ខេត្តត្បូងឃ្មុំ៖ សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានចេញបទបញ្ជារដល់កងកម្លាំងទាំងបីភេទត្រូវអនុវត្ត ទប់ស្កាត់បង្រ្កាបដាច់ខាតរាល់ល្បែងសុីសងគ្រប់ប្រភេទអោយខានតែបាន។
បើទោះបីមានបំរាមរឺទបបញ្ជារថ្នាក់ព្រះឥនយ៉ាងណាក៍ដោយក៍”កាស៊ីណូភូមិយើង” ដែលស្ថិតក្នុងភូមិអន្លុងជ្រៃ ឃុំកក់ ស្រុកពញាក្រែកខេត្តត្បូងឃ្មុំ នៅតែផ្គើនបទបញ្ជារនៅបើកលេងទ្រង់ទ្រាយធំដដែលហើយ បើកចំហរឲ្យខ្មែរចូលទៅលេងល្បែងមាន់ ជល់បៀអាប៉ោងយូគីនិងហ្គេមបាញ់ត្រីយ៉ាងគគ្រឹកគគ្រេង ហើយអាជ្ញាធរនិងសមត្ថកិច្ចក្នុងមូលដ្ឋានមិនហ៊ានបង្រ្កាបមិនខ្វល់នៃការរីករាលដាលជំងឺកូវីដ ១៩ ឡើយ ។
ប្រភពពីក្រុមញៀនល្បែងបានបន្តអោយដឹងថា រាល់ថ្ងៃគេសង្កេតឃើញអ្នកញៀនល្បែងគៀងគរប្រមូលផ្ដុំជិះឡានសេរីទំនើបៗនិងម៉ូតូរាប់រយគ្រឿងសុទ្ធតែពលរដ្ឋខ្មែរចូល ក្នុងសង្វៀនដោយគ្មានការភយ័ខ្លាចពីរការចុះបង្ក្រាបរបស់សមត្ថកិច្ចនិងអាជ្ញាធរនោះទេ។ឯចំណែកមាន់ជល់ មានការភ្នាល់ចាប់ពី ១០០០ ដុល្លារហូតដល់ ៥០០០ ដុល្លារសម្រាប់ថ្ងៃសៅរ៍នឹងថ្ងៃ អាទិត្យ ឯថ្ងៃធម្មតាវិញដើមថាន់ចាប់ ពី៥០ ម៉ឺនទៅ ១ លាន រឺ ២លាន ជាពិសេស អាប៉ាងសុីគ្នាល្បីល្បាញក្នុងសង្វៀនចាញ់ឈ្នះរាប់ពាន់មុឺន ដុល្លារអ្នកដែលចូលទៅ លេងនោះសុទ្ធតែពលរដ្ឋ ខ្មែរដែលញៀននិងល្បែងសម្រាប់សមត្ថកិច្ចនិងអាជ្ញាធរមូលដ្ឋាន ស្រុក ខេត្ត រក្សាភាពស្ងៀមស្ងាត់ខណៈ”កាសុីណូភូមិយើង” នេះកំពុង បើកពង្វក់ពលរដ្ឋខ្មែរចូលលេងគគ្រឹកគគ្រេងគ្មានការហាមឃាត់ពីអាជ្ញាធរសមត្ថកិច្ចនិងជំនាញពាក់ព័ន្ធឡើយ។ដូច្នេះ”កាសុីណូភូមិយើង” ដែលបើកឲ្យពលរដ្ឋខ្មែរចូលទៅលេងល្បែងយ៉ាងរលូន គេសង្ស័យថាម្ចាស់កាសុី ណូមួយនេះមានខ្នងបង្អែករឹងមាំទើបសមត្ថកិច្ចនិងអាជ្ញាធរមិនហ៊ានប៉ះពាល់ធ្វើមិនដឹងមិនឮមិនបង្រ្កាបយ៉ាងដូច្នេះ។
សូមបញ្ជាក់ថាសង្វៀនមាន់ជល់បៀ អាប៉ោង យូគីនិងហ្គេមបាញ់ត្រីនៅក្នុង”កាសុីណូភូមិយើង”ស្ថិតនៅក្នុងភូមិអន្លុងជ្រៃ ឃុំកក់ ស្រុក ពញាក្រែក ខេត្តត្បូងឃ្មុំ ដែលបើកចំហរឲ្យពលរដ្ឋ ខ្មែរចូលលេងគគ្រឹកគគ្រងយ៉ាងអានាធិបត្តេយ្យមិនរំខានដល់សមត្ថកិច្ចនិងអាជ្ញាធរនោះបច្ចុប្បន្ននេះប្រជាពលរដ្ឋមានការព្រួយបារម្ភភ័យខ្លាចចោរកម្ម.ចោរលូច. ឆក់.ប្លន់.គាស់ផ្ទះនិងអំពើហិង្សាគ្រួសារ គួរឲ្យកត់ សម្គាល់ ដើមចមកើតចេញពីល្បែងសុី សងនេះឯង។
ប្រជាពលរដ្ឋក្នុងមូលដ្ឋានខាងលើសូមអំពាវ នាវដល់ថ្នាក់ដឹកនាំក្រសួងមហាផ្ទៃជាពិសេ សលោកនាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ នឹងលោកបណ្ឌិត សុខ ផល ប្រធានគណៈកម្មាបង្រ្កាបល្បែងសុីសងទូទាំងប្រទេស មេត្តាពិនិត្យ “កាសុីណូភូមិយើង” ដែលបើកឲ្យប្រជាជនខ្មែរចូលលេងគគ្រឹកគគ្រេងអានា ធិបត្តេយ្យយ៉ាងពពាក់ ពពូនពេញបន្ទុកនោះ ។
ដែលបញ្ហានេះលោក ជាម ចន្ទ័សោភ័ណ្ឌ អភិបាលនៃគណៈអភិបាលខេត្តត្បូងឃ្មុំលោក ម៉ុន មាគ៌ាស្នងការន គរបាលខេត្តត្បូងឃ្មុំនិងលោក វ៉ា សារិទ្ធ មេបញ្ជាការកងរាជអាវុធហត្ថ ខេត្តត្បូងឃ្មុំ បើពិតមិនបានជាប់ពាក់ព័ន្ធនឹងផលប្រយោជន៍នោះទេ គួរចុះពិនិត្យចាត់វិធានការបង្រ្កាប “កាស៊ីណូភូមិយើង” ដែលបើកចំហរឲ្យពលរដ្ឋខ្មែរចូលលេងឲ្យមានប្រសិទ្ធភាពស្របតាមគោលនយោបាយ ភូមិ ឃុំ មានសុវត្ថិភាព ៧ ចំណុចដែលរាជរដ្ឋាភិបាលបានដាក់ចេញឲ្យអនុវត្តន៍ស្របតាបបទបញ្ជាររបស់សម្ដេចក្រឡាហោម ស ខេង ជា បន្ទាន់ផងទាន ៕មានត
