ព្រៃវែង៖ក្រុមអាជីវករអ្នករកស៊ីដឹកទំនិញរត់ពន្ធទំនិញឆ្លងដែនចេញចូលពីប្រទេស វៀត ណាម -កម្ពុជា កម្ពុជា-វៀតណាមបានបង្ហើបអោយដឹងថា ចាប់តាំងពីលោក ខៀវ សារឿន ចូលមក កាន់តំណែងថ្មីជាប្រធានស្នាក់ការ គយចល័តតំបន់២ បង្ការនិងបង្រ្កាបបទល្មើសរត់ពន្ធនោះមកគឺលោកបានប្ដូរប្រព័ន្ធ បង់ លុយខុសពីមុនក្នុងគោល បំណងរក្សាការ សម្ងាត់កុំឱ្យបែកធ្លាយដល់អ្នកកាសែត ដោយបានកំណត់ឱ្យអាជីវករទៅបង់លុយដាក់ខែ នៅផ្ទះរបស់លោកផ្ទាល់ស្ថិត នៅភូមិពានី ឃុំល្វា ស្រុកព្រះស្ដេច។
ប្រភពដដែលបានបន្តឲ្យដឹងថា កាលពីជំនាន់លោក ផែន ភឿន ជាប្រធានស្នាក់ការគយចល័តតំបន់២ គឺមានការកំណត់ យកលុយពីអាជីវករ ដាក់ហោប៉ាវដែរ ប៉ុន្តែមិនតឹងតែងដូចលោក ខៀវ សារឿន ទេ។ហើយលោកក៍បានរៀបចំប្រព័ន្ធគ្រប់គ្រងថ្មី ដោយគាបយកលុយពីអាជីវករ អ្នកដឹកទំនិញពីវៀតណាមចូលខ្មែរច្រើនជាងមុន ជាហេតុនាំឱ្យពួកគាត់រកប្រាក់ចំណេញលែងបាន។ សម្រាប់រថយន្តធុនតូចក្នុង ១រថយន្ត ៗចំនួន ២០ម៉ឺនរៀលជាកំហិត, រថយន្តធុនមធ្យមយកចាប់ពី ៣០ម៉ឺនរៀលទៅ៥០ម៉ឺន រៀល ក្នុង១ រថយន្ត, រថយន្តធុនធំ យកចាប់ ពី ៥០ម៉ឺនរៀលទៅ៨០ម៉ឺនរៀលក្នុង១រថយន្ត ។ ជាមួយគ្នានោះ បើសម្រាប់រថយន្តដឹកទំនិញសំខាន់ៗដូចជាគ្រឿងដែក គ្រឿង ម៉ាស៊ីន ចេញពីវៀតណាម ចូលមកខ្មែរឆ្លងកាត់ផ្លូវជាតិលេខ១ គឺកំណត់យករហូតដល់រាប់រយរាប់ពាន់ដុល្លារឯណោះក្នុង១ រថយន្ត ៗ ហើយការបង់លុយទាំងនោះ មិនដែលមានក្រដាសស្នាម វិក្កយប័ត្រឬចុងសន្លឹក បង្កាន់ដៃបង់ពន្ធចូលរដ្ឋអ្វីនោះទេ។
ជាងនេះទៀតនោះ រាល់ថ្ងៃនេះគេសង្កេតឃើញថាក្រុមឈ្មួញជាច្រើនអ្នកមានទាំងខ្នាតតូច និងខ្នាតធំ បាននាំគ្នាសម្រុកដឹកជញ្ជូនទំនិញផ្សេងៗដូចជាគ្រឿងដែកគ្រឿង ជ័រអីវ៉ាន់ចាប់ ហួយបន្លែផ្លែឈើចេញពីវៀត ណាមចូលមកកម្ពុជា ដោយគេចពន្ធ និងបង់ពន្ធមិនគ្រប់តាមច្រកទ្វារព្រំដែននានាទាំង ថ្ងៃទាំងយប់ ដឹកគ្មានឈប់ឈររួមទាំងរថយន្តក្រុងផងដែរជា ហេតុធ្វើឲ្យសមត្ថកិច្ចជំនាញដេកចាំទទួលផលស្រាប់ៗយ៉ាងច្រើនសន្ធឹកសន្ធាប់ជាថ្នូរមិនបង្ក្រាបទំនិញគេចពន្ធ ឬផាកពិន័យចូលរដ្ឋជាដើម។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក ខៀវ សារឿន ប្រធានស្នាក់ការគយចល័តតំបន់២បង្ការនិងបង្រ្កាបបទល្មើសរត់ពន្ធផ្លូវជាតិលេខ ១ រាល់ម៉ោងធ្វើការ៕មានត
