ខេត្តត្បូងឃ្មុំ ៖ តាមប្រភពសេចក្តីរាយការណ៍ថ្មីពី ប្រជាពលរដ្ឋរស់នៅក្នុងស្រុកពញាក្រែកខេត្តត្បូងឃ្មុំ បានបង្ហើបអោយដឹងថា បុគ្គលដែលហ៊ានបើកល្បែងជល់ មាន់ អាប៉ោង យូគី ហ្គេមបាញ់ត្រីនិងល្បែងតាមប្រពន្ធ័ អនឡាញជាច្រើនប្រភេទទៀត យ៉ាងពេញទំហឹងនោះប្រហែល ជាមានខ្នងបង្អែករឹងមាំ នៅពីក្រោយនិងមានឥទ្ធិពលខ្លាំងទើបអាចធ្វើអ្វីៗបានតាមអំពើ ចិត្តនៅក្នុងកាស៊ីណូចក្រក្រវាឡជាយដែននេះ។
បើទោះបីរាជរដ្ឋាភិបាលបានប្រកាសនៅ ពេលថ្មីៗ បិទល្បែងអនឡាញគ្រប់ប្រភេទ ទូទាំងប្រទេស បែរជាម្ចាស់ កាស៊ីណូចក្រក្រវាឡជាយដែន ថ្លេីមធំ ហ៊ាន បេីកចំហរអោយពលរដ្ឋខ្មែរនិងជនអន្តោប្រវេសន៍ ចូលលេងភ្នាល់ដាក់លុយចាញ់ឈ្នះរាប់លាន រាប់ពាន់ដុល្លារ សុីសងខុសច្បាប់ ដោយសេរី ដោយឡែកសមត្ថកិច្ចពាក់ព័ន្ធក្នុងខេត្តត្បូង ឃ្មុំ ហាក់ធ្វើមិនដឹងមិនឮអ្វីទាំងអស់។
ហេតុនេះលោក នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ មិនគួរមេីលរំលងភាពអសកម្ម របស់លោកម៉ុន មាគ៌ាស្នងការដ្ឋាននគរបាលខេត្ត ត្បូងឃ្មុំ បណ្តែតបណ្តោយអោយមានល្បែង សុីសងខ្នាតធំ នៅក្នុងស្រុកពញាក្រែកធ្វើ អោយប៉ះពាល់ដល់សន្តិសុខសង្គម។
ប្រភពពីពលរដ្ឋដដែលបានបង្ហើបអោយដឹងទៀតថា បុគ្គលម្នាក់នេះ ប្រហែលមានខ្នងបង្អែករឹងមាំនៅពីក្រោយ ទេីបហ៊ាន បេីក ចំហរអោយពលរដ្ឋខ្មែរចូលលេងល្បែងសុី សងក្នុងកាសុីណូចក្រក្រវាឡជាយដែន រាល់ថ្ងៃសុក្រ សៅរ៍ អាទិត្យ យ៉ាងពពាក់ពពូន។ប្រភពខ្លះបានបន្តថា កាស៊ីណូមួយកន្លែងខាងលើនេះមិនមាន ច្បាប់អនុញ្ញាតនោះទេចំណែកលោក អធិការដ្ឋាននគរបាលស្រុកពញាក្រែកមិនចាត់វិធានការបង្រ្កាបទេ សម្ងំទទួលផលប្រយោជន៍ ជាថ្នូរ ។
រីឯអាជ្ញាធរនិងសមត្ថកិច្ចពាក់ ព័ន្ធនៅក្នុងស្រុកពញាក្រែកខេត្តត្ចូងឃ្មុំបាននាំគ្នារក្សាភាពសស្ងៀមស្ងាត់បណ្តោយអោយបុគ្គលម្នាក់នោះ ដែលជាហេតុធ្វើ អអោយប្រជាពលរដ្ឋរស់នៅស្រុកពញាក្រែកមានការព្រួយ បារម្ភភ័យខ្លាចចំពោះបញ្ហាអសន្តិសុខសង្គម និងអំពើចោរកម្មចោរលួច.ចោរឆក់.ចោរ ប្លន់.ចោរគាស់ផ្ទះនិងប្រើអំពើហិង្សាគ្រួសារគ្រឿងញៀនកើត មានគួរអោយកត់សម្គាល់ដើម ចមចេញពីល្បែងសុីសងនេះ ឯង។
ប្រជាពលរដ្ឋរស់នៅក្នុងមូលដ្ឋាន សូមអំពាវ នាវដល់ថ្នាក់ដឹកនាំក្រសួងមហាផ្ទៃជាពិសេ សលោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិនិងលោកសន្តិបណ្ឌិត សុខ ផល ប្រធានគណៈ កម្មការប្រយុទ្ធប្រឆាំងបង្រ្កាបបទល្មើសល្បែងសុីសងគ្រប់ប្រភេទទូទាំងប្រទេសនិងលោក ជាម ច័ន្ទសោភ័ណ អភិបាលខេត្តត្បូង ឃ្មុំ ចាត់មន្ត្រីក្រោមឱវាទ ចុះត្រួតពិនិត្យ កាស៊ីណូចក្រក្រវាឡជាយដែននិងទប់ស្កាត់ទង្វើរមិនប្រក្រតី របស់បុគ្គលម្នាក់នេះដែលហ៊ានបើកចំហរអោយប្រជាពលរដ្ឋខ្មែរចូល លេងល្បែងសុីសងជល់មាន់និងល្បែងច្រើនប្រភេទទៀតប្រឆាំងបទបញ្ជារប្រមុខរាជរដ្ឋាភិបាល៕
