ខេត្តត្បូងឃ្មុំ ៖ បើទោះបីជាប្រមុខរាជរដ្ឋាភិ បាលកម្ពុជា បានដាក់ចេញនូវបទបញ្ជាដល់ អភិបាល ទាំង២៥ រាជធានី ខេត្ត អោយបិទ បនល្បែងសុីសងខុសច្បាប់គ្រប់ប្រភេទទូទាំងប្រទេសយ៉ាងណាក៍ដោយក៍ម្ចាស់ “កាស៊ីណូ” គ្មានស្លាកយីហោ មួយកន្លែងនេះនៅតែបន្តបើកលេងគគ្រឹកគគ្រេងដដែល ដែលស្ថិតនៅភូមិដា ឃុំដា ស្រុកមេមត់ខេត្តត្បូងឃ្មុំ គឃ្លើនផ្គើនបទបញ្ជាប្រមុខរាជរដ្ឋាភិ បាលហ៊ានបើកអោយពលរដ្ឋខ្មែរចូលលេងល្បែងសុីសងជល់មាន់ បៀរ អាប៉ោង ហ្គេមបាញ់ត្រីនិងយូគី ខុសច្បាប់យ៉ាងពេញបន្ទុក ចំណែក អាជ្ញាធរនិងសមត្ថកិច្ចនៅក្នុងមូល ដ្ឋានបាននាំគ្នារក្សាភាពស្ងៀមស្ងាត់ទុកអោយម្ចាស់ “កាស៊ីណូ”គ្មានស្លាកយីហោធ្វើព្យុះភ្លៀងតាមអំពើចិត្ត ។
បើតាមប្រភពរាយការណ៍ពីប្រជាពលរដ្ឋនិងក្រុមអ្នកញៀនល្បែងចេញចូលទៅលេងនៅទីនោះបានអោយដឹងថា ម្ចាស់ “កាស៊ីណូ” គ្មានស្លាកយីហោបង្កប់ល្បែងសុីសងនោះ មានឈ្មោះស្រ៊ុន ម៉េងលឹម និងឈ្មោះ វ៉ា កំពុងកៀងគរអតិថិជន គ្រប់ពីមជ្ឈដ្ឋានមិន ថាជិតឬឆ្ងាយដើម្បីចូលមកលេងល្បែងសុី សងខុសច្បាប់ គ្រប់ប្រភេទនាំគ្នាស្រែកហ៊ោ កញ្ជៀវយ៉ាងអនាធិបតេយ្យមិនរំខានដល់អាជ្ញាធរនិងសមត្ថកិច្ចឡើយ។
ប្រជាពលរដ្ឋរស់នៅក្បែរ “កាស៊ី ណូ” គ្មានស្លាកយីហោខាងលើ កំពុងព្រួយបារម្ភភ័យ ខ្លាចបញ្ហាអសន្តិសុខសង្គម អំពើចោរកម្ម ចោរលួចឆក់. ប្លន់.គាស់ផ្ទះ.ប្រើអំពើហឹង្សាគ្រួសារដើមចមកើតចេញពីល្បែងសុីសងនេះឯង។ដូច្នេះប្រជាពលរដ្ឋសូមអំពាវនាវដល់លោកនាយឧត្តមសេ នីយ៍សន្តិបណ្ឌិត នេត សាវឿន អគ្គស្នងការនគរបាលជាតិនិងលោក សន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ និងជាប្រធានគណៈកម្មការបង្ការបង្រ្កាបទប់ស្កាត់បទ ល្មើសល្បែងស៊ី សងទូទាំងប្រទេសមេត្តាពិនិត្យទីតាំងបនល្បែងសុីសងខុស ច្បាប់គ្រប់ប្រភេទ កំពុង បើកចំហរអោយពលរដ្ឋខ្មែរចូលទៅលេងយ៉ាងគគ្រឹកគគ្រេងនៅក្នុង “កាស៊ី ណូ” គ្មានស្លាកយីហោ មួយកន្លែងខាងលើនេះផងទាន ។
ដែលបញ្ហានេះលោក ជាម ច័ន្ទសោភ័ណ្ឌ អភិបាលខេត្តត្បូងឃ្មុំ លោក ម៉ុន មាគ៌ា ស្នងការនគរបាលខេត្តត្បូងឃ្មុំ និងលោក វ៉ា សា រិទ្ធ មេបញ្ជាការកងរាជអាវុធហត្ថខេត្តត្បូងឃ្មុំ បើពិតមិនបានជាប់ពាក់ព័ន្ធនឹងផលប្រយោ ជន៍នោះទេ គួរចាត់វិធានការបង្រ្កាបល្បែងសុី សងខុសច្បាប់គ្រប់ប្រភេទដែលបង្កប់នៅក្នុង “កាស៊ីណូ”គ្មានស្លាកយីហោ អោយមានប្រសិទ្ធភាពអោយស្របតាមគោលនយោបា យ ភូមិ ឃុំ សង្កាត់មានសុវត្ថិភាព៧ ចំណុច ផង៕មានត