ត្បូងឃ្មុំ៖ បើទោះបីជាប្រមុខរាជរដ្ឋាភិបាលកម្ពុជា បានដាក់ចេញនូវបទបញ្ជា ដល់ អភិបាល ទាំង២៥ រាជធានី ខេត្ត អោយ បិទបនល្បែងសុីសងខុសច្បាប់គ្រប់ប្រភេទ ទូទាំងប្រទេសយ៉ាងណាក៍ដោយក៍ម្ចាស់ “កាស៊ីណូ” គ្មានស្លាកយីហោ មួយកន្លែងដែលស្ថិត នៅភូមិដា ឃុំដា ស្រុកមេមត់ ខេត្តត្បូង ឃ្មុំ នៅតែគឃ្លើនផ្គើនបទបញ្ជាប្រមុខរាជរដ្ឋាភិបាលហ៊ានបើកអោយពលរដ្ឋខ្មែរចូលលេងល្បែងសុីសងជល់មាន់ បៀរ អាប៉ោង ហ្គេមបាញ់ត្រីនិងយូគី ខុសច្បាប់យ៉ាងពេញបន្ទុក ចំណែកអាជ្ញាធរនិងសមត្ថកិច្ចនៅក្នុងមូលដ្ឋាន បាននាំគ្នារក្សាភាពស្ងៀមស្ងាត់ទុកអោយម្ចាស់ “កាស៊ីណូ”គ្មានស្លាកយីហោធ្វើអ្វីៗតាមអំពើចិត្ត ។
បើតាមប្រភពរាយការណ៍ពីប្រជាពលរដ្ឋនិងក្រុមអ្នកញៀនល្បែងចេញចូលទៅលេងនៅទីនោះបានអោយដឹងថា ម្ចាស់ “កាស៊ីណូ” គ្មានស្លាកយីហោ ខាងលើនេះមានឈ្មោះស្រ៊ុន ម៉េងលឹមនិងឈ្មោះ វ៉ា កំពុងកៀងគរអតិថិជន គ្រប់ពីមជ្ឈដ្ឋានមិនថាជិតឬឆ្ងាយដើម្បីចូលមកលេងល្បែងសុីសងខុសច្បាប់ គ្រប់ប្រភេទនាំគ្នាស្រែកហ៊ោកញ្ជៀវយ៉ាងអនាធិបតេយ្យមិនរំខានដល់អាជ្ញាធរនិងសមត្ថកិច្ចឡើយ។ ប្រជាពលរដ្ឋរស់នៅក្បែរ “កាស៊ីណូ” គ្មានស្លាកយីហោស្ថិតនៅភូមិដា ឃុំដា ស្រុកមេមត់ ខេត្តត្បូងឃ្មុំ កំពុងព្រួយបារម្ភភ័យខ្លាចបញ្ហាអសន្តិសុខសង្គម អំពើចោរកម្ម និងបទល្មើសផ្សេងៗ ដូចជា៖ចោរ លួច.ឆក់. ប្លន់.គាស់ផ្ទះ.និងប្រើអំពើហឹង្សាគ្រួសារ ដើមចមកើតចេញពីល្បែងសុីសងនេះឯង។ ។
ដូច្នេះប្រជាពលរដ្ឋសូមអំពាវនាវដល់លោកនាយឧត្តមសេនីយ៍សន្តិបណ្ឌិតនេត សាវឿន អគ្គស្នងការនគរបាលជាតិនិងលោក សន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ និងជាប្រធានគណៈកម្មការបង្ការ បង្រ្កាបទប់ស្កាត់បទល្មើសល្បែងស៊ីសងទូទាំងប្រទេស មេត្តាពិនិត្យទីតាំងបនល្បែង សុីសងខុសច្បាប់គ្រប់ប្រភេទ កំពុងបើក ចំហរអោយពលរដ្ឋខ្មែរចូលទៅលេងយ៉ាងគគ្រឹកគគ្រេងនៅក្នុង “កាស៊ីណូ” គ្មានស្លាកយីហោ មួយកន្លែងខាងលើនេះផងទាន ។
ដែលបញ្ហានេះលោក ជាម ច័ន្ទសោភ័ណ អភិបាលខេត្តត្បូងឃ្មុំ លោក ម៉ុន មាគ៌ា ស្នងការនគរបាលខេត្តត្បូងឃ្មុំនិងលោក វ៉ា សារិទ្ធ មេបញ្ជាការកងរាជអាវុធហត្ថខេត្តត្បូងឃ្មុំបើពិតមិនជាប់ពាក់ព័ន្ធនឹងផលប្រយោជន៍នោះទេ គួរចាត់ វិធានការបង្រ្កាបល្បែងសុីសងខុសច្បាប់គ្រប់ប្រភេទដែលបង្កប់នៅក្នុង”កាស៊ីណូ”គ្មានស្លាកយីហោអោយមានប្រសិទ្ធ ភាពអោយស្របតាមគោល នយោបាយ ភូមិ ឃុំ សង្កាត់មានសុវត្ថិភាព៧ចំណុចផង៕
