ភ្នំពេញ ៖ប្រភពពីប្រជាពលរដ្ឋរស់នៅភូមិព្រៃទាសង្កាត់ចោមចៅ៣បានបង្ហើបអោយដឹងថាម្ចាស់ទីតាំងបនល្បែងសុីសងបៀរការរ៉ាត់ រ៉ូឡែត និងហ្គេមបាញ់ត្រី ខុសច្បាប់ ប្រភេទ របៀបកាស៊ីណូកំពុងបើកលេងយ៉ាងអនាធិបតេយ្យនៅតាមបណ្តោយផ្លូវ ១១៣ ស្ថិតនៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ អាជ្ញាធរមានសមត្ថកិច្ចក្នុងមូលដ្ឋានរក្សាភាពស្ងៀមស្ងាត់។
ប្រភពបានបន្តអោយដឹងថា មានទីតាំងបនល្បែងស៊ីសង ខុសច្បាប់ គ្រប់ប្រភេទ នៅក្នុងមូលដ្ឋានខាងលើ គេសង្ស័យ អាជ្ញាធរមានសមត្ថកិច្ចក្នុងមូលដ្ឋាន ជាអ្នកបើកភ្លើងខៀវឲ្យពីម្ចាស់ទីតាំងបនល្បែងខុសច្បាប់ បានហ៊ានដំណើរការបើកលេងបានយ៉ាងរំភើយ ជារៀង រាល់ថ្ងៃ មិនដែលឃើញអាជ្ញាធរមានសមត្ថកិច្ចមូលដ្ឋាន ណាហ៊ានចុះមកធ្វើការ ទប់ស្កាត់និងបង្រ្កាប អោយស្របតាមគោលនយោបាយភូមិ ឃុំ សង្កាត់ អោយមានសុវត្ថិភាព ទាំង៧ ចំណុច របស់រាជរដ្ឋាភិ បាល ដែលបានដាក់ចេញដោយក្រសួងមហាផ្ទៃ។
គួររំលឹកថាកាលថ្ងៃទី១៧ ខែ កញ្ញា ឆ្នាំ២០ ២២ សម្តេចតេជោ ហ៊ុន សែន បានចេញបទបញ្ជាដាច់ណាត់មួយ អោយលោកអភិបាល រាជធានី ទាំង២៥ ខេត្ត ក្រុង ត្រូវបង្រ្កាបទីតាំងបនល្បែងស៊ីសងខុស ច្បាប់ គ្រប់ប្រភេទ ទូទាំងប្រទេសអោយមានប្រសិទ្ធភាព ដោយឡែកបនល្បែងស៊ីសង ខុសច្បាប់ មួយចំនួនក្នុង ខណ្ឌពោធិ៍សែនជ័យ នៅតែបន្ត បើកលេងគគ្រឹកគគ្រេងយ៉ាងអនាធិបតេយ្យ អាជ្ញាធរមានសមត្ថកិច្ចក្នុងមូលដ្ឋាន មិនបង្រ្កាប តាមបទបញ្ជាសម្តេចតេជោ ហ៊ុន សែន នោះទេ! ប្រជាពលរដ្ឋរស់នៅក្នុងមូល ដ្ឋានខាងលើសូមអំពាវនាវដល់លោក ឃួង ស្រេង អភិបាលរាជធានីភ្នំពេញ ជាពិសេឧត្តមសេនីយ៍ឯក ស ថេត ស្នងការនគរ បាលរាជធានីភ្នំពេញ សូមមេត្តាចាត់កម្លាំងជំនាញចុះត្រួតពិនិត្យ និងបង្រ្កាប ទីតាំងបនល្បែងស៊ីសង បៀរការ៉ាត់ រ៉ូឡែត និងហ្គេមបាញ់ត្រី ខុសច្បាប់ មួយកន្លែងកំពុងបើកលេងនៅមូលដ្ឋានខាងលើនេះ ផងទាន ។
ប្រជាពលរដ្ឋរស់នៅក្បែរល្បែងសុីសងខុសច្បាប់ខាងលើមាន ការព្រួយបារម្ភភ័យខ្លាចកើត មានអំពើចោរកម្មចោរលួចចោរឆក់.ចោរប្លន់.ចោរគាស់ផ្ទះប្រើអំពើហិង្សាដើម ចមចេញពីល្បែងសុីសងនេះ ឯង៕
