ភ្នំពេញ៖ទីតាំងល្បែងសុីសងខុសច្បាប់ច្រើនប្រភេទនៅក្នុងឃ្លាំងមួយកន្លែងដែលនៅជាប់ និង”ក្លឹបបាល់ទះ០៩ ” កំពុងគគ្រឹកគគ្រេងបើកលេងបានយ៉ាងរំភើយ ឃ្លាំងបើកល្បែងនេះនៅតាមបណ្តោយផ្លូវលំលេខ ៤៧៤ ក្រុម ទី២៧ ស្ថិតនៅភូមិ៨ សង្កាត់បឹងត្របែក ខណ្ឌចំការមន រាជធានីភ្នំពេញ អាជ្ញាធរនិងសមត្ថកិច្ចក្នុងមូល ដ្ឋាន បាននាំគ្នារក្សាភាពស្ងៀម ស្ងាត់ទុកអោយក្រុមញៀនល្បែងធ្វើព្យុះភ្លៀងតាមអំពើចិត្តមិនហ៊ានធ្វើការបង្ក្រាប តាមអនុសាសន៍ដ៍ខ្ពងខ្ពស់របស់ សម្តេចតេ ជោ ហ៊ុន សែន នោះទេ។
បើតាមប្រភពពីប្រជាពលរដ្ឋបានរាយការណ៍ មកថា ទីតាំងល្បែងខាងលើនេះ បានផ្អាក់មួយរយ:ខ្លីបច្ចុប្បន្ននេះចាប់ ផ្តើមបើកលេងវិញហើយ គេសង្ស័យថា អាជ្ញាធរនិងសមត្ថ កិច្ចក្នុងមូលដ្ឋានជាអ្នកបើកភ្លើងខៀវអោយទីតាំងល្បែងខុសច្បាប់ច្រើនប្រភេទនេះហើ យទេដឹង? បានហ៊ានដំណើរការបើកលេងល្បែងស្រែកហ៊ោកញ្ជៀវយ៉ាងអនាធិបតេយ្យមិនខ្លាចញញើតនិងការបង្រ្កាប។ ប្រជាពល រដ្ឋរស់ នៅក្បែរទីតាំងល្បែងសុីសងនេះមានការព្រួយបារម្ភនិងភ័យខ្លាចអំពីបញ្ហាអសន្តិ សុខសង្គម អំពើចោរកម្ម និងបទល្មើសផ្សេង ៗដូចជា៖ចោរលួច.ឆក់. ប្លន់.គាស់ផ្ទះនិងប្រើអំពើហិង្សាក្នុងគ្រួសារដើមចមកើតចេញពីល្បែងសុីសងនេះឯង។
ប្រជាពលរដ្ឋក្នុងមូលដ្ឋានខាង លើសូមដល់លោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិនិង លោកសន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ និងជាប្រធានគណៈកម្មការបង្ការបង្ក្រាបទប់ស្កាត់បទល្មើសល្បែងស៊ី សងទូទាំងប្រទេសរួមទាំងលោក ឃួង ស្រេង អភិបាលរាជធានីភ្នំពេញនិងលោកឧត្តមសេ នីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ សូមមេត្តាដឹក នាំក្រុម ការងារចុះត្រួតពិនិត្យ និងបង្រ្កាបទីតាំងល្បែងស៊ីសងខុសច្បាប់ គ្រប់ប្រភេទ កំពុងដំណើរការបើកលេងនៅក្នុងឃ្លាំង ខាង លើនេះផង។
មហាជនក៍ដូចប្រជាពលរដ្ឋ នាំគ្នារិះគន់ អាជ្ញាធរនិងសមត្ថកិច្ចក្នុងមូលដ្ឋានខណ្ឌចំការមន មិនគួរបណ្ដោយអោយមានល្បែង សុីសងក្នុងមូលដ្ឋានខ្លួនមិនបង្ក្រាបឬទីតាំងឃ្លាំងល្បែងមួយនេះមានអាថ៌កំបាំង?៕មានត
