ខេត្តត្បូងឃ្មុំ ៖ កាស៊ីណូអតីតយីហោ (៦៩) ច្រកដូង៧ដើមបច្ចុប្បន្នគ្មានស្លាកយីហោដែល ស្ថិតនៅភូមិដារ ឃុំដារ ស្រុកមេមត់ ខេត្តត្បូងឃ្មុំ បានបិទមួយរយៈពេលខ្លីឥឡូវនេះចាប់បើកដំណើរការលេងល្បែងសុីសងឡើងវិញហើយដោយបើកចំហរអោយប្រជាពលរដ្ឋខ្មែរចូល លេងល្បែងសុីសងយ៉ាងគឃ្លើនផ្គើនទៅនិងបទបញ្ជារបស់ប្រមុខរាជរដ្ឋាភិបាល។កាស៊ីណូអតីតយីហោ (៦៩) ច្រកដូង៧ដើម ដែលគ្មានស្លាកយីហោនេះដែលមានម្ចាស់ឈ្មោះ ហេង បានជួលទៅអោយឈ្មោះស្រ៊ុន ម៉េងលឹម និងឈ្មោះ វ៉ា ពេលនេះបានបើកដំណើការលេងល្បែងសុី សងបន្តបើកចំហរអោយពលរដ្ឋខ្មែមកពីគ្រប់មជ្ឈដ្ឋាននានាចូលលេងល្បែងដោយសេរីមិនរំខានដល់អាជ្ញាធរសមត្ថកិច្ចក្នុងមូលដ្ឋានឡើយ។
បើតាមប្រភពពីក្រុមអ្នកញៀននិយមចូលលេងល្បែងសុីសងនៅទីតាំងនោះបានបន្ថែមអោយដឹងថា ឈ្មោះស៊្រុន ម៉េងលឹម តែងតែអំនួតអួតអាងយកឈ្មោះបងកន្លងមកបងជាអ្នកទំនួញឈើប្រណិតដែលរាជ រដ្ឋាភិបាលកំពុងតាមចាប់លាក់ ខ្លួនមិនដឹងនៅទីណានោះទេ? ប៉ុន្តែ ស៊្រុន ម៉េងលឹម នៅតែអួត ក្តែងៗ ថាខ្លួនជាម្ចាស់កាសុីណូអតីតយីហោ (៦៩)ច្រកដូង៧ដើម ដែលគ្មានស្លាកយីហោហើយក៍មិនខ្លាចអាជ្ញាធរសមត្ថកិច្ចក្នុងមូល ដ្ឋាននោះដែរ!ព្រោះខ្លួនបានបង់សួយសារជូនដល់មន្រ្តីជំនាញពាក់ពន្ធ័ចាប់ពីថ្នាក់ឃុំ ស្រុក ខេត្ត រហូតក្រសួងទៀតផង ។រាល់ថ្ងៃ កាសុី ណូអតីតយីហោ(៦៩)ច្រកដូង៧ដើមនៅតែ បើកចំហរអោយប្រជាពលរដ្ឋខ្មែរចូលលេងល្បែងសុីសងគគ្រឹកគគ្រេងដដែល បើទោះ បីជាមានសន្តិសុខនិងសមត្ថកិច្ចចាំពិនិត្យនៅទីនោះក៏ដោយចុះ។
ប្រភពក្រុមញៀនល្បែងដដែលបន្តអោយទៀតថា សកម្មភាពអ្នកមានលុយនៅស្រុកមេមត់ និងបណ្ដាខេត្តផ្សេងៗតែងតែជិះម៉ូតូនិងរថយន្តសេរីទំនើបៗគ្រប់ប្រភេទប្រមូលប្ដុំគ្នាមកលេងចាក់ភ្នាល់ដាក់លុយ ចាញ់ឈ្នះ រាប់មុឺនដុល្លារ មិនខ្វល់ការរីករាលដាលឆ្លងជំងឺកូវីដ១៩ ។ ទីតាំងល្បែងមួយនេះបើកចាក់ភ្នាល់ដោយសេរី ហ៊ោកញ្ជ្រៀវលាន់ ឮកងរំពងសុទ្ធ តែប្រជាពលរដ្ឋខ្មែរ ចូលលេង ក្លាយទៅ ជាទម្លាប់សម្រាប់តំបន់បនល្បែងបែបអនាធិបតេយ្យជ្រកក្រោមអាជ្ញា ប័ណ្ណ កាស៊ីណូស្របច្បាប់ ។
ការបើកអាជីវកម្មផ្ទុយពីច្បាប់អនុញ្ញាតប្រជាពលរដ្ឋរស់នៅស្រុកមេមត់សូមអំពាវនាវដល់មន្រ្តីជំនាញដូចជា:ក្រសួងសេដ្ឋកិច្ចនិង ហិរញ្ញវត្ថុ អគ្គស្នងការនគរបាលជាតិ នៃក្រសួងមហាផ្ទៃនិងនាយកដ្ឋានប្រឆាំងល្បែងពាណិជ្ជកម្ម អគ្គស្នងការនគរបាលជាតិ គួរមានវិធានការបង្ក្រាបចៀសវាងកន្ទេលធំបន្លំដេកបង្កអោយពលរដ្ឋខ្មែរវីវក់វង្វេងនឹងល្បែងស៊ីសង ក្លាយ ជាជន រងគ្រោះបាត់បង់ទ្រព្យ សម្បត្តិ ជម្លោះក្រុមគ្រួសារ និងបង្កើតអោយមានបទ ល្មើសក្នុងសង្គមផ្ទុយពីភូមិ ឃុំ មានសុវត្ថិភាព ដែលរាជរដ្ឋាភិបាល និង ក្រសួងមហាផ្ទៃដាក់ចេញអោយអនុវត្តន៍ ។
កន្លងមកករណីនេះ ជំនាញពាក់ព័ន្ធបាន សាចទឹកដាក់គ្នា របៀបដោះសារក្នុង ន័យគេចវេះមិនចាត់វិធានការបង្ក្រាប ហើយ ក៏ទទួលបានការចោទប្រកាន់ពីមហាជនថា ចិញ្ចឹមបទល្មើសតាមរយៈរត់ការបិទមាត់មន្ត្រីមានសមត្ថកិច្ចមួយចំនួនដែលប្រព្រឹត្តពុករលួយ ។
ដែលបញ្ហានេះលោក ជាម ចន្ទ័សោភ័ណ្ឌ អភិបាល ខេត្តត្បូងឃ្មុំ លោក ម៉ុន មាគ៌ា ស្នងការនគបាលខេត្តត្បូង ឃ្មុំនិងលោក វ៉ា សារិទ្ធ មេបញ្ជាការកងរាជ អាវុធហត្ថខេត្តត្បូងឃ្មុំបើពិតមិនបានជាប់ពាក់ពន្ធ័នឹងផលប្រយោជន៍នោះទេ ? គួរចាត់វិធានការបង្ក្រាបល្បែងសុី សងក្នុងកាសុីណូអតីតយីហោ (៦៩) ច្រក ដូង៧ដើមបច្ចុប្បន្នគ្មានស្លាកយីហោទេដែលស្ថិត នៅ ភូមិដារ ឃុំដារ ស្រុកមេមត់ខេត្តត្បូងឃុំ ដែលបើកដំណើរ ការឡើងវិញហើយ បើកចំហរអោយពលរដ្ឋខ្មែរចូលលេងយ៉ាងគគ្រឹកគគ្រេងដោយសេរីដែលផ្ទុយពីច្បាប់អនុញ្ញតិ៕មានត