ខេត្តព្រៃវែង៖ ប្រភពថ្មីៗពីប្រជាពលរដ្ឋរស់ នៅក្បែរល្បែងសុីសងបានបង្ហើបអោយដឹងថា ទីតាំង “កាសុីណូ”មួយកន្លែង នៅច្រកព្រំដែនស្វាយអាង៉ោង ស្ថិតនៅភូមិចាម ឃុំចាម ស្រុកកំពុងត្របែក ខេត្តព្រៃវែងបើកដំណើរការឡើងវិញហើយ ហើយនៅតែបន្ត បើកចំហរអោយពលរដ្ឋខ្មែរចូល លេងល្បែងស៊ីសងយ៉ាងគគ្រឹក គគ្រេង អានាធិបតេយ្យ អាជ្ញាធរសមត្ថកិច្ចមូលដ្ឋាន ឃុំ ស្រុក នាំគ្នារក្សាភាពស្ងៀមស្ងាត់ មិនបង្រ្កាប។
ប្រភពបានបន្តថា”កាសុីណូ” ដែលបើកចំហរអោយពលរដ្ឋខ្មែរចូលលេងរាល់ថ្ងៃនេះគ្មានច្បាប់អនុញាតទេ ប៉ុន្តែមានខ្នងបង្អែករឹងមាំចាំជួយជ្រុំជ្រែង។ហេតុនេះលោក ជា សុមេធី អភិបាលខេត្តព្រៃវែងនិងលោក ព្រុំ សន្ធរ ស្នងការនគរបាលខេត្តព្រៃវែង មិនគួរបណ្តោ យអោយម្ចាស់ “កាស៊ីណូ” ខាងលើធ្វើអ្វីៗតាមអំពើចិត្តផ្ទុយពីច្បាប់អនុញ្ញាតិនោះទេ។
ប្រជាពលរដ្ឋសូមអំពាវនាវដល់ថ្នាក់ដឹក នាំក្រសួងមហាផ្ទៃ ជាពិសេសលោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិនិងលោកសន្តិបណ្ឌិត សុខ ផល រដ្ឋលេខាធិការក្រសួងមហាផៃ្ទនិងជាប្រធានគណៈកម្មការប្រយុទ្ធប្រឆាំងបទល្មើសល្បែងសុីសងទូទាំងប្រទេសមេត្តាពិនិត្យទីតាំង “កាស៊ីណូ” នៅច្រកព្រំដែនស្វាយអាង៉ោងដែលកំពុងធ្វើព្យុះភ្លៀងគៀង គរប្រជាពលរដ្ឋខ្មែរចូលលេងល្បែងសុីសង ជល់មាន់និងអាប៉ោងខុសច្បាប់និងល្បែងច្រើនប្រភេទទៀតក្នុងកាសុីណូមួយនេះ។
ប្រភពក្រុមញៀនល្បែងបានបន្តអោយដឹងថា “កាសុីណូ” ខាងលើនេះមួយថ្ងៃៗមានអ្នក ញៀនល្បែងជិះឡាននិងម៉តូសេរីទំនើបៗ រាប់សិបគ្រឿងនាំគ្នាចូលលេងល្បែងយ៉ាងរំភើយជារៀងរាល់ថ្ងៃមិនខ្លាចញញើតអាជ្ញាធរមានសមត្ថកិច្ចក្នុងមូលដ្ឋានបង្រ្កាបឡើយហើយមិនអនុវត្តន៍ ៣ការពារ ៣កុំ ដែលរាជរដ្ឋាភិបាលបានដាក់ចេញអនុវត្តន៍នោះទេ។
ប្រជាពលរដ្ឋមានចម្ងល់ដូចៗថា ហេតុអ្វីបានលោក ជា សុមេធី អភិបាលខេត្តព្រៃវែង និងលោក ព្រំ សន្ធរ ស្នងការនគរបាលខេត្តព្រៃ វែង មើលរំលង “កាស៊ីណូ” មួយកន្លែងនេះដែលកំពុងបើកចំហរពង្វក់អោយពលរដ្ឋខ្មែរចូលលេងផ្ទុយច្បាប់អនុញាតិ ។ទុកអោយម្ចាស់ “កាស៊ីណូ ” គៀងគរពលរដ្ឋខ្មែរចូល លេងល្បែងជល់មាន់ និងអាប៉ោងខុសច្បាប់និងល្បែងផ្សេងទៀតយ៉ាងពេញបន្ទុកបង្កអោយមាន អំពើចោរកម្ម ចោរលូច.ឆក់. ប្លន់. គាស់ផ្ទះនិងប្រើអំពើហិង្សាគ្រួសារកើតមានគួរអោយកត់ សម្គាល់ដើមចមចេញពីល្បែង សុីសងនេះឯង។
មហាជនក៍ដូចប្រជាពលរដ្ឋដាក់ការសង្ស័យ ថា ប្រហែល ម្ចាស់ “កាស៊ីណូ” បានផ្ដល់ ផលប្រយោជន៍ប្រចាំខែជូនអាជ្ញាធរមានសមត្ថកិច្ចពាក់ព័ន្ឋក្នុងមូលដ្ឋាន ឃុំ ស្រុក កំពង់ត្របែក ខេត្តព្រៃវែង រួចរាល់អស់ហើយទេដឹង? បាននាំគ្នារក្សាភាពស្ងៀមស្ងាត់ មិនចាត់វិធានការបង្ក្រាប ដើម្បីសន្តិសុខ សង្គម អោយស្របតាមគោលនយោបាយភូមិ ឃុំ មានសុវត្ថិភាព ៧ ចំណុច របស់ប្រមុខរាជរដ្ឋាភិបាលដែលបានដាក់ចេញអោយអនុ វត្តន៍និងស្របតាមបទបញ្ជាររបស់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃផង។
ដែលបញ្ហានេះលោក ជា សុមេធី អភិបាលខេត្តព្រៃវែងលោក ព្រំ សុន្ទរ ស្នងការខេត្តព្រៃវែងនិងលោក ឈួន គឹមសាន មេបញ្ជាការកងរាជអាវុធហត្ថខេត្តព្រៃវែង បើពិតមិនបានជាប់ពាក់ព័ន្ធនឹងផលប្រយោជន៍នោះទេ? គួរចាត់វិធានការបង្រ្កាបម្ចាស់កាសុីណូនៅច្រកព្រំដែនស្វាយអាង៉ោង ស្រុកកំពង់ត្របែកដែលបើកចំហរអោយប្រជាពលរដ្ឋខ្មែរចូលលេងល្បែងសុីសងនោះអោយមានប្រសិទ្ធភាព ៕មានត
