ភ្នំពេញ៖តាមប្រភពពីប្រជាពលរដ្ឋរស់នៅក្នុងភូមិ៨សង្កាត់បឹងត្របែក ខណ្ឌចំការមន បានបង្ហើបអោយដឹងថា រាល់ថ្ងៃមានទីតាំងល្បែងសុីសងអាប៉ោងខុសច្បាប់នឹងល្បែងជាច្រើនប្រភេទទៀតនៅ ក្នុងឃ្លាំងមួយកន្លែងដែលជាប់និង”ក្លឹបបាល់ទះ០៩ ” ដែលនិងកំពុងបើកលេងយ៉ាងគឃ្លើនផ្គើនទៅនឹងបទបញ្ជាសម្ដេចតេជោ ហ៊ុន សែន ។
ប្រភពបានបន្តទៀតថា ល្បែងអាប៉ោងដែលកំពុងបើកលេងរាល់ថ្ងៃនៅក្នុងឃ្លាំងមួយនេះជារបស់អ្នកធំម្នាក់នៅក្រសួងមហាផ្ទៃ! ដែលស្ថិតនៅតាមបណ្តោយផ្លូវលេខ ៤៧៤ ក្រុម ទី២៧ នៅក្នុងភូមិ៨ សង្កាត់បឹងត្របែក ខណ្ឌចំការមន រាជធានីភ្នំពេញ ទើបអាជ្ញាធរនិងសមត្ថកិច្ចក្នុងមូលដ្ឋានមិនហ៊ានបង្រ្កាបនាំគ្នារក្សាភាពស្ងៀមស្ងាត់ ទុកអោយក្រុម ញៀនល្បែងទាំងនោះបើកលេងយ៉ាងរលូនមិនធ្វើការបង្ក្រាបអោយស្របតាមគោលនយោបាយ ភូមិ ឃុំ សង្កាត់ មានសុវត្ថិភាព ៧ ចំណុចដែលរាជដ្ឋាភិបាលបានដាក់ចេញអោយអនុវត្តន៍នោះទេ។
ប្រភពដដែលបានបន្ថែមថា ទីតាំងល្បែងអាប៉ោងនិងល្បែងជាច្រើនប្រភេទទៀតខាង លើបើកលេងមិនញញើតច្បាប់នោះទេ គេសង្ស័យថា អាជ្ញាធរនិងសមត្ថកិច្ចពាក់ព័ន្ធនៅក្នុងមូលដ្ឋានជាអ្នកបើកភ្លើងខៀវអោយម្ចាស់ទីតាំងល្បែងអាប៉ោងខុសច្បាប់ទេដឹង? ទើបបានជាហ៊ានដំណើរការបើកលេងល្បែងស្រែកហ៊ោកញ្ជៀវ យ៉ាងអនាធិបតេយ្យមិនខ្លាចញញើតនិងការបង្រ្កាបនោះ។
ប្រជាពលរដ្ឋរស់នៅក្បែរទីតាំងល្បែងសុីសងអាប៉ោងនេះមានការព្រួយបារម្ភនិងភ័យខ្លាចអំពីអសន្តិសុខសង្គមនិងអំពើចោរកម្ម ចោរ លួច.ចោរឆក់. ចោរប្លន់.ចោរគាស់ផ្ទះនិងប្រើអំពើហិង្សាក្នុងគ្រួសារដើមចមកើតចេញពីល្បែងសុីសងនេះឯង។
ប្រជាពលរដ្ឋក្នុងមូលដ្ឋានខាងលើសូមអំពាវ នាវដល់លោក នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេ ខាធិការក្រសួងមហាផ្ទៃ និងជាប្រធានគណៈ កម្មការបង្ការបង្ក្រាបទប់ស្កាត់បទល្មើសល្បែ ងស៊ីសងទូទាំងប្រទេស រួមទាំងលោកឃួង ស្រេង អភិបាលរាជធានីភ្នំពេញ និងឧត្តមសេនីយ៍ឯក ស ថេត ស្នងការនគរបាលរាជ ធានីភ្នំពេញ សូមមេត្តាដឹកនាំក្រុមការងារចុះត្រួតពិនិត្យ និងបង្រ្កាបទីតាំងល្បែងស៊ីសងអាប៉ោងខុសច្បាប់ គ្រប់ប្រភេទ កំពុងដំណើរការបើកលេងនៅក្នុងឃ្លាំងជាប់និង”ក្លិបបាល់ ទះ០៩” នេះផងទាន។
មហាជនក៍ដូចប្រជាពលរដ្ឋនាំ គ្នារិះគន់ អាជ្ញាធរនិងសមត្ថកិច្ចក្នុងមូលដ្ឋានខណ្ឌចំការមន មិនគួរបណ្ដោយអោយមានល្បែងសុីសងក្នុងមូលដ្ឋានរបស់ខ្លួនមិនបង្ក្រាបឬមួយល្បែងអាប៉ោងនៅក្នុងឃ្លាំងមួយនេះមានអាថ៌កំបាំង?៕មានត