គលម្នាក់នេះ ប្រហែលមានខ្នងបង្អែករឹងមាំនៅពីក្រោយ ទេីបហ៊ាន បេីក ចំហរអោយពលរដ្ឋខ្មែរចូលលេងល្បែង សុី សងក្នុងកាសុីណូចក្រក្រវាឡជាយដែន រាល់ថ្ងៃសុក្រ សៅរ៍ អាទិត្យយ៉ាងពពាក់ពពូនប្រភពខ្លះបានបន្តថា កាស៊ីណូមួយកន្លែងខាងលើនេះមិនមាន ច្បាប់អនុញ្ញាតនោះទេចំណែកលោក អធិការដ្ឋាននគរបាលស្រុកពញាក្រែកមិនចាត់វិធាន ការបង្រ្កាបទេ សម្ងំទទួលផលប្រយោជន៍ជាថ្នូរ ។
រីឯអាជ្ញាធរនិងសមត្ថកិច្ចពាក់ ព័ន្ធនៅក្នុងស្រុកពញាក្រែក ខេត្តត្ចូងឃ្មុំ បាននាំគ្នារក្សាភាពសស្ងៀមស្ងាត់បណ្តោយអោយបុគ្គលម្នាក់នោះ ដែលជាហេតុធ្វើអោយប្រជាពល រដ្ឋរស់នៅស្រុកពញាក្រែក មានការព្រួយ បារម្ភភ័យខ្លាចចំពោះបញ្ហាអសន្តិសុខសង្គម និងអំពើចោរកម្មចោរលួច.ចោរឆក់.ចោរ ប្លន់ .ចោរគាស់ផ្ទះនិងប្រើអំពើហិង្សាគ្រួសារគ្រឿង ញៀនកើត មានគួរអោយកត់សម្គាល់ដើម ចមចេញពីល្បែងសុីសងនេះឯង។
ប្រជាពលរដ្ឋរស់នៅក្នុងមូលដ្ឋានសូមអំពាវ នាវដល់ថ្នាក់ ដឹកនាំក្រសួងមហាផ្ទៃជាពិសេ សលោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិនិងលោកសន្តិបណ្ឌិត សុខ ផល ប្រធានគណៈ កម្មការប្រយុទ្ធប្រឆាំងបង្រ្កាបបទល្មើសល្បែងសុីសងគ្រប់ប្រភេទទូទាំងប្រទេសនិងលោក ជាម ច័ន្ទសោភ័ណ អភិបាលខេត្តត្បូង ឃ្មុំ ចាត់មន្ត្រីក្រោមឱវាទ ចុះត្រួតពិនិត្យ កាស៊ីណូចក្រក្រវាឡជាយដែននិងទប់ស្កាត់ទង្វើរមិនប្រក្រតី របស់បុគ្គលម្នាក់នេះដែលហ៊ានបើកចំហរអោយប្រជាពលរដ្ឋខ្មែរចូល លេងល្បែងសុីសងជល់មាន់និងល្បែងច្រើនប្រភេទទៀត ដែលប្រឆាំងបទបញ្ជារប្រមុខរាជរដ្ឋាភិបាល៕មានត