ខេត្តតាកែវ៖យោងតាមប្រភពសេចក្តីរាយ ការណ៍ពីប្រជាពលរដ្ឋធ្វើដំណើរតាមផ្លូវជាតិ លេខ២ ក្នុងស្រុកគីរីវង់ ខេត្តតាកែវ បានបង្ហើបអោយដឹងថា លោក ឆាយ សាវុធ ស្នងការរងនគរបាលទទួលបន្ទុកផ្នែកចរាចរណ៍ផ្លូវគោកកំពុងបើកដៃអោយកូនចៅជំនិតៗរបស់ខ្លួនដាក់គោលដៅត្រួតពិនិត្យច្បាប់ចរា ចរណ៍ផ្លូវគោកនៅលើដង ផ្លូវជាតិលេខ២ ឆ្ពោះពីខេត្តតាកែវ ទៅច្រកទ្វារព្រំដែនអន្តរជាតិភ្នំដិនកម្ពុជា- វៀត ណាម ច្រកភ្នំដិន មានពីរគោលដៅ “ពោល” គឺ អនុវត្តច្បាប់ចរាចរណ៍ផ្លូវគោក ទាំងថ្ងៃទាំងយប់ចាំយក លុយពីក្បាលឡានដែលដឹកជញ្ជូនទំនិញតូច.ធំ.ចេញពីស្រុកយួនចូលមកស្រុកខ្មែររបៀបពុករលួយ។មហាជននិងប្រជាពលរដ្ឋបានមានចម្ងល់ដូចៗថា តើការអនុ វត្តច្បាប់ចរាចរណ៍ផ្លូវគោកត្រឹម តែមធ្យមឬ ? ចុះហេតុអ្វីបាន ការអនុវត្តជាក់ស្ដែង បែជាដាក់ កុងត្រូល ចាំយកលុយពីម្ចាស់រថយន្តដឹកជញ្ជូនទំនិញ មកពីច្រកទ្វារព្រំដែនអន្តរជាតិភ្នំដិន កម្ពុជា-វៀតណាម ទៅវិញ” តើថវិកា ដែលយកពីក្បាលឡានដឹកទំនិញតូច.ធំ ទាំងថ្ងៃ ទាំងយប់ រាប់រយឡាននោះបានចូលរដ្ឋដែរឬទេ?ឬចូលហោប៉ៅបក្ខពួកខ្លួនធ្វើមានបាន? បើពុំដែលឃើញចេញវិក័យប័ត្រអោយផងនោះ.? ។
ប្រភពពីប្រជាពលរដ្ឋបានបន្តអោយដឹងទៀត ថា បើយោងតាមច្បាប់ចរាចរណ៍ផ្លូវគោកគឺផ្នែកច្បាប់ចរាចរណ៍ផ្លូវគោក មានសិទ្ធិនឹងតួនាទី ត្រួតពិនិត្យ ទៅលើម្ចាស់រថយន្តដែល បើកបរ អត់បំពាក់ខ្សែក្រវាត់. អត់ឆៀក. អត់ បង់ពន្ធឆ្នាំ.អត់ស្លាកលេខ នឹងរថយន្ត កែឆ្នៃខុសបច្ចេកទេសស្តង់ដារតែប៉ុណ្ណោះ.! ទើប ផាកពិន័យ ។
ប្រភពពីរម្ចាស់ឡានដែលដឹកទំនិញចេញពីប្រទេសវៀតណាម ចូលមកប្រទេសខ្មែរតាមច្រកទ្វារព្រំដែនអន្តរជាតិភ្នំដិនឆ្ពោះមកទីផ្សារខេត្តតាកែវ ឬឆ្ពោះមករាជធានីភ្នំពេញបានបន្ថែមទៀតថា ពួកគាត់បានបង់ពន្ធគយរួច រាល់ហើយក៍ដោយក៍នៅតែចំណាយថវិកា បង់ អោយគោលដៅផ្នែកចរាចរណ៍ផ្លូវគោកចំនួនពីរគោលដៅនេះដដែល៖ ទីមួយស្ថិតក្នុងស្រុកគីរីវង្ស និងទីពីរគោលដៅចល័ត ស្ថិតនៅក្នុងស្រុកទ្រាំង ក្រុងដូនកែវ ដែល ដាក់គោលដៅត្រួតពិនិត្យច្បាប់ចរាចរណ៍ផ្លូវគោកទាំងថ្ងៃទាំងយប់ខួបប្រាំងខួបវស្សា ។ ពួកគាត់បានបញ្ជាក់ថា នៅទីតាំងគោល ដៅត្រួតពិនិត្យច្បាប់ចរាចរណ៍ទាំងពីរនោះ បើសិនជាឡានដឹកទំនិញមកពីប្រទេសវៀត ណាម ឆ្លងកាត់តាមផ្លូវនោះ ហើយមិនព្រម ឈប់បង់លុយអោយគោលដៅត្រួតពិនិត្យទេ គឺរថយន្ត ច្បាស់ជាមិនអាចធ្វើដំណើរទៅមុខបានឡើយ។ពាក់ព័ន្ធការលើកឡើងរបស់អាជីវករម្ចាស់ឡានដែលរកស៊ីដឹក ទំនិញខាងលើសូមអំពាវនាវដល់លោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ លោក អ៊ួច ភា អភិបាលខេត្តតាកែវនិងលោក ឈាង ផាន់ណារ៉ា ស្នង ការនគរបាលខេត្តតាកែវ មេត្តាពិនិត្យមើលគោលដៅអនុវត្តច្បាប់ចរាចរណ៍ផ្លូវគោកទាំងពីរគោលដៅដែលតម្រូវអោយបង់ ប្រាក់និងដាក់កុងត្រូលទាំងថ្ងៃទាំងយប់នេះផង។ហើយក៏ត្រូវបានបណ្ដាញសារព័ត៌មានក្នុងស្រុកជាច្រើនអង្គភាពធ្វើការចុះផ្សាយលាត ត្រដាងភាពមិនប្រក្រតីពុករលួយរបស់លោក ឆាយ សាវុធស្នងការរងនគរបាលខេត្តតាកែវ ទទួលបន្ទុកផ្នែកចរាចរណ៍ផ្លូវគោក បើដៃអោយកូនចៅជំនិតៗរបស់ខ្លួនធ្វើអ្វីៗតាមអំពើចិត្តនេះផង។
ពាក់ព័ន្ធព័ត៌មានខាងលើគេហទំព័រ (www. enn-tv.com)យើងខ្ញុំរងចាំនូវការពន្យល់ បកស្រាយពីលោក ឆាយ សាវុធ ស្នងការរងនគរបាលខេត្តតាកែវទទួលបន្ទុកផ្នែកចរាច រណ៍ផ្លូវគោក រាល់ម៉ោងធ្វើការ៕មានត
